مصرف أبوظبي الاسلامي يرفع الرسوم السنوية للحساب الجاري من 120 الى 500 درهم

[قيواني997]

ولله المنة والحمد
ألغيت الاشتراك في الخدمة
ولم أقتنع !!
وقمت بسحب كل ما لدي معهم بفضل الله يوم السبت
مع أنني لم احرك المبلغ منذ 3 سنوات
صيانه هههههه أمر مضحك ومخجل هو الضحك على الذقون
بإعتقادي أنهم خسروا عملاء البنك الاوفياء
في السابق كان الاشتراك السنوي 60 درهم لكل 6 شهور والآن 250 لكل 6 شهور
اي 500درهم !!
حسبي الله ونعم الوكيل

[شباصة منقصة]

الله يــكون بالعـــون


تســلــم اخــــــوي ع الخبــر

ربي يعطيك الصحة و العافيـة

[أسرار]

الله لا يوفقهم

[بوفيه ام راشد 2]

بصراحة انا حسابي الجاري والتوفير عندهم يعني مافهمت ممكن اتفهمني عن اي رسوم .والسموحة

[فتى عوافى]

والله ما عرفنا للبنوك اسلامى بس بالكلام ومناك كله نصب وربا؟ما عارفين وين نحول راتبنا ؟لو يعطونا كاش فى دواماتنا احسن ؟هذا الشهر مصرف ابوظبى الاسلامى خاصم عنى 79 درهم ليش ما عرف ؟الله كريم دفع بلى ؟

[alrams]

هالموضوع صار له 6 شهور او اكثر مطبق .. انهم يسحبون 500 درهم في السنه .. يعني كل 6 شهور 250 درهم

وكله عشان خدمات البنك .. يعني عسى عمر طويل خلوا 10 الاف في البنك لمدة 20 سنه عسب يسحبون منها ههه

حتى البنك سوى سالك ههه

[omkhalid]

حسبي الله ونعم الوكيل

[Eng.Khaled]

صحيح المصرف فاز عن جريب بافضل مصرف اسلامي في الشرق الاوسط لعام 2010

بس هذا مب يعني تدبيل الاسعار اضعاف مضاعفة!

احب هالمصرف وافضله على باقي المصارف.. بس اتمنى مايخسر زباينه بتغيير قوانينه بهالطريقة

واتمنى يكون عندهم مبرر قوي لهذا القرار..

[شكسبير راك]

موضوع يستحق النقاش


يا جماعة ما بعلق وااايد استلمتو المصرف ونسيتو البنوك الثانية شو تسوي

الرسوم تاتي اولا مقابل خدمات يقدمها المصرف او اي بنك اخر بس كل بنك وسياسته الخاصه حد يقولكم خلو الرصيد لا يكون اقول من ---- او او او المهم

حسب معلوماتي في المصرف انه اسعاره الحالية متوازنة مع بنوك الدولة كلها يعني وين ما اطقها تراها عووية

بس على الاقل كم يسوى هالويوه الحلوة الكادر المواطن الي موجود ويخدم فيها شي يريح النفس ويحسس بالطمئنينة

ام بالرسوم اكرر تراها موازنة للبنوك وصرح فيها المصرف المركزي انها مقابل تقديم الخدمات

وتعقيب ل اخوي المهندس
الجايزة الي خذاها المصرف على مستوى الشرق الاوسط معناته ان المصرف يتطلع للعالمية وهالطريق مب سهل


اتمنى لكم التوفيق واتمنى شكاويكم توصل للمحل المطوب وبس توقعاتي ما رااح يتعدل شي لان الحياه كاليوم بعد يوم تغلى اكثر واكثر بحد ما تشوفو البترول ب 500 درهم التفويلة

تحياتي لكم

[vipvtc]

اشكر الاخ قيواني 997 على هذا التنبيه
مع العلم اني بنفس المشكله وعندي حساب توفير عندهم بعد وسالت عن حساب التوفير رد علي الموظف انه ينخصم مبلغ 125 درهم اشتراك نصف سنوي وغيرت حسابي
لبنك الامارات الاسلامي وسالتهم عن رسوم الحساب
فاستغرب الموظف من الرسوم ورد علي ان ما عندهم رسوم
على الحساب لكن عندهم خصم 50 درهم اذا نقص الحساب عن 5000 درهم
باختصار انهم ياخذون فلوس الناس بغير وجه حق يعني ( حراميييييييييه )