كل عام وانت بخير يا سلوم (حفلة ميلاد ولد اخوي) ^^
|
السلام عليكم
شحالكم .^^
اليوم يايب لكم نص الصور مب كلها لنها واااااااااااااااايده
يوم ميلاد سلوووومي فديت روحه ولد اخوي عبدالله
كمل سنه واخوي فرحان فيه اول ولد له ...وسواله حفله بسيطه تليق بمقامه (( ياعيني خخخ )
وطبعا يوم ميلاده طاف والصور بعد ولا تستغربوا لو حطيتها اليوم لني فل فل فل بزي >< وما حصلت وقت احطها
سوري على التاخير
طبعا ... بخبركم بالبدايه البارتي(الحفله) كيف ترتيبها
اول شي طبعا بيت اخوي راشد ملاصق لبيت اخوي عبدالله وبينهم فتحة باليدار ...
فالرياييل بيت راشد والحريم بيت عبدالله ... والحمد لله تعشينا والعشا طبعا بوفيه مفتوح فبيت اخوي عبدالله
وعقب العشا اخوي يايب ساحر خخخخ طماشه ..خبلنا فيه ...الظاهر بفنش ههه
كل حركه يسويها نهلكه ونخليه يعيدها ونحن نطفر فيه
اكثر من مره فشل والسبب نحن خخخخ
غربلناه خخخ
وياكم الصور..^^
عبدالله اخوي ووياه ولده سلوم (قولوا ما شاء الله ) ..{بي يحفظك سلومي ...حبوب فديته والله ^^
ولا يعرف السالفه خخخخ سوري الإضاءه تعبانه ... ><
هاي لوحه كتبها اخوي عبدالله لولده ... طبعا هو ألف الكلام ..^^
هني اخوي وولده ووراهم يايبين ها مال الهوى مال يهال ما اعرف شسمه خخخخ
ها البوفيه البسيط ...
شوي شوي ما بطير الأكل هههه
اخوي عبدالله((للي شافوا موضوع احتراق المارك اللي قال جلدي خان ... هذا هو ... خخخ)
على اليسار اخوي راشد والبقيه نسايب اخوي ...
يمي يمي
هم ينقوا الأكل وانا اصور وبطني تغني ... هلكت يوع وانا اطالع الأكل خخخخ
هلكتونا يوع تراكم
هنا اخوي عبدالله يعرف بعض من ما لذ وطاب هع
اهني طاولة الساحر خخخخ
حياكم تبخروا ...
مدخل البيت ...
بالعافيه عليك اخوي راشد ..^^
جانب من المؤكولات خخخخ
يتبع ..............................
واهني وليد اخوي ..أصغر واحد فينا....طبعا لو تلاحظوا محد يشبه الثاني خخخ ...يعني كل واحد شكل غير
أحلى لقطه ...
من اليمين...اخوي راشد ونسيبي سليمان ونسيبي بوإبراهيم...
الحينه الألعاب الناريه ...هع
بعدين ياك الساحر...ياي يزط ويانا بعد خخخخ
لازم الورقة لاااازم .. ما يصبروا عنها حشى
رايحين بيت عبدالله اخوي بنشوف ها الساحر شو بخبص خخخ
صورة جماعيه ..^^
اخوي كان بحوله ضفدع بس هان عليه فقير مسكين خخخخ
النهايه
كل عام وسالم بخير وعقبال العمر كله
وربي يحفظه لكم آميييييييييييين
[align=center]عليكم السلام و الرحمه ،،
الحمدالله بخير و سهاله : )|~
هيهاء يا بوس من زمان عنك و عن مواضيعــــــــــــك @______________@ "
كل عام و سلوم بخير و عقبال 100 سنه ان شاء الله ..
فدددددددددددددديت روحه الياهل سلوم ما شاء الله عليه ما شاء الله ،،
ربي يحفظـــــــــــــــه و يخليه حقكم و يفرح فيه أمه و أبوه يارب ،،
الله يحفظــــــــــــــــــهم ،، ما شاء الله : )|~
و صج لقطه و لا أررررررررررررررررررروع ،، الله يحفظهـــــــــــــــم : )|~
و ربي يحفظ كل إخوانك و نسايبك و يحفظك ان شاء الله ،،
و عقبال ما تستانس بولدك ان شاء الله ^_________^ ,,
همسه : خبر أخوك إن يوم ميلادي السبت الياي تاريخ 4 - 12 >> هههههههههههه أسولف ،،
يعطيك العافيه ع النقل الطيــــــــــــــب يا مراسلنا ههههههه ،،
نترقب اليديد ،،
ربي يحفظـــــــــك ..
: )|~[/align]
ڊۈماً لڳَ ﺂﻟحمَد يَ ﺂﻟلہ ﻋڊڊ مَ ڊﻗٺ ﺂﻟنبضآٺ . . ♥
كل عام وهو بخير ... عقبال ما يكبر وتعرسونه ونشوف صور عرسه ..
ما شاء الله
خبصة وربشة هههههههههههههه
الله يحفظك لكم سلوم ويحفظكم كلكم ^^
بصراحة امبين انا الحفلة كانت ولا اروع
بس غريبة في عنصر مفقود بالصور واللي هو انت يالبوس هههههههه ما اشوفك بينت ويا اخوانك هع
الله يديم لكم ها الافراح والمسرات طول العمر
وشكراً ع التغطية اللي اجمل من رايعة
كل عام وسالم بخير وعقبال العمر كله
وربي يحفظه لكم آميييييييييييين
كل عاااااااااااااااام وسلووووووووووووووووووم بأأأأأأأأأأأأالف خير
ويزيد عمره كل سنه سنه وربي يحفظه ويخليله حقكم يااااااااااارب
انا ادور منيه مناكــ ابا اشوف الكيكه ماشي ,, وينها!!!! ليكون في بطن المصور,,؟
وبعد وين اليهال !!! ,, اسوي سوالف
ان شالله عقبال ما اتشوفونه معرس يارب والله يحفظه ويخليه لكم ويعل كل ايامه فرح وسرور
لا اله الا انت سبحانك اني كنت من الظالمين
لا اله الا انت سبحانك اني كنت من الظالمين
لا اله الا انت سبحانك اني كنت من الظالمين
ياربينا ياربينا يكبر ويصبح ادينا ... ههههه .....الله يحفظه ويخليه لكم ...
ضوابط المشاركة
رد مع اقتباس
