ياطيـر يالـي بالتغاريـد غنيـت
يحق لك ما ذقت حـب وقطيعـه


إن ضاق صدرك بالجناحين رفيت
ما نته كما الي ضاقت به الوسيعه


وكانك من الأيـام ياطيـر مليـت
أنا مـن الأيـام ذقـت الوجيعـه


ياطير ياخفـاق إن كـان مريـت
سلم على راع الوصوف البديعـه


قل له تراني في حياتـي تعنيـت
وانته ذبحت القلب ذبـح الخديعـه


في غيبته ما ني بحـيٍ ولا ميـت
واون وأحـداث الليالـي فجيعـه


ونت مريض الموت من يوم ونيت
الموت قـرب والدقايـق سريعـه


حسيت أنا بالموت . من يوم حسيت
قلت العفو يـارب قلبـي وديعـه


قالوا تناسا قلـت ياليـت ياليـت
قالوا ترا دونـه حصـونٍ منيعـه


قلت اخبروه بموتي إن كان وليـت
وإن كان ما طاعه زمانه يطيعـه


الاميرهـ الحســناء