عيدكــ امباركــ

[الأميرة الحسناء]

عيدك مبارك) ياأجمل من سكن وجداني
كل عام ٍ وانت أغلى من يمـر طاريّـه
كيف أنا ماعايدك ياللي غـلاك أشقانـي
كيف أبنسى؟ وانت يوميا ً تجيبه فيّـه!!
أشهد إن العيد هذا غيييير وطعمه ثانـي
يوم اشوفك فيه راجع لي مصفي النيّـه
إنت تامرني ياعمري/ كيـف تترجانـي؟
بس أشّر لـي وأجيلـك كلـي برجليّـه
في غيابك زاد عشقي.. وكثروا خلانـي
والله العالم لو أحسب وصّلـوا للميّـه!
كنت أبهرب من شماتة ربعي وعدوانـي
يوم تتركنـي لحالـي أصطفـق بإيديّـه
لكن الحين انت في قلبي هنـا وحدانـي
وكل هالميّه فـوجودك حاجة ٍ منسيّـه
ياغناتي.. ياربيـع القلـب.. ياتحنانـي
اضحك وخـل الحيـاه ألوانهـا ورديّـه
لابغيت أعزف وأغني بك تطيب ألحانـي
والقصايد في وصوفك تنكتـب عفويّـه
والله إني يوم شفتك أورقـت أغصانـي
وأزهرت في صبح عيدي (ورده اماراتيه)
لارجع خلي لحضني وصـار يترجانـي
مانظرته - مثل غيري - نظرة ٍ دونيّـه
الكبر لله ياقلبي وغيـر وجهـه فانـي
والمحبه رغم بعدك هيّه زي مـا هيّـه
(عيدك مبارك).. لغيرك مانطقها لساني
كيف أبنطقها وغيـرك مايمـر طاريّـه

كل عام وانتوا بالف خير ,,,

الاميرهـ الحســـناء

[في أي بي]

كلمات رووووووووووعه وموزونه لاهنتي وصح السانج

وعسااااااااااااااج من العايدين

[الأميرة الحسناء]

كلمات رووووووووووعه وموزونه لاهنتي وصح السانج

وعسااااااااااااااج من العايدين

سلمت وسلمت اناملك

تواجدكـ الروعه وتوقيع قلملـ

ربي يحفظكـ ويسعدكـ اخوي ....

[رذاذ عبدالله]

شاكــرة لك الابيات الجميلة،،
في انتظار جديدكـ،
كونــي بخير،،

[الأميرة الحسناء]

شاكــرة لك الابيات الجميلة،،

في انتظار جديدكـ،

كونــي بخير،،

العفو زيارتك هيه الجميله ...
وردك الاجمل لكــي مــني باقة ود وتــقدير ...