قصه طويله

[امير بكلمتي]

فطوم : ماادريبهم والله سارن يسلمن
بو سيف : اهاااا منصور سعيد ليييش يالسين هنيه يالله بالستر لو ايون رياييل برع منو بقرببهم
بو منصور : قوموا انسير الخيمة نيلس هناك بيون الرياييل فضحه
ساروا الرياييل كلهم الخيمة
فطوم والريم يالسات بروحهن في الصالة
الريم : شفتي محلاته ولد عمج
فطوم : منو سعييييد
الريم : هيه ماشفتي اشحلاته يخبل طول وبياض وهيبه والله يكفي انه كشخه
فطوم : لااااااا مشكله اللي يحبون من أول نظره
تفر الريم المخدة على فطوم .. مالت عليج انا قلت احبه الحين
فطوم : علينااا هذي بدايه الحب
الريم : جب جب لا افلعج الحين بالكوب
فطوم : انت ماشفتيه كيف ما خوز عيونه عنج حشااا زين ماكلج بعيونه
الريم فقط ويها استوى احمر
الريم : انت امره عيونج على الولد اتراقبينه
فطوم : لا والله كل شي كان يبين في عيونه
الريم : جب جب انت امره لازقه في منصور لزقه
فطوم : مالت عليه ياليته يحبني مثل مايحبج سعيد
الريم : ايه سكتي اللي يسمعج الحين يقول انه ياه وقال لي انه حبني
فطوم : غبيه انت ما تعرفين تقرين نظرات العيون
الريم : سكتي سكتي يا فيلسوفة زمانج
فطوم : اقووول الريم
الريم : شووو
فطوم : منصور ولا مرة قالج انه يحب
الريم : نووو ليييييش
فطوم : يلست اتصيح وخبرتها السالفه كاملة .............
الريم : خيييييبه كل هذا يظهر من منصور لا مستحيل
فطوم : شفتي عاد عقب ما حبيته شفتي شو صار
الريم : لااا اخاف يطلع سعيد شراته
فطوم : افااااا بعدنا من أول نظره وحبته
الريم : هههههههه لا مااحبه بس جيه اسأل
فطوم : عليناااااااا
الريم : شووووو رايج ارمس منصور واقوله السالفة
فطوم : لا يا ويلج خلاص مادام انه يحب وحدة مستحيل بحبني
الريم : كيفج ما بغصبج
فطوم : قومي خلينا انسير فوق اندقدق تلفون
الريم : يلا
سارن فوق وماخلن حد من ربيعاتهن ما دقها وباركلها بالعيد

الساعه 11.20
أم سيف : فطوووووووم
فطوم : ..........
أم سيف : فطوووم وينج
الريم : ايه عموه تزكرج خلينا ننزل اكيد ين
فطوم : اوكيه خليني ابند التلفزيون وبننزل
الريم : يلا بسرعة
نزل تحت ...............
أم سيف : وووينج يالسه ازكرج
اتسير فطوم والريم يسلمن عليها ويباركلها بالعيد
الريم : اقول عموه وين امايه عيل
أم سيف : ويا أم سعيد في الميلس
فطوم : الريم انسير انسلم عليهن
الريم : يلااا
أم سيف : فطوم وين منصور اخوج
فطوم : عند البشكارة
أم سيف : خيبه تخيبها شو يسوي عندها دومه عندها بسير اطالعه انا اخاف ياه شيء الولد راغدينه عند البشكارة
وسارت فطوم والريم الميلس ويسلمن على الحريم ويلسن يسولفن
أم سعيد : ماشالله عليه بنتج يا أم منصور كامله وما الكامل إلا وجه سبحانه
الريم الكشخه طاره ويها لازم يمدحونها من قدها البنت
أم منصور : ماشالله عليها
أم سعيد : خلاااص انا من الحين حاجزتنها حق سعيد ولديه
الريم ويها استوى احمر وفطوم ناقعه ضحك عليها
أم منصور : اشالله
توقف الريم : برايكم بترخص سمحولي وتغمز حق فطوم عشا تقوم
وطلعن برع ... سارن الحديقة يتمشن ..
فطوم : يا ويلي خطبوهم بعض الناس من قدهم
الريم : ايه عيب فضحتينا
فطوم : يا ويلي الا اليوم شافته وعيبها وخطبوها حقه
الريم : ايه اللي بسمعج الحين بصدق إلا كلام حريم وعلى قولتهم كلام ميمع تعال اتسمع
فطوم : والله كل شيء جايز بهل الحياة
يلسن على الكرسي وفطوم اطرب ..
ما ينجبر قلب على قلب ..
مادام قلبك ماهواني ..
لحبك أول وأخر الحب ..
لأنت الوحيد اللي في زماني ..
الريم : يا ويل حالي انا
فطوم : اووووف ملل طفرت انا اللي فيني يكفيني ؟؟؟
الريم : شوو تبيني اسويلج ارقصلج
فطوم : هههههههه ودوم وينها ما يت نقعت خيانه الحمارة
إلا شوي وتدخل سيارة قوم ودوم وتنزل ودوم والبنات وياها
الريم : والله انها بنت حلال
وسارن يسلمن عليها ...
فطوم : بنت حلال
ودوم : اكيييييييد يالسات اتحشن فيني
الريم : لا والله يالسين انقول انج اتأخرتي خفناج ما اتين
ودوم : اهااا اقول الريم شووو هالكشخه ؟؟؟
فطوم : سكتي سكتي خطبوها البنت
ودوم : افااا من ورانا من سعيد الحظ اللي بياخذها
الريم : ايه فطوم انت امره تاخذيها جد
فطوم : ودوم قولي منو ؟؟؟؟؟
ودوم : منووو
فطوم : فارس المستقبل سعيد اخوج
ودوم : لا مستحيل منو اللي خطبها
فطوم : امج حجزتها
ودوم : يا ويلي على حرمة اخويه انا
فطوم : سكتي سكتي اليوم يوم كان سعيد عدنا ماخوز عيونه عن الريم
ودوم : شووو سويتي بخويه سحرتيه
الريم : والله انكن سبالات خلاص عاد استحي
فطوم : ههههههههه
الريم : فطوم خليها مستوره احسن لا افضحج
فطوم : تغمز حق الريم شو مستورة بعد الحمد لله محد حجزني بعدني
ودوم : فطوم من ورانا
فطوم : لا والله اتقص عليج صح الريم
الريم : هيه اصح اقص عليح
فطوم : قومن خلنا انسير داخل حر برع ..


الساعة 4.30 العصر
يدق منصور حق فطوم
منصور : الووووو
فطوم : اهلين
منصور : هااا مابتسيرن العزبة ويانا
فطوم : لا بنسير
منصور : يلا نزلن نترياكن تحت انا وسعيد
فطوم : اوكيه باي

فطوم : ايه يلا بنسير العزبة
الريم : ويا منو
فطوم : منصور يتريانا تحت ويا ريلج
الريم تفرها بالكتاب ويا ويهج فضحتينا بسمعج
ودوم يالسه تضحك عليهن وعلى اخبالهن
فطوم : برايكن انا بسير اقول حق قوم امايه
الريم : خلينا انسير ارباعه ..
فطوم : اوكيه
وسارن يخبرهن امهاتهن عشان يسيرن العزبة

فطوم : سلامي بتسيرون العزبة ويانا
سلامي : لا مافينا بنشوف الحفلة في التلفزيون الحين
فطوم : احسن
سلامي : يلا يلا انجلعي ..

نزلن ودوم وفطوم والريم تحت
منصور : يلا الساعة 5 الحين متى بنرد
الريم : يلا انزين
منصور : محد بسير ويانا العزبة غيركن
فطوم : لا محد طاع يسير
سعيد : سيف وحمدان وعبدالله وراشد بسيرون ويانا
منصور : خلاص عيل انت سير بسيارتك وانا بسيارتيه انت وياك الاولاد وانا البنات
سعيد : اوكيه
الريم اتصاصر فطوم : ماابي اريد اركب سيارة سعيد
فطوم : جب عن الفضايح لايسمعج الحين منصور ويسوي لنا سالفة
الريم : طاع من يرمس
فطوم : جب جب خلينا انسير نركب السيارة ؟؟؟

في العزبة البنات يالسات على العرقوب يسولفن
الريم : اوووف عطشت بسير ايب لنا بيبسي ولا عصير
فطوم : انا اريد بيبسي
ودوم : وانا بعد
الريم : اوكيه

ودوم تقول حق فطوم اقول فطوم ...
فطوم : تفضلي الغالية
ودوم : شو رايج بمنصور
فطوم : منصوووور ريال ولا عليه كلام
ودوم : أقووول شي ولا أضحكين عليه
فطوم : شووووو .........
ودوم : الصراااحة انا من شفت منصور وماأدري شو ياني
فطوم قلبها نغزها وتقول في خاطرها مستحييييييل دخليج لا تحبينه ..
ودوم : انزين الصراحة شكلي شكلي حبيته كل مااشوفه قلبي يدق ويعتفس حالي
شوو اسوي بحالتي
فطوم : ............
ودوم اطالع فوق : شوو الحل يا فطوم
فطوم : .............
تنزل ودوم راسها : فطووووووووم
فطوم : هااا شووو
ودوم : وين سرحتي
فطوم : لا وياج ادور لمشكلتج حل؟؟؟؟؟
ودوم : بليييييز فديتج فطوم كلميه عشان خاطريه
فطوم منصدمه منها : لا مستحييييييل
ودوم : دخييييييلج عشان خاطر اللي تحبينهم بليييز منصور وايد يسولف وياج اكيد بسمع اللي بتقولينه يمكن يحبني ويمكن يحب غيري بس دخليج انت ماجربتي الحب ؟؟؟ ولا جان رحمتيني ...
فطوم آآآآآآآآآآآآخ يا قلبي .. كله منك يا منصور صدمتين في نفس اليوم خلاص مااتحمل بموت
ودوم : هااا فطوم شو قلتي
فطوم : خلاص فالج طيب ماطلبتي برمسه لج
ودوم تنقز تحب فطوم : مشكوووووورة حبيبتي فديتج عرفت انج مابتردين لي طلب
فطوم في خاطرها كله بس عشان خاطر منصور ..
يموت حبي له ولاني أكسر بقلب ودوم حليلها حبته ... خلاص ياقلبي انس حبيبك مالك نصيب فيه ؟؟؟

ودوم : فطوووم طالعي الريم الخاينة مع منو يالسه

فطوم : وينها
ودوم : فوق هذاج العرقوب الصغير اللي عدال سيارة منصور
فطوم : قوووووويه يالسه ويا سعيد
ودوم : يا حظهااا ياليتني انا يالسه ويا منصور
فطوم : ...........
ودوم : فطوم سيري رمسي منصور شوفيه يالس يعابل الدراجة بلييييييز اريد اعرف ردت فعله
فطوم : امري لله بسير ارمسه
تسير فطوم صوب منصور ..
منصور : هلا والله بالحلا كله
فطوم : ايه تراني استحي
منصور : ههههههههه
فطوم : منصور اريدك بسالفه بليييز ممكن اخذ من وقت دقابق
منصور : وقتي كله لج ؟؟؟؟
فطوم ...............


شووووو تتوقعون رد فعل منصور من فطوووم ؟؟؟؟
وفطوم شو بكون موقفها من منصور ؟؟؟؟؟!!!!!!!!
كل هذا بتعرفونه في البارت اليديد انتظروووونا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



تسير فطوم صوب منصور ..
منصور : هلا والله بالحلا كله
فطوم : ايه تراني استحي
منصور : ههههههههه
فطوم : منصور اريدك بسالفه بليييز ممكن اخذ من وقت دقابق
منصور : وقتي كله لج ؟؟؟؟
فطوم ...............
منصور : فطوم بلاج ساكته قولي اللي في خاطرج وأنا اسمعج
فطوم خلت عيونها بعين منصور من شافت عيونه نزلت راسها قالت مستحيل اخسرك مستحيل .. خذت نفس طويل ورفعت راسها وابتسمت وقالت : منصور اسمعني في ناس يحبونك ويعزونك ومن شافوك وهم يحاتونك ودهم بس يشوفونك
منصور ابتسم ابتسامه عجيبه حليله يتحسب اللي في باله منصور يقول بمكر : انزين منو هالناس اللي يحبونا ممكن نعرف
فطوم طالعت ودوم من بعيد وقالت : ودوم اخت سعيد
منصور من سمع هالكلمة تيبست ريوله ماعرف شو يقول نزل راسه خلاص العبرة خنقته وعيونه استون حمر ..
فطوم : منصور ....
منصور رفع راسه عشان ما يبين لها انه ضعيف وانه يعزها هيه ويحبها هيه .. ابتسم ويلس يضحك بس الضحكة ماكانت طالعه من قلبة
منصور : وبعدين
فطوم خلاص بتموت ماتعرف شو تقول حست ان قلبها توقف ومنصور ما راح يكون لها
فطوم : شو بعدين قلت لك البنت تحبك وقالت لي ارمسك حرام تعذبها ويااااك إذا ماتكن لها أي شعور قول عشان ارمسها
منصور في خاطره يقول انت اللي معذبتني وياج
منصور : الصراحه يافطوم اني للحين ما يلست وياها وايد ودوم ماعليها كلاااام بنت الكل يتمناها الصراحة جماله يكفي ؟؟؟؟؟ يمكن مع الوقت قلبي يحن ويحبها ..
فطوم : خلاص برايك بسير صوبها ..
لفت فطوم ويها الصوب الثاني على اساس انها بتسير بس منصور مسك بإيدها
لفت فطوم صوب منصور ..
منصور : فطوم ...
فطوم : ...........
في هالحظه ايي سعيد صوبهم ..
سعيد : هاااااا منصور اشتغلت الدراجة ولا
منصور يطالع فطوم وخاطره يرمسها ... ولف صوب سعيد
منصور : طلعت روحي ماطاعت تشتغل مأدري شو بلاها
وتسير فطوم صوب الريم وودوم بس اريولها ماقادره اتشيلها ..
الريم : هلا والله بشيخة البنات
فطوم : جب انت حركااااااااااات أخر من يتكلم
الريم : خير شو سويت حليلي
فطوم : يالسة ويا حبيب القلب وتقولين ماسويت شي حرام حليلج والله ضلمناج
الريم : اهاااااا قصدج سعوووود
ودوم : بعد سعود ايه عيب زقري الرياييل بأساميهم شو سعود بعد
الريم : كيفي سعود غصبا عنكن واطالع فطوم وتقولا مشكله اللي يغارون
فطوم : جلبي ويهج ،،،، سيري يلسي عنده وفكينا من حشرتج
الريم : ياليت بس أخاف أنه يمل مني
فطوم : ريموه لو سمحتي ممكن تكرمينا بسكوتج
الريم : من عيوني غناتي
ودوم : فطوم شو صار وياج
فطوم : تقبل الوضع وقال مع الأيام يمكن يحن قلبه ويحبج
ودوم : فديته ياربي
فطوم : ايه مب جدامي فهمتي
الريم : هههههههههههههههههههه
فطوم : ودوم قال انج حلوة وتخبلين ماعليج كلام
ودوم من سمعت هالرمسه تنقز وتحب الريم على خدها وتقولها فديتج وفديت اخوج
فطوم لفت الصوب الثاني والدمعة في عيونها خلاص ماتعرف شو تقول بس ماسكه عمرها عشان محد يحس باللي فيها



من صوب سعيد ومنصور
سعيد يعابل بالدراجة .. ومنصور سار صوب سيارته وركب السيارة وشغل المسجل وخل غنية حمد العامري وطول على المسجل على أساس فطوم تسمع الغنية
(( مافاز قلبي فيك مافاز ... خسران من كثر القطاعة ... والطيف عن عيني فلا خاز .. سرحان في وسط الجماعة ))

فطوم من سمعت الغنية وقفت وحست قلبها يدق بسرعة وعرفت انها المقصودة بالغنية وقالت في خاطرها فديتك يا ربي شو انسوي القدر مايبانا لبعض ..


منصور مخلي راسه على السكان وحالته حاله ويصيح تلفونه ..
منصور وصوته مخنوق : الووووووو
هزاع : هلا والله براعي الصوت
منصور : هلا فيك الغالي اشحالك
هزاع : بخير وسهاله اشحالك انت
منصور : الحمد لله
هزاع حس ان منصور شي فيه ..
هزاع : منصور اشفيك صوتك مب طبيعي
منصور : آآآآآآآآآآخ شو اقول لك يا هزاع
هزاع : خير منصور شوووووو صاير
منصور : شفته ولا أدري اشحل بي ... مشي القطى وعين الظبي ..
هزاع وهو يضحك على منصور : في وين شفته يا منصور
منصور : شفته انا في بوظبي
هزاع : عاااااااااااش الهيمان
منصور : شوووووو تتطنز حضرتك
هزاع : لا والله بس مااحيدك تحب ولا إنك أطالع بنات
منصور : عمري ماشفت بحلاها .. مأدري شو صار فيني من شفتها
هزاع : بل بل ..... منو هذي سعيدة الحظ
منصور : جب ما يخصك
هزاع : خيييييييييبه بلاك شو قلت لاتخاف مابسرقها
منصور : والله يا هزاع تراني بقص لك لسانك ثمن رمستك عيب عليك
هزاع : خلاص الغالي شكلي بطيح فيها اترخص عنك ابرك لي عن حشرتك
منصور : مش منك من اللي يشكي حاله
هزاع : والله مايخصني بسوالف الحب والخرابيط
منصور : بييك يوم وبتحب وبتشوف كيف يسوي بك
هزاع : الله لا يسمع منك مافيني ابتلش شراتك
منصور : ههههههههههههه
هزاع : برايك عيل الغالي اترخص منك شي في خاطرك
منصور : سلامة راسك ماتقصر رد السلام على الشباب
هزاع : انشالله يالله فمان الله







من جهة البنات ...
الريم حاسه ان فطوم شي بلاها ... ماتعرف شو صار لها توها سوالف والحين ويها معتفس ..
تريد تبعد ودوم بأي طريقة عشان ترمس فطوم .. الريم ترمس ودوم بمكر ..
ودوم : سيري طالعي منصور وسعيد متى بنرد البيت خلاص تعبت اريد ارد
ودوم نقزت من مكانها اصلا هيه تباها من الله عشان تسير ترمس منصور
وسارت ودوم عنهن ..
الريم : فطوم
فطوم : .........
الريم : فطووووووووووووووووم
فطوم : شوووووو
الريم : بلاج معتفس ويهج
فطوم : لا ماشي بس راسي شوي يعورني
الريم : علينااااااا
فطوم اطالع الريم وتسير تلوي عليها ويلست اتصيييييييييييح
الريم : فطوم حبيبتي بلاج شو صار
فطوم : ...........
الريم تمسك راس فطوم وتخلي عينها بعين فطوم
الريم : فطوووووم قولي اللي عندج انا ادريبج انج تحبينه
فطوم : لا ماحبه اكره ماااااااااااالت عليه مادانيه
الريم : انت اصلا تموتين عليه مب عليه حركاتج
فطوم : لا دخيييييييييييلج لاتقولين لاتعذبيني زيادة اللي فيني يكفيني
الريم شوي وبتصيح ... الريم : فطوم سمعيني زين
فطوم : .........
الريم : لازم اتكونين قويه لا تبينين انج ضعيفة جدامه هذا اخويه وانا ادرى به وانت تعرفين الرياييل يحبون يشوفون البنات يذلن اعمارهن عليهم وانت خلي عمرج مش مهتمة بالسالفة ولاتبينين لودوم أي شيء وخاصة منصور يوم بتشوفينه سولفي وضحكي عشان مايبين انج متأثرة بالسالفة اوكيه
فطوم تمسح دموعها : خلاص فالج طيب وبسمع رمستج
والله يعوضني من يداوي قلبي ..

ودوم سايره صوب منصور بس سعيد يزقرها ودووووووم
ودوم آآآآآآآآآآف هذا شو يباه
ودوم : نعم
سعيد : يلا بنرد البيت سيري زقريهم
ودوم : يافرحة ماتمت
سعيد : شوووووو تقولين
ودوم : لا بس اقول انشالله من عيوني




وتسير ودوم تزقرهن عشان يسيرن البيت
في السيارة الكل ساكت بس منصور كان يطالع فطوم من المرايا بس فطوم ماكانت تلاحظ لأنها يالسه أطالع برع منصور يريد يلفت انتباه فطوم ..
اقول شو رايكم اشتري لكم عشا من برع ونتعشا في أي مكان مثلا يبل حفيت ولا مبزره
ودوم تنقز الله وناسه انا موافقه
الريم : حتى انا موافقة
منصور : يالس يتريا فطوم ترمس بس مارمست ولاكلمه مخليه عمرها ماتسمع شو يقولون
منصور : فيه ناس ماعطونا رايهم اكييييييد مايبون يسيرون يتعشون ويانا ..
فطوم : ............
منصور : هااا فطوم بتين ويانا ولا
فطوم : لا مااريد وصلوني البيت وكيفكم بعدين سيروا وين ماتبون تسيرون
منصور حس ان فطوم شي فيها
منصور : خلاص كنسلت السيره مابنسير خيرها في غيرها
فطوم : افااااااا والله تسيرون عادي انا مالي خاطر اطلع بسير اريح احس عمري تعبانه شوي
منصور : سلامات ماتشوفين شر ،،،، خلاص عشان حلفتج بنطلع
فطوم : خلاص عيل خطفوني أنا أول على البيت
منصور : اوكيه من عيوني
ودوم ميته قهر لييييييش جيه يرمسها لا بعد يقولها من عيوني ...



المهم وصلوا فطوم وراشد وعبدالله وسيف البيت وسارت ودوم ومنصور وسعيد والريم اشتروا عشا وساروا صوب يبل حفيت عشان يتعشون ...
في يبل حفيت كلهم يالسين يسولفون والريم ودوم يخلن العشا على أساس انهم يتعشون .. الريم يلا تعالوا خلصنا خلينا العشا ..
قام منصور عنهم ..
سعيد : منصور بلاك تعال تعشا ويانا ..
منصور : لا مااريد عشا تعشو انتوا انا بسير اتمشا
سعيد : افاااااا لييييييييش
منصور : لا والله بس جيه مالي نفس بالأكل
سعيد : على راحتك
الريم حست بالي في منصور وقالت في خاطرها الله يعينك ويعين فطوم وياك بس شو الحل ؟؟؟؟؟؟؟
يسير منصور بعيد عنهم ويلس يطالع القمر .. ويفكر بفطوم وقال لييييييييييييييييش ياربي يوم حبيتها بتبعدها عني ليش جيه حظي ؟؟؟؟؟ لا مستحيل هيه تحبني عيونه تقول انها تحبني ؟؟؟؟؟ بس لييييييييش جيه سوت وليييييييش تبيعني بهذي السهوله ....؟؟؟؟؟ لا مستحيل تحبني لو تحبني جان قالت لي مستحيل انا اتوهم ... عقله يقول انها ماتحبك وقلبه يقول شي ثاني ؟؟؟؟؟





منصور خلاص ماقدر يتحمل طفر وهو يفكر وسار طرش لها مسج
(( فطوم ليييييييييييش ............ ))
تقرأ فطوم المسج ...... وقالت هذا شو قصده ؟؟؟؟؟؟ وطنشت السالفه ولا ردت عليه رد طرش مسج ثاني ....( حبيبتي فديتج بلاج أنت اليوم كنت مش طبيعية )
فطوم من قرت المسج تيبست في مكانها ... ماعرفت شو تقول .. وقالت مستحيل انا شوووو سويت أكييييييييد حس فيني اني احبه وزعلت يوم دريت أن ودوم تحبه ... لا مستحيل مااريده يعرف اني أحبه ..
ويرد يتصلبها بس فطوم ماردت عليه .........
وعصب منصور منها ويرد يطرش مسج (( فطوم حبيييييييييييبتي ردي علي دخييييييييييييلج لا تعذبيني ))
وترد تتصل فطوم ........
منصور : هلا مليوووووووووووون ولايسدن
فطوم : .........
منصور : فطوم بسألج سؤال ؟؟؟؟؟؟ جاوبيني بسرعة بدون تردد
فطوم : قول اللي عندك
منصور : انت تحبيني ولا
فطوم من سمعت رمسة منصور عيونها دمعت ويها اعتفس استوى أحمر وأخضر وأزرق أشارات استوى
فطوم : ..............
منصور : فطوم
فطوم : .............
منصور : فطوم دخييييييييييلج ردي علي
فطوم : .....................
منصور يزاعج بصوت عالي : أحــــــــــــــــــــــــــــــبــــــــــــ ــــج
فطوم الدموع في عيونها أربع اربع ....
منصور : فطوم وووووووينج
فطوم تاخذ نفس طووووووووووويل وتمش دموعها وتعدل صوتها عشان مايلاحظ انها كانت تصيح ..
فطوم : شووووووو ماسمعت
منصور : احبج والله احبج
فطوم : ودوم ؟؟؟؟؟
منصور : مايخصني قلبي ملكته وحدة وتعلق ابها ولا قادر يخليها يفز لسمع طاريها ويحن لغابت عنه .... خطفت قلبي وروحي ... من شفتها أول مرة في بوظبي طيرت النوم من عيوني ....
فطوم خنقتها العبرة ما تعرف شو ترد وشو تقول ...
فطوم : ...............
منصور : ................
فطوم : منصور اسمع كلامي زيييييييين
منصور : ................
فطوم : انا الصراحة ما أكن لك أي شعور يعني اعتبرك مثل اخوي الكبير احترمه وأقدره واحب اسولف وياه واموووووووت بسوالفه ،،،،،،،،، بس تفكر بيوم أني أحبك . لا لا لا لا اااااااااااااا ومليون لا ..... لا يروح فكرك بعيييييييد
منصور من سمع الرمسه خلاص ماقدر يملك اعصابه الدمعه في عيونه بس مسكها ...
فطوم : منصور والله يامنصور ماراح تلقى احسن من ودوم ،، صدقني إن ودوم تحبك ؟؟؟؟؟؟ ودخييييييييلك لاتخسرها على أوهام أنت عايشنها ... أنا مستحيييييييييييييييييييل أكون لك ...
منصور ينهد بصوته : بس......
فطوم : لا بس ولا شيء هذا اللي عندي ودخييييييييلك يعني خلني على أساس أختك
منصور : ها اللي طلع وياااج
فطوم : برايك بسير اصلي ماصليت واسمحلي بس هذي الصرااااااحه والصراحة ماتزعل
منصور والعبرة خانقتنه : برايج الله وياج
بند منصور من فطوم ...
وخله راسه على ريوله لااااا مستحيل ياليتني عشت في اوهامي ولا اني أسمع هالكلام اللي ماتوقعته في حياتي ياليتني مادقيت ولا طرشت مسج ولافكرت في لحظه بحبها ... مااااااالت عليه صدق غبي أربع ورااااا قلبي مستحيل ياقلبي مستحيل من اليوم أصدقك ...

في جهة فطوم ... تفر عمرها على الشبريه ويلست اتصييييييييييح وتقول لا مستحيل شو اللي سويته فقته للأبد ليييييش جيه اخربها ...
والله انه يحبني طلع ... كيف بعيش من دونه يا ربي ...

في جهة منصور ...
ودوم سايره صوب منصور ...
ودوم : منصوووووووووور
منصور مخلي راسه على ريوله
منصور : ............
ودوم : منصوووور
منصور يشل راسه ويطالع ودوم بس عيونه كانن واااايد تعبانات
ودوم : بلااااااك اشفيك
منصور : .............

[امير بكلمتي]

هذا مكررررررررررررررررر

[امير بكلمتي]

وييييييين الردوووووووووود

[Greettot]

Great hopes make great man.???????????????????????????????????? I Love You??????????????????????????????????????????????Welcome to our website for you World of Warcraft Gold,wow gold,Cheap World of Warcraft Gold,WoW Gold,WoW Gold,WoW Gold,WoW Gold,WoW Gold,

[امير بكلمتي]

وييييييييييييييين الردوووووووووووووود

[امير بكلمتي]

ويييييييييييييييييين الردوووووووووووود

[امير بكلمتي]

وييييييين الردوووووووود

[حلوة الأحساس]

يسلموووووو ع القصه

[مراسل محبوب]

شكرا ع القصه

[امير بكلمتي]

تسلموووووو الردووووووود