قصتي مع (الكورنفليكس) ألىــــ ... الأميره الناعسه

[BOSS KK]

السلام عليكم


كيف الحال؟

المفروض انزل الصور أمس ... كنت يالس على اللاب توب وما توعيت لحظات إلا اشوفني رقدت بدون ما احس ...
قمت من الرقاد نص الليل وانا مضيع ولا ادري شو السالفه تحركت شوي واسمع طراااخ ...خخخ طاح اللاب على الأرض...
كنت حاطنه وياي على الشبريه ...
حزتها عرفت اني رقدت بدون ما احس وتميت اصيح لين باجر ... وعقب باجر قلت خلني انزل الصور بالأول عقب اكمل صياح ...>>

همممم نبدأ القصه ...


اول شي امس
ثاني شي ... خخخخ

لا تعصبوا خلاص ببدي ...

أمس عند المغرب تقريبا ...كان الجو مشمس ... خي خي خي

كنت يوعان وفكرت بالأأكله اللي قالتها الأخت الأميره الراقده ...هع ...
قلت خل اجربها واشوف ...

طبعا روب وكورنفلكس ريوقي المفضل

هي كان ريوقها اما انا عشاي ... هع..

تحركت وقلت لازم أطلع الرمس بعد ... بس جيه مزاج خخخخ... ابا اسمع موسيقى فلهذا ابا اطول المسافه شوي ...


دقينا الموتر سلف ...




ومن ارد ريوس ما اتوعى إلا اخوي وراي ...هه




المهم طلعت صوب الرمس ومن وصلت الموتر ما طاع يلف والريس زاد وقال لي شرايك تطلع عاشوق بالأول عقب ترد للرمس؟

هممم فكره ختيره جهنميه ميه ميه ...
اوقي

كملت لين عاشوق وخذت لي آيسكريم أبيض وردي ... طعمه روعه ..^^

المهم وانا راد من درب السيح... حصلت ...



كان ها شكلي ..اللي بالأصفر ...خخخ

لو بنت تسوق الموتر بدالي جان بتم ورى السيكل لين ما يروح بعيد لكن نحن ما عندنا تفاهم ... جان ادوووس ... محد قاله ايي على الشارع ...>> مجرم ...خخخخ



وصلت على شارع شمل - الرمس

وها الشارع مول ما ادانيه ...

وانا ياي مسرع وتدرون بها الشارع محد يخوز يمين كلهم على سيد التجاوز ...

وعشان اثبت كلامي بدليل براويكم بالصور...

اهني ياي مسرع ...




جان الزق فيه لزق من ورى يعني شوي وبدعمه ... ومعناتها وخر لأدوسك ..خخ




شوي إلا الحبيب يصك بريك بويهي...>>نذاله..




كنت بنقع فيه ... (%$#$@@$#$@$#*$@*$*@#*@$@#@*$@#*#$*$#*$@#*@$@*#@*$*) >> كل ها سب خخخخ



عموما ... جان ادوووس...



ألى ــــ


وصلت الجمعيه بعد شقاء وعناء وغباء وحرباء ...>> شدخل ... >> ...



اشتريت اللي اشتريته وما بخبركم شو اشتريت عشان ما تشترون مثلي وبقولوا اشترينا مثل ما هو اشترى ...


وهاي الصوره تبين مكان الآيس كريم اللذيذ وفي الأسفل يوضح اكياس الجمعيه ...ههه




وصلت البيت وخلصته ... هع





شرايكم بالنقشه ؟...^^







طبعا قبل ما اجهز الخلطه السحريه لازم اكتب وصيتي ... محد يدري ..يمكن الأميره الناعسه تبا تجتلني عشان غلبناها بالمسابقه ... خخخخخ







نبدأ بالخلطه


نحضر كورن فليكس ...رقائق الذره المطرطشه بكل مكان ... هع





روب عدد 2




أي صحن او كوب او على الأأرض ما تفرق ...خخخ




ماي العين او مسافي ..ما تفرق المهم ماي...




نحمل ملعقه من الروب..منتهي الصلاحيه ...



ونضع معها جم حبه من الكورنفليكس




ثم نضع حبه من الكورن على حد الصحن ...( لازم ولا ما بتضبط الأكله)




ثم نطلع ملعقه ثانيه





وبعد ذالك

ملعقه تانيه خخ




>> قول من البدايه ثلاث ملاعق وكورنفليكس...

المهم

ندمج الكورن بالروب...

ثم نشرب الماي ونفره على الأرض

ناكل الأكل ...
ونضع المتبقي من الروب بالثلاجه

وهنا الصعوبه ... لازم نحط الروب الثاني بالثلاجه بعد والكورن يتم بالغرفه ...لو ما سويتوها ما بكون الأكل حلو

المهم .. بعد ذالك نغلق المطبخ

ونستمتع بالأكل ...
صحتين وأربع عافيات .... ههه



انا جربته ... اممم اكله حلو .. مقبول ... ^^


زين زين فيه فوايد منها الأكل ..خخخ


وطعمه غير يعني سبحان الله .. .. يعني من كلته حسيت أني آكل كورنفليكس ويا روب .. سبحان الله ...
هههه


عموما اتمنى استمتعتوا بالقصه الختيره

وتوته توته خلصت الحتوته
حلوه ولا فتفوته؟...


>><<




خويكم ... ....