"الليزر الأخضر" يصيب العيون بالعمى

[قلم رصاص]

"الليزر الأخضر" يصيب العيون بالعمى



حذرت مصادر طبية في مدينة العين من المخاطر المحدقة التي يتسبب فيها جهاز الليزر ذو الكثافة العالية والذي يصل مداه الى اكثر من 10 كيلومترات ويعرف بين الأوساط الشبابية ب “الليزر الأخضر”.

و يتسبب في إلحاق الضرر بالعين بسبب قوة شعاعه الى جانب تسببه في حروق جلدية وتشويش في الرؤية في حال توجيهه على منطقة الوجه قد تصل إلى العمى.



جريدة الخليج

[الصقر الاماراتي]

لا حول ولا قوة الا بالله ... قلنا نبى تطور ولكن مو لها الشكل عاد .. أنا سمعت قصة أنه في واحد ولد عنده نفس ها الليز وسواها لطيارة كانت تقلع مما ادى الى تشويش اجهزة الطيارة وسقوطها وتم سجن الولد ..

[~{ليش آناآ}~]

لهاي الدرجه خطير يعني

تسلم اخوي ع الخبر

وانشالله عاد ياخذون الحذر

تحياتي

[ساحرة القلوب]

ويييييي أمس أخوي يالس يلعب فيه
مشكور أخوي ع التنبه

[ابن الإمارات]

[frame="7 98"]
الله يكفينا جميع الأخطار

تسلم يا خوي على الخبر
[/frame]

[soso]

اميييييي ..عيل انا واخوي 'طلعنا فليل برع بالحوي نلعب نطالع وين يوصل فوق بالسماء ..

زين زين قلت لي قلم رصاص ما فيني بروحي البس نظارهـ..

[Bo 3@bdallah]

يالله انا ببيع مالي مشترنه بـ 100 درهم
ببيعه بـ 200 .. الكميه محدوده .. ليزري ايد من هذا بعد فيه اشكال ههه

مشكور يا قلم رصاص ع الخبر .. بروحنا ما ننزاد ..

الصقر الاماراتي >>> السالفه صدق شي واحد كان فالصحرا اعتقد فدبي وكان يسوي للطياره وعلى طول بلغو الشرطه ووصلو للريال .. كتبو عنه فالجريده

[العتيبي]

[align=center]الليزر الاخضر .. قوي

يعني بعضه يصل الى 5 - 10 كيلو ..

و له قوه حرارية و البعض منه حارق لو تركته على جسم قابل للإشتعال فتره

فما بالكم بكل هذي الاشياء فيه .. و هذا الشي ممنوع بالدوله بس بعد يدخل الامارات ..!!

و سالفة الولد .. الهيلوكبتر ما سقطت و لله الحمد بس هو أشر عليها و شالوه و كتبوا عليه تعهد بعدم تكرار الامر .. و نشر بالصحف للعبره و لبيان خطورة الامر

العتيبي[/align]