تحليل شخصية العضوة الشقية / الله كريم

[إمـرأه لا تُنسـى]

1/ من انت ؟ صف لي نفسك ؟


انا في بدايه ال 24 سنه ..انسانه متزوجه وعندي ولد..
عصبيه بس وايد عاطفيه بدرجه ماحد يتخيلها
لو شفت موقف جدامي يحزن سيده اصيح..اتاثر من اي كلمه..

اميل الى مشاهده الافلام الهنديه.. والمسلسلات اللي ماتييب الا الهم والنكد ههه


احس بداخلي وايدطموح ابى احققه من قبل ماعرس بس للاسف ظروف وجو البيت قبل الزواج ماكان يساعد

اسوي اي شي واحقق اي شي بحكم

القيود والسطيره حتى دراستي ماكملتها اقصد الجامعيه بسبب اعذار الاهل

ماكنت احاول اصر مب لانن ماعندي طموح

لان اعرف ان هالامر خلاص منتهي..

واخاف من دمععه عيوني لو طلبت شي من حقي..


ماحب حد يشوف دمعه عيوني .. او انكساري

ابين للكل اني انا قويه ومستحيل اظعف

بس لو ظعفت وصحت خلاص

اطيح طيحه قويه .. لو حبيت شخص خلاص اعطيه كل شي

صداقتي مافرط فيها ومانسى نهايا اي شخص جرحني


هو يعيش خياته وانا اتعذب طول عمري..

اي شخص جرحني اطوف له مره ومرتين واعطيه اعذار

واقول خلاص مابعطي هالشخص اهميه وللاسف ارد اهنم

واهتم واهتم

ماتوب.. بس المشكله الجرح يعذبني انا ويلاحقني طول العمر

مانسى اي موقف سواء حلو او العكس..

وماقدر اكمل حياتي بدون مايتعكر مزاجي

من حيث لو انطرا اسم الشخص جدامي يبين علي اني مانسيته للحين ...


اول ماعرست سيده حققت لي حلمين اول ما اسنحت لي الفرصه

اني سقت .. واشتغلت بس بعدين لظروف ما

استقلت من الوظيفه واان باحثه عن وظيفه

استيعابي بعد جلوسي بالبيت لمده 4 سنين


صار بطيء.. يمكن من كثر التفكير..

يمكن لاني انا مافهم

بس ساعات احس اني ذكيه وساعات احس

اني اغبي وحده بهالدنيا..

احب الشخص اللي يمدحني سواء للبسي او طبع فيني

وانا متواظعه مب خقاقه..

بس متهوره وايد..

واحس ماتعلم من اغلاطي

بس لو كرهت شخص اكرهه طول العمر

وحاليا


احس اني مااحس

وان مشاعري تجمدت

وماصرت اهتم لاي شخص

ولا ي كلمه تنقال لي سواء كلمه سيئه والا حسنه ماعدت اهتم مثل اول

لان احس اني هالسنين اللي طافت على كثرماهتميت لناس

وعطيتهم كل شي وظحيت ماشي فايده

مابى المقابل

ابى المقابل بشي حسن

مب سيء

بس اصعب شي فيني

لو تذكرت ذكرى اون عليها ونات لايام وانا اتعب

حتى كثر ما كنت احب منطقه ربيعتي على كثر ماكرهتها ومن ازور هالمنطقه تييني ظيجه


من الخاطر
لانها ربيعه عمري بس هي اللي ماقدرت
(( يعني بعد كل ماعطيت وافنيت عمرك بالعطا وش هو شعورك لو لقيت ان اللي سويته خطا))

احب القراءه واحب قعده النت واحب قراءه مجله الجرائم

2/ ماهي هواياتك ؟ وعلى ماذا تطرب وتسترخي ؟

احب اسمع اغاني حزينه بس ودرت الاغاني لان احس هي تهيج المشاعر

بس مابقول ودرت بشكل نهائي لا

بس ماصار من اهتمامي

لان اكيد بيذكرني بمواقف انا غنيه عنها

وانا كنت اكتب اشعار. واحين ودرت

لان احس اني فارغه مشاعر من داخل

ويمكن المشاعر جامده يبالها حد يذوبها

هوايتي اركب الخيل بس عمري ماركتبه خخخ يعني احس متشوقه لهالشي

بس في حدود ماقدر اتجاوزها بحكم


المعارف اللي هني


استرخي على صوت احمد العجمي وادريس ابكر وماهر المعيقلي

احسهم يريحون الفؤاد

3/ هدفك في الحياة ؟

الشغل
بس يارب احققه

باذن الله

/ هل لديك الثقة الكافيه بنفسك وبقدراتك ؟ ام انك لديك بعض من التردد في اختيار امورك القرارية ؟

انا وايد ماعندي ثقه

او معدومه ثقتي بكبرها

احس اتاثر بالكلام اللي جدامي

يعني كلمه ترفعني فوق

وكلمه تنزلني ل 7 قاع !!

للاسف ماعندي ثقه

/ جريء / ام حيوي ؟

جريئه واااااااايد عكس ريلي

وهاللي متعبني

/ كيف هو النظام في حياتك ؟ هل تجد نفسك انسان منظم ودقيق وتحب الترتيب ؟ ام انك انسان مرن وعفوي ولا بأس لوجود الفوضى احيانا في حياتك ؟

صراحه لا ليش اجذب خخخ

مب مرتبه صدق بس احاول غصبن علي !! وها الي متعبني

خاطري اكون مرتبه بكل شي

بس ارتب عشان الواجب

لااكثر

ووايد اراكم الاشياء

فوق بعضها

7/ كيف ينظر اليك من حولك ؟

من نطاق الاهل والا خارج الاهل؟

لو الاهل يشوفوني انا متحرره يمكن لاني انا سقت واصريت اشتغل يمكن عشان اكسر كلمتهم

او اقهرهم ويمكن لانهم مايحبون البنت تسوقوالخ يعني احس

يشوفوني بنظره سيئه بس يحتايون لي باوقات

هم محتاجين فيها سياره تنقلهم

عن نظره اللي حوالي انا ويى الناس وايد على طبيعتي
واللي ع قلبي ع لساني وهاي اكبر مشكله
وايد بنات حبوني وانا مانكر

سواء بالمنتديات والا غير المنتديات

لاني احب اسولف وانكت

ووايد ارمس بعد خخخ

ومبحوبه والله وهاي حلفه على ايام المدارس اي حد يسال وين فلانه

يعرفوني بدون تكمله الاسم

من يقولون فلانه الخبله خخخ

وتقريبا علاقتي مع ربيعاتي اوكي اللي عرفتهم من الوافع

مب من النت طلعن مزيفين

وع فكره انا وايد اسوي اشاء ماحاسب عليها

الامر الذي يؤلمك اكثر في الحياة والذي يفرحك ؟

اللي يجتلني

ان اعطي

ومحد يقدر

هب الكل

اللي يذبحني اللي اظحي عشان هالشخض واسويله اللي اباه واحرم نفسي من اشياء وايد عشانه

اخر شي يستغل هالشي فيني يعني تظيحيتي له هباء منثورا

لان من الخلف يطعن !!!

اكبر الم ان الشخص اللي مديت له ايدك

يتخلى عنك باعز حاجتك


واللي فرحني بهالدنيا بكبرها

ان دعيت الله يعطيني ريل مثل ريلي

متفهم

عقلاني

خلاني احقق اشياء اباها

مع العلم

شخصيته عكس شخصيتي

متعبتني

اعاني منه بس مب مشكله

صابره عن المينون عن ييني اين منه لووول

احسه شمالي ربي


- عنيد وايد
- - صامت
- - لحظات الغضب يطلع عيوبي كلها خخخ
- - يذل وايد
- - يبين حبه في فعله مستحيل او اموت مايقولي كلام حلو
- صعب عليه هالشي
- -طيب
- -يحب يستفزني بدرجه ماتتصورينها
- - مهمل
- -معتمد علي
- يحبولده ويهتم فيه من حيث الرمسه فقط
- يعني مايشله ولا يلاعبه الا بالسنه حسنه
- بس لو صارخت ع ولدي
- ياكلني!


ياليت مازعتج في رمستي اسفه بس انا اعرف نفسي وايد ارمس خخخ




لو حابه بعد تخبريني شخصيتي شماليه غربيه والا جنوبيه والخ


احب المسلسات قبل ذكرت هالشي وبعد احب اشوف المسرجيات


الفكاهيه ووافلام الاكشن ^^ وبس وقبل كنت وايد فكاهيه بس بما ان ريلي

صامت يوم انكت اظحك للنكته بروحها ههه يعني احسه يحسسني سخيفه خخخخ


ححفظج ربي

[إمـرأه لا تُنسـى]

سأكون هنا قريبا للتحليل

[الله كريم]

*بروحها


*اقصد اظحك للنكته بروحي خربطت انا خخخ


يزاج الله خير

ادري تعبتج انا وايد وايد والله


وانا اتريى التحليل على احر من الجمر ..

^.^


مشكوره قبل التحيل وبعده


عمري مابنسى لج هالشي

لان ماخليت مكان الا ابى احلل فيه شخصيتي وشخصيه ريلي تقريبا لو تقدرين

تعرفينها من صفاته اهم شي هل هو مثلا شمالي غربي؟ عسب اقرا عنه





تسلم هالايادي ويعلج ذخر

[إمـرأه لا تُنسـى]

[align=center]



عزيزتي الغاليه / الله كريم ..



اولا اعتذر لاني اعلم انني تاخرت كثيرا في تحليل شخصيتك ..

لاني التزمت بالتحليل بالترتيب.. وها ذا جاء دورك الآن


بالنسبة لشخصيتك .. فهي جنوبية شرقية

وشخصية زوجك شمالية غربية ..



وهناك اختلاف كلي في شخصيتكما..


فنمطكما الغالب ودوب الغالب يختلفان ..


ولكنكما كالكرة الارضية التي تكمل بعضها بعضها بجميع الاتجاهات

هو ينجذب نحوك لا شعوريا وانتي كذلك.. لان كل منكما فيه صفات لا توجد بالآخر ..

فانتما مختلفان تماما .. لهذا انتما تنجذبان الى بعض كالمغناطيس.. تماما ..


زوجك كريم ومعطاء في جهدة وماله

وانتي كريمه بعواطفك وكلامك واهتمامك ..


قد تجدين مشاكل.. بينكما .. بسبب اختلاف طباعكم .. ولكنم لا تستطيعون ان تستغنوا عن بعض..

لان هناك جذابيه خفيه بداخلكم تجذبكم لبعض..



انتي حساسه لمن يهملك ..

وهو حساسا من يخطىء بحقه ويتمادى عليه


انتي مسترخية .. تتوتريين بسبب بالاصوات العالية


وهوحركي ونشيط وينتظر الترتيب من الغير ..


زوجك طيب ورائع فالصحبه .. متى كسبتي قلبه سيجعلك اسعد امرأه في العالم



هناك امر يعجب به من مثل نمط زوجك في المراة هذا الامرهو :

عندما يغضب او يغلط بحقه .. لا ترد عليه بما يجرحه .. ترد عليه بالحسنى.. وتبتعد..

هنا يمكنها ان تملك قلبه بقوه بقوه بقوه

وانظري كيف سيدللها بعدها .. لانه يحبها واحس انه اخطا بحقها .. فيحاول ان يعوضها بشيء ولو كان فالخيال ليحققه لها لترضى عنه ..


فهو حنون للغايه .. ولا يتركك في وقت الشدائد ابدا..

يقف معك وقفة رجال..



انتي


تحبيين الاجواء الحميميه ..


تحبيين الاجواء التي تملؤها المرح ..


تحبيين سماع النكت والطرائف..

رغم انك طيبه القلب ولكنك انفعاليه كثيرا حينما تغضبيين ..


تصبحيين كالبركان الذي ينفجر فجأه ..


لأنك تكتميين وتكتميين وعندما يضيق بك الحال تتحوليين الى قنبله تكاد ان تنفجر بأي لحظه ..


تتوتريين من الصوت المرتفع كثيرا .. وتكرهيين الاصوات العاليه والصراخ..

انتي انسانه ذكيه وتتعلميين بسرعه .. ولكن كسوله تحبيين الراحة والرفاهيه اكثر ..

تحبيين الدلال ومن يهتم فيك .. تحبيين الاطراء والمدح بمظهرك .. وطيبتك..

اعلم لديك مشكله في انك تريدين الاهتمام من زوجك..

وهو نوعا قليل الكلام..

ساعطيك الحل الذي سيجبر زوجك على الحديث وطلب هو الغزل

والكلام الجميل منك وليس انتي من تطلبيين وتريدين سماع ذلك..:

1/لا تتصلي به كثيرا دعيه هو من يتصل ويتعود ان يتصل هو ويسأل عنك وليس انتي ..وهنا موضوع التعويد.. افضل بان يكون في بداية علاقتكما ..

2/ عندما تتكلمي معه كوني دائما انسانه مرحة وتضحكيين .. ونوعا ما تحبيين الفن في الحديث.. لان زوجك يحب المراه المرحة .

3/ لا تبادي\ريه بالكلام الجميل ابدا .ولا تطلبي منه الحب.. ولا تساليه ان كان يحبك ام لا.. كوني محط ثقه بجاذبيتك وانك انسانه محبوبه.. لا بأس باغلاق السماعه دون ان يسمع منك كلمة واحده .. الا بعد ان يطلبها منك..

4/ عوديه عليك.. ومن ثم اتركيه حتى يفتقدك.. لا تتركيه بمعنى ان تتركيه انما ابتعدي عنه لفترات تغلي عليه.. دعيه يتصل .. اونتي لا تجيبيين عليه.. ومن ثم تعذري له بكل ادب ومرح بأنشغالك..

5/ دعيه يتولع بك.. ويحبك.. بعقلك ورجاحتكم ومرحك..

6/ زوجك يحب الطعام كثيرا .. فأصنعي له اطبقا من يديك.. وادعي له علانيه بالدعاء بالتزفيق.. والنجاح

..

7/ امدحي بشكله ومظهره وجاذبيته ولكن ليس كثيرا .. كل شيء بوقته ..

8: عندما تريدين ان ينجذب حولك.. اوصفي مشاعرك باعجابك به.. وانه انسان عظيم ورائع وكريم .. قوليها له وكانك لأول مره تريين رجل في حاتك..

ومن ابتعدي.. حتى يشتاق لك ولوصفك له الذي يرضي غروره..

[/align]