لين متى يا شباب؟!

[قد الحب]

السلام عليكم ورحمه الله وبركاته...

شحالكم

شخباركم عساكم الا مرتاحين

اليوم في احدى محاضره من المحاضرات اللي اخذهاا استغرت من شي عن الشباب دكتورنا عسى الله يطول بعمره يرمس عن الشباب وين يبون يوصلون يعني صدمه بالنسبه لي قال اشياء ما توقعتها واكد لي انهم شباب من دوله الامارات مواطنين تخيلو قال لي يطولون شعرهم قلنا دكتور جديمه قال اعرف قال يحفون حواجبهم يحفون ويهم بالخيط ويحطون تقويم بس للزينه واللي استغربت منه اكثر يحط فص اللي هو شرات الحلق(الشغاب) على حواجبه انا والله انصدمت من هالرمسه كيف يعني صح اشوف بنات يسون هالحركه بس صدق لاعت جبدي يوم سمعت ريال يعني لين وين ياشباب ولين متى بنسمع العجب منكم والله اليوم احس انا الدنيا تغيرت خلاااص


اتمنى اشوف رايكم بالموضوع واللي عنده اضافه يزيدها

يالله بنات عليكم بالشباااب دووم يقولون نحن هالمره يا دورنا للعتاااب


اختكم

قد الحب

[راشد]

[align=center]
استغفر الله العظيم .. شو ها !!
صدق هالشي صاير عندنا !!
ما اعتقد انهم مواطنين !!
لان عيال زايد ما يتنزلون يسوون هالاشياء !!
بصراحه انا شفت شباب يطولون شعورهم ,
وشفت شباب يحفون حواجبهم و ويوهم ( بس ما اعتبرهم شباب ) للأسف ,
بس يديده علي هذي .. "يحط فص اللي هو شرات الحلق(الشغاب) على حواجبه"
شفت اجانب يحطونها بس عيال بلادنا .. مستحييييييييييييييل !!
"اللهم لاتأخذنا بما فعل السفهاء منا"


نقلت لكم هالدعاء

[align=center]
اللهم اهدى كل عاصى مسلم اللهم اهدى شبابنا وبناتن اللهم أني أدعوك باسمك الأجل الأعز وأدعوك اللهم باسمك الأحد الصمد ..
وأدعوك اللهم باسمك العظيم الوتر وأدعوك اللهم باسمك الكبير المتعال
الذي ملاْ الأركان..
اللهم اني أسألك بنور وجهك الذي ملأ أركان عرشك..
واسألك بقدرتك التي قدرت بها علي جميع خلقك..
واسألك برحمتك التي وسعت كل شئ..
ان تهدى شبابنا وبناتنا اللهم امين..
[/align]
[/align]

[بحر الثواني]

اختي شكلج ما تعرفين شي عن دنيا

الله كريم بس

مشكوره ع الموضوع وان شاء الله الاعضاء بيردون عليج

[العتيبي]

[align=center]
الدكتور ربما تكلم من ناحية وحده فقط ...

في الدنيا شيئين المفروض نذركرهم .. الزين و الشين

اللي طرحهم الدكتور هو الشي الشين من شبابنا .. هذي فئة من الشواذ لربما او ما شابة

و مثل ما الشباب قام يحط هذي السوالف .. نجد هناك فتاة بملامح رجل ..

قامت بقص شعرها و لبس الملابس الرجاليه و استخدام أدوات الشباب و غيرها

هذي الحياة نرى فيها العجب .. فالمفترض يكون العنوان (( الى اين يا دنيا ))

العتيبي
[/align]

[الأميره الناعسه]

وعليكم السلام والرحمه ..

تمام يسرج الحال خووتي !!..

في هالزمن أختلط الحابل بالناابل .. لمن نووقع اللووم يا خويتي إذا بنرمس عن مشاكل ومساوئ الشباب بجه الثاانيه البناات ما مقصريين محطيين رووس أهالييهم بالأرض ..

يمكن أول مره أسمع هييك سوالف عن شبابناا بس بعد صدمه غير طبيعيه .>> كيف يحطوون اللووم ع البنت داام ما شي رياال يداامهاا .. !!

صدقييني لو كل واحد حاافظ على أسرته وانووجد فيهااا رياال بمعنى الكلمه يخسي اتشووفين بنت فالتووه منيه والدرب !!..

بس شنوو اتقوولين داام قنواات هاابطه عدناا..؟ ودراسه برع يمكن لها تأثير قوي ع بعض شبابناا.؟؟ و غيرها وغيرهاا ..>_<

أنا اعتقد في هذي الحالات لازم المجتمع بنفسه يتحرك ويردع الشباب من هذي الحالات لو كل واااحد يتحااكم ع شي الغلط إلي سوااه جاان ما صارت بلاادناا جييه !!

بس للأسف الوااحد كم بيرمس ..

بالأخيير احمد ربي إني بعيده عن هذي الحالات والله يخلي أهلي ذخر لي ..

أنا الصرااحه الحينه حسيت برمسه ابويه و كثره محاضرااته لي ماا منه من إلي يشووفه بالدنياا و أنا غافله عنه ..

الحمدلله ع نعمه الإسلااام ^^

وتشكريين حبووبه ع الطرح والله يهدي الجمييع إن شاء الله !!..

[ساحرة القلوب]

( يحفون حواجبهم يحفون ويهم بالخيط ويحطون تقويم بس للزينه)
صراااح لين أحين ما مصدقه ما اتوقع شباب يسون هاي شيء صراح انصدمة
بس إلا أروم أقول لهم الله يهديهم
يسلمووو قد حب على مواضيع خطيره صرااح كل يوم خبر حصري

[حورية متدينة]

اكتفي بالحديث

عن ابن عباس رضي الله عنهما قال ( لعن رسول الله صلى الله عليه وسلم المتشبهين من الرجال بالنساء، والمتشبهات من النساء بالرجال ) أخرجه البخارى.

[Bo 3@bdallah]

اوكى انا قريت كلامج من اول حرف لآخره .. واشكرج على الطرح المميز وبنفس الوقت مهم ..

واقولج انه هالشي وارد في مجتمعنــا .. ومثل ما ذكر العتيبي في كل مكان الزين والشين .. يعني موضة تطويل الشعر كانت موضه قديمه عند البدو بالذات .. ولكن الحين نشوف اشياء ثانيــه .. اللهم لا شماته .. بس

انتي ذكرتي جانب واحد فقط اللي هو تشبة الرجل بالمرأه
بس تمنيتج تتعمقين فالموضوع أكثر وتضيفين انه المرأه اصبحت تتشبه بالرجل ايضا

والدليل على كلامي هذا
الكاتب او المؤلف لشعبية الكرتون اللي يعرض في رمضان اضاف شخصية جديده الى شعبية الكرتون لهذا العام وهي عتوقه 2 باك
شفتوا تصرفتها .. تتشبه بالرجال من عدة نواحي
نوع السياره والتزويد او ما شابه ذلك ومن لبسها حيث انها لاتهتم بمظهرها الخارجي
فقط تريد التشبه بالرجال ..

نعود الى محور حديثنـــا لوضع النقاط على الحروف ..
ان العامل الاساسي لهذه الظاهره فهم (( الاهل ثم الاهل ثم الاهل وثم الاصدقاء ))

للاسف الشديد قبل اسبوع انا كنت فالمنار وقاعد اتعشى في احد المطاعم ..
وتعرفون زحمة يوم الخميس ما شاء الله ..
شفت من بعيد ولد في سن (14-17) تقريبــا .. هو مع اهله
ولما تقرب مني انصدمت ..
تصوروا يعني اهله معاه وللأسف الشديد كان محطي مكياج اللي البنات يحطونه ومن لبسه ايضا ومشيته .. ضحكت عليه بويهه واللــه ..

الفاجعه الكبيره .. انه ظنيت انا لحالي بس شفته وانه اسلوبه مب عاجبني
طلعوا ما شاء الله اللي فالمنار كلهم عيونهم عليه وعلى اهله ولا بعد يضحكون ..

ياجماعة رب العالمين جعل الرجل رجل والمرأه مرأه
يجب ان نحمد الله ونشكره ..
وليس نقوم بتحول جنسنا ونتشبه بالجنس الاخر ..
هذا انا اعتبره والكل يعتبره انه هذا مرض وبائـــي
يجب ان نبتعد عن هذه الفئه من الناس في كل مكان سواء في المدارس او الجامعات او حتى في العمـل ..

للعلم قرأت في احدى المواضيع في الانترنت
تتوقعون بماذا يطالبون هذه الفئه من الحكومه ..!!!

في الاماكن العامه يطالبون بتوافر دوراة مياه خاصه للجنس الثالث
وايضــا في المعاملات يكون فيه خيارين لتحديد جنسك ( ذكر او انثى ) يريدون اضافة خانه ثالثه وهم الجنس الثالث >> شفتوا وين وصلوا ..!!

//
||
//

فالختام اعذروني على الاطاله ويمكن شوي خرجت من اطار الموضوع فقط لنتعمق فالموضوع اكثر .. ولكن * ما الحل لهذه الظاهره ..!؟
اترك الاجابه لكم ..

[align=left]
دمتم بخير أعزائي..
[/align]

[قد الحب]

تسلموون ع المرور الطيب
اخ راشد<<< لا تستغرب انت تقول مستحيل يصير هالشي شباب الدوله وحاله بس بالعكس شباب الدوله هم اللي يدمرون نفسهم

اخ العتيبي>> الاكيد في الشين والزين ودكتورنا ذكر لنا ان في خيره من الشباب بالدوله بس يعني ما حبيت ارمس عن هالفئه لان الانسان بطبعه يحب يرمس عن الامور السلبيه

بحر الثواني>>انا عارفه اشكثر الناس تدمرو بهالزمن بس ارمس ولعل الكلام يفيد بشي

ساحره القلوب>>> توقعي اخس عن جيه يصير

قايد الغزلان>>>ياجماعة رب العالمين جعل الرجل رجل والمرأه مرأه>>> ذكرتني بالدكتور دوم يقول لنا هالجمله
تصدق ان قال لي شي ونسيت اخبركم قال انهم يحطون ميكب مثل ما قلت وينفخ شفاته وينفخ ويه وجيه يعني نفس اللي قلته لا صار البنات تلوع جبدنا يوم يسون نفخ كيف الشباب وحبيت اطرح الموضوع من ناحيه وحده الا وهم الشباب لان البنات مثل ما قالو ناقصات عقل ودين ونعرف عنهم دووم بس الشباب يعني صدمه بالنسبه لي
ومثل ماقلت الصدمه ان اهله راضين يعني الاهل من النوع المعاصر ويحب الموضه وعادي عندهم

الله يستر من الدنيا

[رمساويهـ قمر]

تقليد اعمى ..!!!!

الله يهديهم بس ..