رد مع اقتباساستغفر الله
صح كلامك انا اشوف ها البنات بعيني يوم اروح السوق
الله يهديهم
تبدل الحال وصاروا البنات يلعبون بالشباب
|
بسم الله الرحمن الرحيم
اتمنى محد يشل بخاطره علي من البنات
ولكن هذا واقعنا الملموس حاليا
طبعا الكل حاس وعارف ان الدنيا صارت عكسيه وتبدل الحال في كل شي
واللي حاس بمعنى كلامي يعرف قصدي
وكلامي ليس من وحي الخيال
ليش صارت البنت بهالزمن وهالايام(طبعا مب الكل) هواياتها تجميع اكبر قدر ممكن من الشباب تحت مسمى
((بكسر خشمه))
تبدل الحال من بعد ماكانوا الشباب يلعبون بعقول ومشاعر وقلوب البنات لغرض او مصلحة معينه
من الاكثر تلاعباً بالمشاعر .. البنت ام الولد
انتوا شو تحسون وشو تشوفون حاليا
بامانه
هناكَ منْ البشر من هوايتهم التلاعب بمشاعر الآخرين , فتجدهُ مثلاً
يقولُ لِفُلانة ((أُحبّك)) , ثمَّ يذهب إلى فتاةٍ أُخرى ويقولُ لها نفس الكلام
ثم يتنقّل بين الفتيات كالبستاني الذي يتنقّلُ بين الورود !!...
هؤلاء النوعية من البشر هم كثيرين جداً ولا حصرَ لهم , ولكنْ
باعتقادي الشخصي أنَّ هؤلاء لديهم نقص عاطفي وعقدة نفسية
وكذلك يوجد من (الفتيات) بل هم اكثر من الشباب هالايام من هوايتهنَّ التلاعب بمشاعر الشباب
والضحك عليهم ,فينطبق عليها مثلما ينطبق على الشاب تماماً
في رأيك من هوَ أكثرُ تلاعباً بالمشاعر الفتاة أم الشاب ...
وماهو السبب الذي جعلَ هؤلاء يتلاعبون بمشاعر الناس ولماذا جعلوا
من قلوبهم فنادق ذات خمس نجوم فهي تتّسع لمجموعة أشخاص ؟
هل البنت والولد نفس الشئ
استغفر الله
صح كلامك انا اشوف ها البنات بعيني يوم اروح السوق
الله يهديهم
اشكرج اختي راكيه على مرورج الفاضل
وصدقج عن اللي يصير بالاسواق وبكل مكان مهما كانت العيون الساهرة لابد من الثغرات لان الكمال فقط لرب العباد فقط
للاسف الدنيا تدور عكس الماضي بهالزمن
وقاموا البنات يسووون المصايب والمصايد للشباب انتقاما فقط لانفسهم (حسبي الله ونعم الوكيل)
لاحد يزعل من الصراحة والواقع المر .... طبعا ليس كل الناس سواسيه...يعني مب كل البنات او الحريم
اما الحين تعريف الحب بهالزمن هو حب الرجل للرجل وحب المراة للمراة وانتوا ادرى بالتفاصيل
لكن يعجز اللسان عن التعبير في مثل هذه الامور
ولا يسعني الا ان اقول الا
لاحول ولا قوة الا بالله العلي العظيم
حبوبكم الصغيرون حلو الاطباعي
والله اللي نشوفه فهالزمن واااايد سواء من اولاد او بنات
مع احترامي للجميع
وعلى حسب التربيه والعادات والتقاليد
والكل يقيم نفسه ولكن من المنظور في زمنا هذا شفنا الكثير
من هالنوعيه بصراحه اللي محتشم وعارف قدره ماراح يلعب على نفسه وهو عارف انه هذا الشي غلط
وماراح يفيده بشي سواء استهتار نفسه وتنزيل مستواه لاشياء غني عنها
مني انا شخصيا اشوف الشباب
اكثر حتى في ايام رمضان ضاربين كل شي بعرض الحائط ويرقمون
شو هالبشر والله الصراحه الواحد يخجل شو راح يرد عليهم
وخاصه اذا شافوا وحده نازله من سيارتها بيقعدون وراها وين ماتروح الا اخذي رقمي وعقب بروح بس الله يهديهم ان شاء الله
وشكرا اخوي حلو الاطباعي على موضوعك الطيب ...
لا تحاصر نفسك بالسلبيات ولا تحطم روحك بالحزن والاسى ..
استفد من فشلك وعزز به تجربتك ..
توقع دوما الخير ولو صادفت الفشل ..
اشكرج مشرفتي الاميرة لاحسناء على الرد
ووجه النظر
وايام الشباب صارت موضه قديمه الحين
الحين الموضه الجديدة بالاسواق المحليه سوالف بعض البنات
اللي يرمون بلاهم وبلاويهم على الشباب والناس
بس مابقول غير حسبي الله ونعم الوكيل بالصنف هذا من البنات
واتمنى الكل يشاركني
دمتم بود وصحة وسعادة
أنا ألي أشوفه في الاسواق كلهم البنات والشباب محد فيهم مقصر ألا من رحم الله ومستحيل الشاب يحاول يتحرش في فتاه ألا من سوء لبسها وتبرجها يعني البنت رايحه ا لسوق حك شو حاطه فل ميكب توني أنا راجعه من السوق عافانا الله جنهم مب فرمضان لو احتشمت ولبست عبايه حقيقيه مب الي يلبسونه البنات اللحين تقول فستان وغطت ويها في حد بيتعرض لها مستحييييييل الله يهدي بناتنا والشباب بعد والسموحه مشكور أخوي عالموضوع الرائع
الله يعين ويهدي ويستر ع الجميع ...
ومشكور على الموضوع
اشكرج اختي ساحرة البشر+السامعيه
عالمرور الطيب
الله يهديهم يارب
واتمنى اني مااكون اظلم حد بمواضيعي
وربي يوفقكم لكل خير يارب
احم ..
مشكور اخوي على الموضوع
اما الكلام في هذا الموضوع فـ لاينتهي ..
الشباب يلعبون بمشاعر البنات والبنات يلعبون بمشاعر الشباب
الله عز وجل يقول : ولاتتبعوا خطوات الشيطـآن
عموماً للشباب او البنات لايقربون هذا الطريق لأنه الشيطان بيستردجك
والله انه طريق ظلال وفضايح
كيف البنت ترضى على نفسها ترمس ريال غريب < بحجة الحب او الصداقة ..!!
انتي الشرف الغالي كيف ترخصين نفس لمن لايقدرج ولاتحلين له .!
والله وبصراحة الشباب مايصونون البنت وماتهمهم سمعتها
يرمس 10 بنات وكل وحده يعيشها قصة حب ..
اصلا يتحدون بعض ع البنت ومنو اييب راسها
واللي يرقمج مرقم 100 غيرج .!
البنت بعد مايستوي تظهر متعطرة ومظهرها فاتن المفروض تعفف
عفي نفس و عزي نفسج والله يعزج ولاتضيعين دينج وسمعة اهلج
اهلج اللي يدللونج ويخافون عليج
موترج آخر موديل وكل شي موجود ومتوفر
ليش البنت تروح لشاب غريب
ليش ماتعف نفسها وتنتظر نصيبها
واللي يدعي ربه الله مايخذله
وآسف ع الإطـآلـة
دمتم بخير وعـآفيــة
لِسَانَكَ لا تَذْكُرْ بِهِ عَـورَةَ امـرئ ** فَكلُّكَ عَـوْرَاتٌ وَلِلنَّـاسِ أَلْسُــنُ
وَعَـينكَ إنْ أَبْـدَتْ إَلَيكَ مَعَـايِباً ** فَصُنْهَا وَقُلْ يَاعَيْنُ لِلنَّاسِ أَعْينُ
شكراً لكل من قيم موآضيعي
مشكور يالراقي على مرورك
الله المستعان
ويارب لاتبلينا ببنات هاليومين وخليهم لناسهم
ضوابط المشاركة
