الساكنات في قلوب الغرباء

[البلوشــي]

بسم الله الرحمن الرحيم



في منتصف الليل ليلة البارحة , وفي كورنيش مدينة الخبر تحديداً ،
كنت أقضي وقتي مع صديقي سلطان كنا مستمتعين بالنقاش في الجانب الرياضي ,
قطع حديثنا اتصال لهاتف صديقي سلطان , أجبرني ذلك الاتصال على السكوت والاستماع فقط :

سلطان ......{ هلا والله بالغالية , ما بغيتي تقومين من النوم , ما تسوى علينا هالأختبارات اللي حرمتنا سماع صوتك وشوفتك يا حلوه , أكيد الحين شكلك يخوف وشعرك طاير لأنك نايمه من المغرب للحين , هاه وش سويتي مع دكتورتك الغبية اللي رفضت تعيد لك اختبارك , عساها قبلت العذر الطبي اللي دبرته لك , قبلت العذر ؟ الحمدلله , شدي حيلك ولا تروح عليك نومه مره ثانيه ثم يفوتك الاختبار , توصيني شي , شنو بغيتي , بغيتي أجيب لك عشاء من هارديز الحين , تأمرين أمر , بس ترى بجيبه وأنزله عند باب البيت وأمشي لأن معاي صديقي منصور , يالله نشوفك على خير وهالله هالله بالمذاكرة ....}

أنا: أفاااااااا يا سلطان مسوي محترم وولد ناس واخر شي تغازل ؟

سلطان : أنا اللي مفروض أقولك افاااااا لأنك تشك فيني وأنت تعرفني زين ياصديقي
.أنا : أيه أعرفك زين والقهر أني ما أدري أنك راعي غزل ومكالمات أخر الليل ,
ماعلينا المهم قلي وين بيتها عشان نودي العشاء لها .
سلطان : أنت تقصد بيت البنت ....!
البنت يا طويل العمر بنفس البيت اللي ساكن فيه أنا , وتحديداُ بالغرفة اللي بجني غرفتي لأن هذي المتصلة أختي (( وعلامة الثقة تملئ محياه)) .

أنا : من جدك تكلم أختك كذا ..؟ تستهبل ..؟ والله أنك منتب صاحي أجل فيه أحد يكلم أخته كذا ويعرف كل شي عنها ....؟
سلطان : نعم فيه ناس تكلم أهلها كذا تدري ليه ؟؟
أنا : ليه
سلطان : طيب لأن البنات يحتاجون للحنان ومعامله طيبه من أخوانهم عشان ما يلجؤون أنهم يدورون عنها خارج المنزل مع الصالح و الطالح .
فهمت الحين ليه أعامل أختي كذا ؟؟
إنا : ايه فهمت !!!!!!!!!!!!!!!!!




أنتهـى



ســــــــــــــــــؤال/

لو كل أخ يعامل أخته مثل سلطان ،
أو كل زوج يعامل زوجته مثل سلطان
أو كل أب أو أم يعاملون بناتهم مثل سلطان ..






هل سيسكنون في قلوب الغرباء ؟؟




أتمنى تنال أعجابكم

لا تنسون المناقشة

[السامعيه]

[align=center]
عجبني موضوعك ...وغريبه محد مشارك فيه... صحيح كلام ربيعك البنت محتاجه حب حنان من اخوها او من اهلها او حتى من زوجها.... لا هالشي مابتخليها تدور الحب والحنان برع .... ولاحتى تفكر تخون زوجها او تسقط في معصيه .....
تسلم اخوي وياريت كل الشباب مثل سلطان
[/align]

[شهد]

موضوعك حلو اخوي

وصدقت لو كل اخوي يهتم في اخته جيه ويسمع لها شو بخاطرها جان ما لجئت حق اي حد يمكن هالشخص الي تلجئ

له يستغلها في الي تقوله ويصير امور ثانيه تضرها

المهم الله يحفظ الجميع وشكرا على الطرح

[فضائي]

المفروض أنه الأخوات يحصلن الرعاية و الإهتمام حتى من الأخوان مو بس من الأم والأب
تسلم أخوي على الموضوع