ما سر 2010 والتعينات ؟؟؟؟؟

[Moon_RAK]

السلام عليكم ورحمة الله وبركاته

هذا أول موضوع لي فالمنتدى وياريت الناس الي عندهم خلفية او تجارب فالموضوع يشاركون بأرائهم

أخواني لاحظتوا الفترة الأخيرة والي هي بالتحديد سنة 2010 شح الوظايف بالإمارة اقصد رأس الخيمة

أنا صراحة موظفة بس كنت خلال فترة عملي أحصل عروض على وظايف أو على الأقل اسوي مقابلات بس ما غيرت فيها دوامي بأسباب الخبرة الي احصلها و الراتب هذا كان في سنة 2008 -2009

أما 2010 حتى مقابلة محد طلبنا مولية غير جهة وحدة وكانوا يعرفون اني من رأس الخيمة بس اشتراطهم اني اتوظف في دبي كيف تركب ما أعرف ؟؟؟؟

صراحة الموضوع وايد حيرني فبحثت فيه واكتشفت ان فعلا معظم الباحثات عن العمل او حتى الباحثين عنه في راس الخيمة ما حصلوا وظايف ولا تعينات

مع العلم ان كل سنة في شكاوي بشح التعينات الا 2010 الرقم وايد نزل وحتى الجهات ما قامت تطلب او تعين

سألت أحد المسؤولين من غير ذكر الاسم او الجهة فقالوا فعلا ملاحظتي صحيحة شحت التعينات فهاي السنة وتدنت لأرقام وايد كبيرة والسبب العجز المادي في الجهات سواء محلية او اتحادية او حتى قطاع المصارف

السؤال الي يطرح نفسة يا ترى هل أثار الأزمة الإقتصادية بدت تظهر احين ؟؟؟

هل فعلا سوق العمل ما عاد يطلب موظفين وصار في اكتفاء ؟؟؟

هل الموظفين تعينوا بكفائاتهم ولا بواسطاتهم ؟؟؟

أسئلة كثير تحيرني ، أرجو من الأخوة مشاركتي في الموضوع سواء اعضاء من رأس الخيمة ولا من برع نبا نقاش المشكلة لعل وعسى صوتنا يوصل للمسؤولين خصوصا في معارض توظيف ياية.

ورجاءا من الأخوان الي يدخلون ويكتبون احنا طلبونا وحصلنا اكثر من جهة ، رجاءا يكتبون اسم الجهات وشو تخصصهم .

نبي أناقش الموضوع عشان نحل المشكلة ونخلي مساحة للتعبير عن الأراء والتجارب

والسموحة من الجميع

[خالد الشحي]

موضوع جميل بس السؤال من اللي راااح يسمع

[غلا الامارات..]

الموضوع وووايد حلو بس لا حياة لمن تنادي وخصوصا
في اماراة رأس الخيمه لا ووظائف أبدا خريجين وخريجات الجامعات
لغاية اليوم يدورون على الوظائف هب محصلين ليش شو السب
محد يدري ..
عندج واسطه بيشغلونج ما عندج اتريا نصيبج وحظج بالوظيفه شي ثاني ما شي..
وعن معارض التوظيف بس مجرد يأخذون السي في وقالوا لج اتريا وعاد هاذي
اتريا سنواااااااات وبعد ماااا بتحصلين ...
وهذا كله مجرد كلام وبس فعل ما شي لين متى ما ندري............؟؟

[Moon_RAK]

أخوي خالد وأختي غلا مشكورين على مرووركم وردودكم

احنا لازم ما نيأس ولازم نخلي عدنا امل وما ننسى ان الناس الي قايمة على هالمنتدى هم ناس اعلامية ولهم اسمهم بالتلفزيون لعل وعسى حد يسمع صوتنا ويفتحون حلقات نقاشية موسعة بهالموضوع صراحة عدنا اقتراحات حلوة والإمارة فيها كفاءات ممتازة لازم تخدم فالمجتمع وترد الجميل الي عطتة ايانا الدولة

ومشكورين اتريا اراء البقية ؟.؟؟

[غلا الامارات..]

تسلمين حبيبتي وصح ان ناس اعلاميه ومعروفه مشاركه بالمنتدى..
واتمنى أن يسمعونكم ويحلون هالمشكله اللي صار لها سنواااااات طويله
و محد لقى لها حل..

وربي يوفقكم انشالله

[reem_05]

[align=center]
السلام عليكم ورحمة الله وبركاته
موضوع وايد حلو وصدقوني الوظائف موجودة وكثيرة بس للاسف للوافدين واللي لحد الحين تشوفهم يتوظفون كل
يوم على حساب المواطنين وعيال البلاد اللي ينتظرون الدور باسم الميزانية والاقتصاد .. الخ
للاسف عندنا استوى الوافد ضامن وظيفته ... والله يكون في عون المواطنين اجانب في بلادهم
والسموحة
[/align]

[Moon_RAK]

اختي ريم انا أأيد كلامج ومن واقع تجربتي انا اشتغل فمكان المواطنين ما وصلنا نسبة 5 % مع ان الرواتب حلوة بس الله يسامح الي كان السبب ما عرفوا كيف ايبون الكوادر واحتكروا الوظايف بينهم وبين الناس الي من جنسيتهم يعني في عندنا بنات وشباب المفروض يقعدون مكانهم وبنفس الرواتب الي يستلمونها بس الله يسامح المسؤولين

عاد ومن الأشياء الي تخلي الواحد يستغرب تخيلي ان اغلبيتهم فكروا يرجعون بلادهم وحصلوا فرص حلوة ونحن لليوم مو محصلين صدق شر البلية ما يضحك صاروا هم ببلادهم وبرع بلادهم فرصهم موجودة ونحن الأبواب تسكر بويوهنا

لو حد من المسؤولين يتواصل معانا انا عندي اقتراحات وايد نقدر نستغل الكوادر الموجودة بس خل حد يسمعنا ويتواصل معانا اتريا ردوود البقية

والسموحة

[بواحمد الظهوري]

[align=center]الموضوع وايييييييد جمييييل والمنتشر في راس الخيمة الواسطات ,,, ومستحيل حد ايحصل ع وظيفه فيها من دون واسطه ,,, بس لو سرت برع راس الخيمة مثل ابوظبي او دبي بالكثير عطهم شهر وبيتصلوا فيك ,,, والله ايعينا جميعا وتسلمين اختي ع الطرح ....[/align]

[Moon_RAK]

صدقت يا ابو أحمد الواسطات لاعبة دور كبير فالإمارة للإسف و 80 % منهم ما يستاهلون الكراسي وفي ناس بعد ما تشكر عنبو عينوكم بواسطة بس احترموا المكان الي انتوا فيه على الأقل ولو ما تبون غيركم الف يتريى هالأماكن

بالنسبة لبوظبي ودبي يا ريت كنا نقدر نشتغل فيهم العين بصيرة والإيد قصيرة ومشكور على مرورك

[صقار المدينة]

فعلا هذا الملاحظ من بداية هذه السنه

ومثل ما قالت اختي ريم .. الوافدين ما شاء الله عليهم ماكلين نصيب الاسد من هالوظائف ...

والمواطنين ياادووب يحصلوون وظائف وخاصه البنات

ليش ما يكون هناك هيئه مثل تنميه ولكن لا نريد اسما فقط .. نريد تنميه من حيث الدورات والتدريبات والورش ... وتتكون من لجنه تقيم الشخص وتؤهله وتساعده في الحصول على الوظائف ...


المنتديات لم تقصر في البحث عن الوظائف ونشرها في صفحاتها ... وكثير من المواقع الاماراتيه التي تسعى جاهده لكي يحصل كل فرد منا على وظيفه تليق به..

ولكن اين دور الجهات الحكووميه في عمل المقابلات ... هل الواسطات تطغى على الشهاده و الخبره وعلى الناس اللي تراكض 5 سنوات في الحصول على وظيفه...



اتمنى ان يكون صوتنا مسموعا للجهات الحكوميه والخاصه ... وخاااصه في راس الخيمه ... ونقول لكم نحن عيال البلد .. ونحن الاولى بهذه الوظائف


ثقوا بقدرات المواطن .. وادعمووه ... وما بتندمووون ... المواطن خيره له ولبلاده اللي هي دولة الامارات العربية المتحده ...


Moon Rak ... موضوووعج يمس واقع راس الخيمه ... اللي قمنا نشوف فيه تقديم الوافد على المواطن بالعمل


واخيرا يا دولتي العزيزه .. نتمى ان تتابعي تعيينات المواطنين بالجهات الحكووميه والشركات الخاصه في كافة امارات الدولة وخاصه راس الخيمه