Eurasian Wryneck تصوير الطنيجي

[alrams]

السلام عليكم ورحمة الله وبركاته

صوره من تصوير اليوم للاسف ما طلعت الصور زينه شكلي بروح ادوره بنفس المكان لو حصلته بصوره مره ثانيه

يبدو انه من الطيور المعرضه للانقراض

الأسم العربي: اللواء - قليلبة
الأسم الإنجليزي: Eurasian Wryneck
الأسم العلمي: Jynx torquilla

طائر مهاجر من فصيلة نقار الخشب ، يتواجد في المناطق المعتدلة من أوروبا وآسيا ، يهاجر شتاء ً إلى المناطق المدارية في أفريقيا ، والمناطق الجنوبية من آسيا ، خلال الغابات المفتوحة والبساتين ، غذاءه النمل والحشرات ، وأعشاشه ثقوب نقار الخشب المهجورة ...
طائر له سلوك غريب من نوعه ، قادر من خلاله على تحويل رأسه 180 ْ تقريبا ً ، وذلك عند شعوره بالخطر ، مشابها ً في حركته هذه حركة الثعبان ...









شوفوا كيف منخش أول ما شفته لونه شرات لون الشيره ما يبين حظي امشي على الراحات وانتبهت له

[نادرة الوجود]

ما شاء الله على تصويرك واضح ومتميز وفيه لمسة إبداع ..

سبحان الله،، صدقت أخوي لونه مثل لون خشب الشجر فالواحد ماينتبه له ..

الله يعطيك العافية على ابداعك ..

[سفير جلفار]

شو ها طير يديد << صج يبين انه مستغرب هههههه

لا بصراحة يمكن اول مرة اشوف شراته او اني شفته بدون ما انتبه له ^^

صور حلوة يا عبدالرحمن

ونتريا يديدك

ان شاء الله تصيده مرة ثانية وثالثة ^^

[alrams]

حصلت يوم طلعت من شوي .. بس قعد يتخشش في الشير ويرتفع لفوق .. جان احصل هدهد وقعدة اصوره

وانا اصور الهدد ياني الخضيري ويغصص في الهدهد .. بعد ما غصص الخضيري في الهدهد ياني الصقر وللحين متغمض

اني ما رمت اصوره اول ما وجهت العدسة صوبه طيران شرات الرصاصه ما بين وبعدين الطيور حلييلهم ولا واحد قادر يتحرك

اتمشى بينهم واصور على راحتي خيفانين من الصقر هههه

[سفير جلفار]

هههههههههه عيل الصور اللي ياية بالدرب شي بجنن ^^

افااا حسيت بك يوم طار الصقر اسميه صج يرفع الضغط ×_×

بس ان شاء الله في اكتفاء ذاتي بالصور الثانية هع

نتريا يا عبدالرحمن ^_*

[alrams]

ان شاء الله باجر بروح نفس المكان ونفس الوقت يمكن احصل الصقر مره ثانيه واقدر اصوره

تسلم على المرور مره ثانيه

[فديتني شيطونه]

ماشاء الله الصور روووعه >> ابدااع وربي ..~

تسلم ع هالطير الروووعه .. وتصويرك فن ^^ ...~

[alrams]

الله يسلمج .. شكرا على الرد .. هذا الطير من فصيلة نقار الخشب يعني يقرب لـ woody wood مال الرسوم متحركة هههه

[MiNoOo 87]

عليكم السلام و الرحمه ،،

الله بالعكسسسسسسس كشششششششخه والله @_________@

سبحااااااااان الله ،،

ما شاء الله عليك وين تلقط ها الطييييييييور ما شاء الله ما شاء الله ههههههه ..

يعطييييييك العافيه و نتررررررقب الصقر ان شاء الله

اللي خلاك تاخذ راحتك مررره فالتصوير ههههههههه

ربي يحفظك

[alrams]

شكرا على ردج اختي .. ان شاء الله