المطالبة بممشى خاااااص للنساء

[مايد راك]

السلام عليكم ورحمة الله وبركاته
....عندي موضوع وبدايته رسالة خاصة (((موجهة لدائرة الأشغال ودائرة البلدية )))
أتمنى تخصيص مساحة وتكون قريبة من البحر مسافتها 1 كيلو متر ويتم إنشاء ممشى خاص للنساء ويتم تعبيد الشارع (قار) + سور + كراسي + دورات مياه + إنارات ويكون ذهابا وأيابا وأنا مستعد أنفذ التخطيط وما أعتقد المشروع يكون مكلف
بصراحة الواحد يكون مطمن على أهله مثلا ينزلهم الممشى الوقت الفلاني وبس ينتظر أتصالهم ويمر يشلهم ويكون مطمن من التحرشات والسيارات والحوادث وألخ
وبنفسكم تشوفون وأغلب البنات إلي يحبون يمارسون المشي والرياضة ما ياخذون راااااحتهم
بصراحة إذا كان الممشى موجود بالعكس البنت بتاخذ راحتها وبتلبس على راحتها وبتفتك من شي أسمه عباه دامها بجو نسائي
أتمنى الوصول لحل سريع ويتم تنفيذ المشروع البسيييييييييييط جدا ....
الأشغال ما قصرت رتبت الكورنيش بس بعد ما ياخذون راحتهم والكل يشهد !!
السموحة ع الأطالة بس والله شاغل بالي هالموضوع وأبا أمهاتنا وأخواتنا ياخذون راحتهم شرات ما نحن ناحذ راحتنا ..
أنا بنفسي بتصل البث المباشر وبطلب أستضافة أي شخص من الأشغال وبفتح الموضوع وإنشا الله نوصل لحل معاهم وإنشا الله ما بيقصرون ..
ودمتم بحفظ الله ورعايته وننتظر مشاركاتكم

[مناااايا]

إن شاء الله صوتك ورسالتك توصل لهم ....


حتى عدنا في الشارجه راح يطبقون ها المشروع اللي هو

ممشى للنساء في حديقة خزام ....

واحد ثاني للرجال بمنطقة المطار ...بها الطريقه راح تكون الوحده مرتاحه ومطمنه ...

موفق آخوي ...وربي يعطيك العافيه ...

[ولد الغيل]

موفق بإذن الله ... لك مني أجمل تحية .

[مايد راك]

الله يوفقج دنيا وآخره أختي مناااايا ولكي مني أجمل التحيات
وشكر موصول لأخوي لالا ودمتم بحفظ الله ورعايته

[* خياله*]

ياااارب رسالتك توصل
موفق بإذن الله ... لك مني أجمل تحية .
موفق بإذن الله ... لك مني أجمل تحية .
كلامك كله صح اخووي
اتصل ببو عمر وقوله من البدايه لنهايه وانشاء الله تلقا حللللل.
يعطيك العافيه

[صمتي ألمي]

ياااااااااااااااااااااااريت يوصل صوتك
واحنى معاااااااااااااااااااك

[مايد راك]

كل الشكر لأخواتي خيالة وعواشششي
وبصراحة أتمنى أن هالمشروع يتنفذ وبأقرب وقت !! وصوتنا أكيد راح يوصل للمسئولين بأذن الله
ومثل ما قالت أختنا مناااايا أن خلال أيام بيطبقون هالمشروع في الشارجة : ممشى خاص للسيدات وممشى خاص للرجال وعقبال إمارتنا ..

[الشامسي 2010]

شكرا لطرح الموضوع وبالتوفيق

[شباصة منقصة]

الله يــا ريت رســالتك توصــل لهــم

يعـــني صــدق ونااااااااااااااااسة


اذا سرنا الكورنيـش كله حشرات و فيران و شباب

و اذا سرنا نتمشى بالشعبية قالوا انتوا ضاربين سواد و السيارات ما اتشوفكم

و اذا يبنى جهاز المشي فالبيت راسنا دااار و ما رمنى


تســـــلم اخووووووي ع هالطلب الحــلو