بقلمي(موضوع لنقاش السكن مع الزوج في بيت أهله)
رد مع اقتباس
موضوعك هذا وااايد حلو وفنان وانا ياما رمست عنه فأكثر عن منتدى نسائي وقنعت وااايد حريم بردي الحمدلله ,,لأن ردي كان مقنع وملامس للواقع وبقولك كيف تحت...
سؤالي لكي ايتها الزوجه
عزيزاتي هل تقبلن السكن في بيت عائلة زوجك؟؟طبعاً بل ما افضل الاستقلالية,,لأن طبيعتي ماحب الوحدة وكوني اجتماعية احب اسولف واظحك والاقي حد عندي ,,مب كل من ظهر ريلي لازم يوديني بيت اهلي ويتعنى ولا اتم فبيتي وياكلني الوسواس على ريلي وبتم كل اشوي اتصلبه,,وجودي مع اهل زوجي يسرق وقتي ويخفف عني غياب زوجي,,هذا شي والشي الثاني ليش ما احاول اكسب حمياتي وعمتي(ام ريلي) وكل من كنت قريبة منهم كل من زادت محبة زوجي لي ولو صار ما صار بيوقفون معاي واهم شي عمتي توقف معاي,,ثالث شي وللأسف انه معظم الحريم الي حالياً امعرسات موظفات متناسين انه الزواج مسؤولية ريل وعيال واهل زوج ووووو باجر لا يابت عيال اعتمدت اعتماد كلي على البشكارة ولا ودت اعيالها عند امها وبتبتدي الحزازيات امبينهم,,ليش ودت ولدنا عند امها وليش ما خلته عدنا؟؟من جذا افضل انه الزوجة تكون فبيت اهل الزوج,,صحيح بعض الحميات يطلعن عيوون الوحدة مثل ما قالوا الكثير من الحريم ,بس هالشي ما يمنعها انها اتحاول تكسبهم بأكثر من طريقة واتعامل حمياتها عساس انهم خواتها واتعامل عمتها جنها امها مب عدوتها ولا منافستها على ريلها ,,وانا هذا رايي كوني بنت ولست امرأة متزوجة
ام تفضلن الاستقلالية في بيت خاص لكِ؟؟اذا مافي مشاكل فبيت الزوج ما افضل الاستقلالية بس دامه هو نفسه يبا يستقل بذاته وبعيد عن اهله وقادر يفتح بيت ليش لأ,,بس مب انه الطلب يكون مباشر من الزوجه ,عساس لا يحط بخاطره من صوبها
وان كان زوجك وحيد والديه واكبر عائلتة؟؟ماذا ستفعلين؟؟
لا طبعاً.. اهنا اكيد انا الي بقوله خلك ويا اهلك والي مافيه خير لأهله مافيه خير للناس ورضا ربك من رضا والدينك عليك اهم شي رضاهم عسب اتكون مرتاح فدنياك وآخرتك,,وبكون معاه عون لهم ^____^مب عليهم
