هل تتزوج بنت كلمتها بالتلفون أو النت

[noof]

الـшـلام عليـّـڪَم ورحمـَﮧ اللـَﮧ وبـَرڪَـاتـُﮧ


ببدآ في آلموضوع بدون [ مقدمآآآآآآت ]


طبعآ آلموضوع باين من عنوآنه .. كثيررر شبآب يكلمون بنآت عـ آلفون والمسن بس بهدف آلتسليه آو يمضون وقت فرآغهم ..

آذآ شاف بنت وعجبته بآي طريقهـ يبغى يوصلها ويكلمهآ ولما تكلمو يبدآ في لعبته آلقذره
" آنآ آحبك وآموت فيك ومآ آتخيل حيآتي من دونك ثآنيه كيف بعيشهآ .. "


آليين مآ تقتنع آلبنت بحبه آلكآذب لها .. ويوهمهآ آنه يحبهآ .. بس هو مآ يحبهآ آبدا ويكلم غيرهآآ مليوون بنت وبنت ..

بس لمآ تسآله في بداية علآقتهم " شوو نهآآية هاي آلعلآقه حبي ؟؟ "
يقوول " حيآتي آآكيييد زوآج لآ يمكن آخلي غيري يآخذك مني مهمآ صآر " ..


وتزيد ثقتهآ بهذا آلشآب .. لكن للآسف هو هدفه ماهو زوآج ولآيفكر يرتبط في بنت كلمهآ عـ آلتلفون او المسن..

لآنه هو بباله آنه هي مثل مآ كلمته كلمت غيره .. بس ممكن تكون هي مآ كلمت احد غيره ..


وآن تقدم لخطبتهآ شآب غيره .. وهي آكييد تحب آللي تكلمه .. فبتروح تقولهـ آنه تقدم لخطبتهآ شآب ..

وهي لآ يمكن ترتبط بآنسآن غيره ..



فهو يقولهآآ ذاك آآلوقت " ˚• آسمحيليي.. » مآ آتزوج « بنت كلمتهآ •˚ " ..



وينهي آلعلآقه بكل بسآطه .. ويروح يغير رقم التلفون .. لآنه خلآص وصل للي يباه وزوآآج مستحييل يتزوجهآآآ ..

بس سؤالي لكم

هل تتزوج بنت كلمتها بالنت او التلفون ؟!!

منقووول للأمانه....
بس حبيت أعرف رايكم في الموضوع وطبعاً الكلام لا يشمل جميع الشباب ولكن الأغلبيه....

[صاحبة السمو]

ماشوف حد من اشباب رد ولا جاوب عسالج..
المهم اذا ممكن بقول وجهة نظريالشباب عندهم طريقة تفكير غريبة وايد وانا استغربها الصراحة هم حاطين في بالهم انا البنت الي كلمته ولا ارتاحتله اتكون بنت مب زينة ولا على قولتهم مب متربية ....انزين دامها مب زينة ليش اتكلمها ؟؟بقلج شو السبب : الشاب يحس بعمره ملك وقوي انه طيح بنت في شباكة ولا قص عليها وطبعا كلنا انعرف اغلب الشباب يفتخرون بعلاقاتهم جدام ربعهم والبنت دوم اتكون الضحية ...انزين لو البنت مب لاقية الحنان في بيتهم ولا اهلها قاسين هي شو اتسوي في دنياها اكيد بدور الحب برة وبتصدق اي شي ينقاللها انا ماقول انه البنت مب غلطانه اهي بعد غلطانه المفروض ماتصدق اي شي ينقاللها بس هاي سنة الحياه واتمنى الشباب يقللون من مكرهم وخرطهم لانه اغلب اكاذيب الشباب معروفة وكاشفينها ...طبعا مب كل الشباب البعض منهم..وانا الصراحة اعرف ناس كانو يكلمون بالتيلفون وتزوجو وعايشين حياه حلوة ..اسفة عالاطالة

[ناصر خميس]

لا تعليق....

[noof]

مشكوره اختي صاحبة السمو على ردج وكلامج صحييييييح
وطبعاً انا كنت متأكده ما بحصل رد من الشباب مع ان المشاهدات 48
وشكراً ناصر على المرور

[L A W Y E R]

السلآم عليكم . .

كنت أتمنـى اشوف تفآعـل الشبـآب ويـآ هالموضوع ،،

لأنـه بالفعـل يستحق النقـآش ،،

شكراً ع الطرح !

[فارس بلا جواد]

بصراحه موضوع حلو ويستاهل الواحد يجاوب عليه


هل تتزوج بنت كلمتها بالنت او التلفون ؟!!

تبين رايي صح

راي هو يا طويله العمر ما اقول ما بزوج

لكن اقول يخسي

ارتبط في وحده خدعت اهلها ومسويه عمرها جدامهم ما في احس منها

واي ظروف انتوا الي تتكلمون عنها تجبر البنت تلعب في شرفها

هذا شرف والشرف غالى

اغلى ما في الدنيا عند الانسان الدين والشرف

كيف اتيي بنت غبيه وتكلم وتقول

والله انا تعبت ودور الحنان من برا

اي حنان يعني هذا

الوصخ سوري على هذا التعبير

الى تكلمينه بيكون احن لج من والوالد والوالده

ولا احن لج من الاخوان

حطوا في بالكم يا بنات

الى يكلمكم ما يبي منكم غير شي قذر

ولو ما بغي شي قذر يبي يفظح البنت

لا غير انا اعرف واحد زباله

كان يكلم بنت عمه وما خلا مكان ما فظحها فيها

ويقول انا اكلمها ونا اكلمها تخيلو بنت عمه

من لحمه ودمه ما بالكم اذا واحد كلم وحده غريبه

اقول يا بنات كلا" عقله في راسه ويعرف خلاصه

لا تقص عليكم الافلام والمسلسلات الكويتيه الهابطه

صدقوني ما في شي اغلى من الشرف

ونداء لكل بنت ترمس واحد خله تحقره من اليوم

ولو يبيج باب بيتكم موجود

ولو تحجج بادراسه الجامعه ولا بعده لين يرتب اموره ترا هذا

كله جذب بجذب

يا رب تحفظ بنات امه محمد

قولوا امين

سلملم

[نسيم البحر]

فارس بلاجواد

أعتقد الرسالة وصلت وماقصرت

[ملكه الحب]

فارس بلا حدود كلامك كل صح وتسلمين اختى ع الموضوع..

[أوكسجين أنفاسي]

بصراااااااحه الفارس كفا ووفا

بس وين بقيه الشباب و ع فكره البنات اللي جيه بصراحه ماعندك شغله

[فضائي]

لآنه هو بباله آنه هي مثل مآ كلمته كلمت غيره .. بس ممكن تكون هي مآ كلمت احد غيره ..


وآن تقدم لخطبتهآ شآب غيره .. وهي آكييد تحب آللي تكلمه .. فبتروح تقولهـ آنه تقدم لخطبتهآ شآب ..

وهي لآ يمكن ترتبط بآنسآن غيره ..

زين أنا احط خطين اثنينه على كلمة ( ممكن)

يعني هو كيف بتأكد أنها كلمت واحد ثاني , و ياليت واحد كلمت فريج
خخخخ ... أكيد ما يتزوج
لإنه هالطريقة الملتوية .. أحبج .. و طيح سوالف بكل المواضيع .. بعدين
بيتقدم لها هههههههه مستحيل ..
مثلا يمكن يتزاعل و هم متزوجين .. بيتم موسوس بتكلم غيري بتكلم
غيري بالتيلفون .. و طالع الشك اللي على أصوله .. و شتم
يعني الواحد يوم بيتقدم لبنت صراحة ,, بيتم يفكر مليون مرة

صراحة هذا رأيي ،، و طبعا كل شخص له راي بالموضوع و هو اصلا
موضوع حساس
و ما أزيد بالموضوع .. لإني ما بخلص

تقبلوا مروري و مشاركتي البسيطة ..