شي يؤرقني فالمطبخ

[ام محمد من راك]

عندي مشكلة

وبالنسبالي اتشكل مشكلة اكبيرة اتعيق من دخولي للمطبخ

وهي ,,,مممم استحي اقووول


مشكلتي وااااااااااااااايد اخاف من الميكرويف

من احط شي فالميكرويف وبمجرد ما ادخل الاكله وادقدق الوقت

ارررررربع برا المطبخ لين يخلص الوقت

ومن ارد اطلع الاكله لازم ابند السويج عقب اشل الصحن

مادري ليش كله احس انه بينفجر فويهي والكل يظحك علي بس مادري ليش هالفوبيا بالذات من الميكرويف

معنه عادي عندي لو احترق بالفرن بس ولا اسمع رنين المكيرويف ولا دوران الصحن داخله

اتمنى الاقي عندكم الحل

[الدنيا لحظه]

هههههههههههههه

يمكن سامعه انه انفجر بويه حد وتم في بالج

مسكين مكروف..جهاز مسالم

خافي من الفرن اكثر لانه غاز والناار وتعرفين يعني


ماعرف والله كيف ااساعدج


بس ان شاء الله حد من الاعضاء يعطيج الطريقه

[السامعيه]

اكيد سمعتي او شفتي شي مخوفج من الميكرويف مع ان الميكرويف مايأذي حسستني كأنه قنبله.. بس علشان تنسين الخوف عودي عمرج يوم تشغلين الميكرويف اقعدي في المطبخ ولما تسكرين الميكرويف لاتسكرين بالسويتج بس جربي ولاتخافين .... ذكرتيني يييييييييوم كنت اخاف اشغل النار ع الغاز كنت ارمي الكبريت من بعيد واخلص اعواد الكبريت بس علشان اشغله ...اشوي اشوي كنت اتعود اجرب من الغاز واخيييييييييييييييييييييييييييرا ...نجحت وبتفوق خخخخ.... كل انسان طبيعته يخاف من شي.. ولكن مانتوقف ونخلي الخوف يغلبنا ، الحياة تجارب ولازم نجرب ونصر على الشي اللي مخوفنا علشان ننسى الخوف بس بحذر...

فهمتي الدرس ؟؟؟؟؟

[بنوته السيح]

عزيزتي،،

كل وحدة لها مخاوفها ف المطبخ،، وانتي اللي يأرقج الحين الميكرويف

والحل لازم يكون::

انج تبتديين خطوة بخطوة يعني ف البداية لازم تتغلبيين ع مخاوفج (مثلا يوم بتشغليين الميكرويف تمي ف المطبخ لا تطلعيين اشغلي عمرج بأي شي)

لازم تتغلبيين ع مخااوفج للميكروييف والله يكووون بعوونج ^^ الغلااا

وحطي ف باللج انه الميكروييف هو نفسه فرن وان شاء الله الازمة ترووح عنج

والسموووحة

[ام محمد من راك]

مشكورات خواتي بس لا والله ما سمعت ولا قريت عن حد بس مادري ليش هالمخاوف

باجر عدنا عزيمة ومرتبشة فالمطبخ وكنت لازم اسخن الزبدة فالميكرويف

حاولت اتم بس خفت

خليت البشكارة تتريا عنده

مممم والله ماعرف شقول بس بحاول اتم لأني مجبورة اليوم وباجر عالاقل

يزاكم الله خير عالكلام الطيب

[الدنيا لحظه]

ماعليه...


لازم تحاولين

[ماستر بيكر]

ما يباله دام عادي غندج تحترقين بالفرن حطي ايدج داخل وشغليه واضحكي بصوت عالي هههههه وعقب بيخوز عنج ^_*

[أم أمون ^^]

السلام عليكم ..
كيف الحال أختي مرايم عسااج بخير ..
المهم ... بالنسبه للميكرويف تراه شر لابد منه وأنا ما ألومج اذا كنتي تخافين منه لاني انا بعد ما احبه ولليوم ما شريته بالرغم من ان بناتي وايد يحنون علي أشتريه بس أنا ما أأيد هالفكره مب لاني اخاف منه لا لأني عارفه مضاره ..
والسموحه يمكن ما أفدتج بشي بس حبيت أشارك في الموضوع ^^
أم أمون مرت من هنا ^^

[**عواشه**]

حليله الميمي ما يخوف

حبيبتي قبل لتشغلينه ركزي في عقلش الباطن لمد عشر دقايق يعني فكري بعمق

وقولي انه مايخوف مايخوف مايخوف لحد مايقتنع عقلش الباطن انه مايخوف

يعني قولي اذا كان الفرن ماخاف منه اخاف من هالعبان .....وبعدين شغليه وصدقيني

هذي الطريقه مجربه في جميع حلات الخوف .......وناجه جدا بسسسسسسس مثل

ماقلت فكري بعمق وبتركيز

وذامافادت هالطريقه ماشي إلا

يكون حد وياج ونتي تشغلينه وذاركضتي خليه يسكر باب المطبخ ويحلف عليش ماتطلعين

وسامحنا حياتو هذا الموجود من افكار