هدية عيد الأضحى

[في أي بي]

أقول في نفسي وأنا أعايد الناس :::::متى بشوفك تكمل أفراح عيدي


أجامل وربي عليم ٍ بالإحساس ::::::: وشهو شعوري وأنت عني بعيدي


اللي خذاني لك على سهو هوجاس ::::: حسيت نفسي وسط ربعي وحيدي


لو حسوا بما بي يقولون لاباس ::::::: بدال قولة على عيدك سعيدي


لاصرت عندي وقتي أعياد وأعراس:::: حتى ولو إني وسط سجنٍ حديدي


عاشرت خلان وتخالطت بأجناس::::: محدٍ سواك أهديته القلب بيدي !!


من تحت ما طا الرجل لي هامت الراس:::: كلش هويته فيك والله شهيدي


لقيت بك ذوقي وأنا قاطع الياس:::::: ومعك بدا يحيا الأمل من جديدي..
وسلامتكم وكل عام وانتوا طيبين
*أرجوا من الإدارة
أو المشرف المسؤل عن القسم ثبيت القصيدة والله لا هانكم

[رذاذ عبدالله]

كل عام وأنت بصحة وبسعادة وبعافيــة،،
شاكرة لك الابيات الجميلة،،
ولكن أستسمحكــ عذرا القصائد لا تثبت إلا إذا كانت
معلقات أو قصائد طويلة أو مرتبطة بموضوع متجدد،،
في إنتظار جديدكـ،،،
دمت برقي،،

[الأميرة الحسناء]

تسلم اخوي ع الابيات


لكن بغيت انبه عليك باني منزلتنها قبل اخوي,,,

ومش محتاجه تثبيت ...