في هالسكه بكيت غصبا بكيت

[ولد المطر]

بسم الله الرحمن الرحيم الحمدلله رب العالمين حمدا كثيرا طيبا مباركا فيه كما يحب ربنا ويرضى والصلاة والسلام على خير الخلق اجمعين سيدنا محمد صلى الله عليه وسلم وعلى اله وصحبه اجمعين اما بعد
اما بعد صحيت يوم الجمعه من غبشه يعني من الصبح امس تريقت وبعدين طلعت بالسيارة وين اسير وين اسير لقيت نفسي ساير صوب الفريج الجديم ويوم حطيت ريولي على الارض هزتني مشاعر زمان وايام زمان تميت اتمشى من سكه لسكه ومن بيت لبيت وانا تمر علي الذكريات كانها شريط فيديو والله سمعت جداتنا وهن يحلبن البقر وسمعت امهاتننا وهن يطبخن ويوم ييت عند هالسكه ما قدرت ايود دمعتي هنيه قعدنا ولعبنا وكنا نيب الماي في الغرش ونشربه مدري شو الحلاه اللي في الماي وفي هالسكه الضيقه لعبنا كرة لين قلنا بس وفي عز القايله كنا نتخطرف جنا ذباب رايحين من بيت لبيت واذكر ولد عمي يوم عق صحن الهريس من شدة الرمضاء والله ايام حلوة وزمان احلى اذكر مرة العنز تاخرت مايت الظهر وطلعت انا وياي اخوي اندورها في وسط هالسكيك ومن شدة الرمضا قمنا كل واحد يمشي في ظل الثاني واليوم احنا اللي كبرنا وتمت السكيك تحتفظ باحلى ذكرى

[فطومه]

احلى شي ذكريااات اتم ف ذاكره مهما كبرت تذكر ذكرياات حلووه .....

تسلم اخوووي ع الموضووووع .....