صالونة ربيان هندية

[فراشة الرمس]

المقـادير :
بصله مفرومة
ملعقتين زبدة
حبة طماطم مقطعة مكعبات
صلصة طماطم
هيل + قرفة + ورق غار + ملعقة كاري + فلفل أسود + بهارات مشكلة + فلفل احمر+ملح
ربيان ( حسب الكميه )
حليب جوز الهند
بطاطس
فلفل بارد وحار

الطـريقـة :
نحمس البصل مع الفلفل البارد والزبدة حتى يشقر البصل ونحط عليه البهارات كلها
والربيان والطماطم والبطاطس والفلفل البارد مع التقليب على نار متوسطة
بعدين نحط عليه الصلصة والفلفل الحار ونخليه حتى يستوي الربيان
وبعدين نحط عليه حليب جوز الهند ونقصر عليه لمدة عشر دقايق .
نضيف له ماء طبعا كلما احتاج

[صقار المدينة]

يا ويلي عالاكل الهندي وخاصة الصالونة

يوم اسير المراكز عطول اضرب خط للمطاعم الهندية ههههههههههه

يسلمو اختي وما قصرتي

[فراشة الرمس]

هلا العابرة


لا تشهيني يالعابرة

انا بعد اموت بالاكل الهندي والاكلات الهندية

اشكر لك حضورك

وان شاء الله تجربيها وتخبريني النتايج

[غريمة الشوق]

يمي يمي
شنو هالوصفه اللذيذه
تسلمين حبوبة

[نورالبدر]

كله ولا الحآآر لووول ~

تسلـم الأيآدي ..

^^

[ابغي رضا ربي]

تسلمين الغلا ع الطبق الحلو
يعطيج العافية