هل استمتعتوا فالعيد

[الأميرة الحسناء]

السلام عليكم ورحمة الله وبركاته
وكل عام وانتوا بألف خير
وعساكم من عواده ..



عندني فظول هع هو مش فظول حبايبي ..
بس حبيت اعرف هل استانستوا فالعيد لانكم مهمين بالنسبه لي اعزائي ...
بما اننا اسره و احده في هذا المنتدى الراقي ربي لايحرمنا منه ومن جميع المنتسبين اليه من اداريين ومشرفين وكل شخص وضع بصمه فيه ربي يوفقك ان شاء الله ...
وبما اني واحده من اسرته ..

اتقدم اليكم وبكل فخر واعتزاز بهذه المناسبه الغاليه علينا جميعاً
استكشف ارائكم وتعليقاتكم اعزائي .. لنبدا
هل استمتعتوا بالعيد وفرحته ؟؟؟
واين قضيتوا الاجازه ؟

وهل زرتوا اقاربكم للتهنئه بهذه المناسبه الكريمه ؟؟

انتظر ردودكم وتعليقاتكم


[marq]
اختكم الاميره الحسناء

[/marq]ا

[الأميرة الحسناء]

معقول ماتردون
ليش حبايبي شاركوني فرحتكم ...
لاني عندي مفاجئه مني لكم تشاركوني فرحتي
ان شاء الله عن قريب ربي يوفق الجميع ...

[^بنت راشد^]

وعـــليكم الســلام ورحمة الله وبركـــاتــه

لا تــزعلين عـــشان محد رد على موضوعج

وشرف لي ان انا اول وحده ارد على موضوعج الحـــلو

الحمداللــه استـــانســـنااا بالعــــيد عيدنـــا الأهـــل والأقـــارب

وعيـــدونـــي هع هع >>>أحــلا شـــي

والله شي حـــلو لمه أهــل وسواااالف وغشمره

والعـــيال استــانســـو واااايد

امممم
ما رحـــنا مكـــان لحد ألحـــين

إن شاء الله بــاجر

أنــونس العــيال نشتري لهم هــدايــا

وبـــث

^^

[^بنت راشد^]

يـــلا قولي لنــا وش هـــي المـــفاجئــه شوقتيـــنا نبغي نفرح معـــاج

[نادرة الوجود]

السلام عليكم ورحمة الله و بركاته ...

مشرفتنا الغالية الأميرة الحسناء دائما ما تتميزين بطرح المواضيع يعطيج ألف عافية ...

من فترة طويلة نسيت شيء اسمه عيد أو بالأحرى ما كنت أحس بفرحة العيد لظروف خاصة كان العيد يمر علي اشبه بالجنازة لاتستغربين والله يشهد على ما أقول ... لكن هالسنة وهالعيد مع إني ماسرت مكان غير زيارة الأهل غير كله فرح وسعادة كم يسوى إني بهالعيد أكون عند أهلي بين أحضان أمي وأبوي كانوا أهلي خايفين علي بهالعيد إني أكون مضايجة لكنهم تفاجئوا بإبتسامتي إلي صارت ماتفارقني الحمد لله وأحلى مفاجأة أول ما صحوت من النوم وفتحت باب الغرفة شفت العيادي هاله علي من كل صوب تفاجأت بالهدايا من أمي وأبوي وإخواني وأطفال إخواني بدل ما أنا أهديهم هم أهدوني الله يخليهم لي ولا يحرمني منهم يارب ...

ولج مني فائق الاحترام والتقدير ..

[ẁĿĐźĂУỂĐ999]

وعليكم والسلام ورحمه الله وبركاته ...
كل عام وانتي بالف خير يالاميره الحسناء....
و احب اشكرج عالموضوع الحلو اللي سبقتيني فيه لاني كنت ناوي انزل موضوع بنفس الفكره....
بس مايمنع اني اشارك في موضووعج الحلو ...
بخصوص العيد صراحة اتوقع اني اكثر واحد استانس في هالعيد ....
لاني استغليته صح ....
اول يوم سلمنا عالاهل في بوظبي وثاني يوم سرنا راك سلمنا على اعمامي ورحنا عوافي والمنار فيها وثالث يوم اللي هو اليوم كنا حاجزين في فندق مول الامارات والامور كلها طيبه وفوق اللطيبه بعد ...^^

وبــس

[حلو الاطباعي]

الحمد لله رب العالمين على كل حال
اول يوم استقبال الاهل من الصبح للعصر
وبعدين زيارة الاهل بنفس اليوم

ثاني يوم زيارات خفيفه

ثالث يوم اللي هو اليوم ... في دبي مع الاهل
الامارات مول + دبي مول (صراحة عروض النافورة ولا اروع على اغنيه ميحد حمد) + دبي فيستيفال + مردف سيتي واخيرا الى ديارنا راس الخيمه

شكرا مشرفتي على الموضوع
ربي يوفق ويسعد الجميع يارب

[الأميرة الحسناء]

يـــلا قولي لنــا وش هـــي المـــفاجئــه شوقتيـــنا نبغي نفرح معـــاج

حبي بنت راشد
اصبري شوي وراح انزل الخبر فالمنتدى ان شاء الله

بس ارتب اموري ..
اوك الغاليه ...

[^بنت راشد^]

مـــش مشــكله يا قلبي أخـــذي راحتــج

[القـــالكبيرـلب]

السلام عليكم ورحمة الله وبركاته

كل عام وانتي بألف خير وصحه وعافيه وإن شاء الله عساكم من عواده ,,,,, الله يديم عليكم وعلينا بهجة العيد.

بالنسبه لي طبعا اول يوم : بكون مخصص لزيارة قبر والدي وأخي رحمهم الله ,, بقرأ قرآن وبدعو لهم بالرحمة والمغفرة ,,, ومن ثم تبدأ الجولة بزيارة الاصدقاء ومن ثم اختي الغاليه وتنتهي الجولة بالبيت مع الاهل ,,,, ومن بعدها تجمع الكل عندي على الغدا ويومها سويت كبسه سعوديه من ايديني يااااسسسسسسلام ولا اروع . وبالنهايه أعطيتها رقده لنص الليل.

اليوم الثاني بيتتتتوتي فقط مخصص لاستقبال الزوار والمهنئين بالعيد ,,,,, واليوم الثالث من الفجر ضربت سلف الطراد وسرت البحر مع أخوي وربيعي نصيييييد , جو رائع وخاصة بعد فترة كبيرة ما سرت فيها البحر . للأسف الغله ما كانت ولابد شكله السمك بعده صايم ,,,, هع
واللي طلعناه به شم هامورة على شعريه ,,,,,,,

وبسسسسسسسسسسسسسسس وخلص العيد ,,,, والحين بالدوام

وكل عام والجميع بألف خير ,,,,,,,,