(: :.. إن قلت آسف تقبلين؟! ..::)‎

[بنوته السيح]

السلام علييكم ورحمة الله وبركاته،،،

نقلت هالموضوع من ايميلي ،، واتمنى انكم تستفيدون منه ^_^

هذي قصة

بنت كانت تطالع

واحد بعين قويه

المهم الرجال طلع شاعر

وما قصر فيها كم بيت عشان تتأدب

لكن المفاجأه هي ؟؟؟؟

وش صار؟؟

تابع القصيدة

يقول:

كل شبر بهالوسيعـه ملـك ربـي تعلميـن

وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن

كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن

المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن

غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن

وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن

لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن

ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن

وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين

خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن

صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن

حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن

ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن

مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟

قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن

ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن

جيت اشوف عيون ربعي لقيت الكـل يدمعـون

يالكفيفة يالعفيفـة إن قلـت آسـف تقبليـن؟؟

يغفر الله ذنوب عبده ليا خطا وهـل تغفـرون؟؟؟؟

(نصيحة : لا تحكم على الناس من موقف ترى الناس مخابر مو مناظر)

اختكم ف الله::

**بنوووتة السيح**

ودمتم ف حفظ الرحمن

[عشِـِـِقـِـِـۓ الرمـِـِس]

.. هيـــه واللـــه ..

.. لـآزم مآنتسرع في الحكم ع النآس ..

.. يمكن نظلمهم آخر شي ..

.. تسلمين اختـي ع القصيـدهـ ..

.. و انشآلله الكل يعتبر منهآ ..

[ساحرة البشر]

لازم مانتسرع فالحكم عالناس

[بنوته السيح]

تسلمووون ع المرور

[MiNoOo 87]

هييييييييه والله ،، الواحد ما يتسرع بالحكم جيه #_________#

الله المستعان ،،

تسلمين ع العبره الحلوه من الموضوع : )

يزاج الله خير ،، ربي يحفظج ..

[بنوته السيح]

تسلميين خيتوو ع المرور

صدقج لازم ما نتسرع بالحكم

[Just Smile]

awwwwwww

that was sooo sad

I love it

[ابتسامة]

شكـــــــرآآآ عالموووضوووعـ