لوحات

[الوطن موال اخضر]

إضْحَكْ مَعَ العيد خَلّ الضِّحْك منديلك

وارْمي مَنَادِيْل دَمْع الحزن واهْجِرْهَا

يا صاح غَرِّدْتَعَال نْحِبّ تَعْليلك

وِنْحِبّ ضِحْكَةْ صباحك هات وانْثِرْهَا

إنْثِرْ على دْروبنا ضاحِكْ مواويلك

يا صاح صوغ الليالي وِدّ واسْهَرْهَا

واشْعِلْ على دْروبنا للروح قنديلك

هاك إغْسِلْ الروح بالأنوار واغْمِرْهَا

إضْحَكْ وضَاحِك نجوم الليل في ليلك

واجْمَعْ خواطِرْ ضعاف الناس واجْبِرْهَا

هذا صباحك صباح الناس يدني لك

وهذي شموسك تَعَالْ وْشوف مَنْظَرْهَا

لوحات لوحات من صافي تعاليلك

إلاَّ قصايد قصايد وانت تَشْعِرْهَا

إمْسَحْ دموع الحيارى من تراتيلك

هذي عيون الحيارى شوف وانْظِرْهَا

غِدْران جَفّت تَعَالْ إمْطِرْ وندعي لك

فِكّ النفوس الأسيره طوف حَرِّرْهَا

إضْحَكْ تَعَالْ وْشموس العِيْد قِنْدِيْلِكْ

والعِيْد لوحات يا من هو يصَوِّرْهَا


شعر: سالم الزمر

[رذاذ عبدالله]

كلمات شعرية متألقة لشاعر متألق،،
دمت بود،،