تعبت

[THE JOKER]

بسم الله الرحمن الرحيم


أحاول أطلب رضاهم
وهم بكل سهولة يعتبرون أول أغلاطنا هي أخرها
يزعلون .. نطلب رضاهم .. نلاحقهم
أخر شي ما نسمع منهم اي رد
خلاص تعبت أراضيهم

ܓܨܓ تعبت أكون الإنسان المثالي لأخر حياتي ܓܨܓ

تحاول تسعدهم ولا تضايجهم ..
وهم همهم الوحيد يشوفون الحزن في عيونك
تبتعد عنك ،،، يتبعونك ..
تخاف تواجهم وينجرحون بكلمة منك
وهم ولا همهم يجرحونك !!
خلاص تعبت من كثر ما اكتم ..

ܓܨܓ تعبت أكون الإنسان المثالي لأخر حياتي ܓܨܓ

تقدم لهم الكثير ..
وبكل بساطة يقدمون عليك اللي ما قدم أي شي ..
والسبب بس عناد و ودهم يقهرونك ..
ما تبالي .. تستمر في عطأك ..
إلا انهم يبعدونك بأي طريقة !!
ويوم تبتعد .. يقولون محتاجين لك !!
خلاص تعبت أستمر وياهم ..

ܓܨܓ تعبت أكون الإنسان المثالي لأخر حياتي ܓܨܓ

تكون صريح ،،
تبتعد عن المجاملات ..
توقف مع الحق ..
يتهمونك بقلة الأدب ..
تسكت ..
يغلطون عليك وطنش ..
يتمادون خلاص حدهم ..
تعبت من كثر ما اسكت عن ظلمهم !!

ܓܨܓ تعبت أكون الإنسان المثالي لأخر حياتي ܓܨܓ

يمنعونك عن فعل شيء معين
تبتعد عن هالفعل ..
وهم بكل سهولة يسون هالفعل
ويتمادون فيه
اتشوفهم بعينك يسونه ..
خلاص تعبت من كثر ما أسكت !!

ܓܨܓ تعبت أكون الإنسان المثالي لأخر حياتي ܓܨܓ

تعتبرهم القدوة لكـ ..
صورت لهم أفضل صورة في مخيلتك
تمدحهم يدام الكل
وفي يوم من الأيام تتبين حقيقتهم
وتعرف انهم ولا شي
خلاص تعبت من كثر صدمات

ܓܨܓ تعبت أكون الإنسان المثالي لأخر حياتي ܓܨܓ

تبتعد عن الرسميات معاهم
تضحك وتعاملهم شرات أخوانك
وبعدين يقولون انك تحبهم
ويقولون انك متعلق بهم
خلاص تعبت من كثر نفاقهم

ܓܨܓ تعبت أكون الإنسان المثالي لأخر حياتي ܓܨܓ
م/ن

[ماء الورد]

الله يعينك عليهم

ويعينك على نفسك

وعليك بالصبر والحلم

[THE JOKER]

امين يارب
وشكرا لك اخوي على مرورك
وحضورك العطر

[صدى الحرمان]

كلمات حلوة واتناسب الموقف اللي أنا فيه بس يا ريت يحسوووووووون

مع خالص الشكر وربي يعطيك العافية

[فرح_مرح]

مشكور اخوي ع هالموضوع
وتعليقي للموضوع:
أن رضا الناس غاية لا تدرك وفيه ناس ما عندهم شغلة غير التعليق وبس...!!! بس نحن لو كنا واثقين من انفسنا وانه اللي نسويه صح ويرضي الله ورسوله خلاااااااص اذن ما يهمني أحد مع العلم ان الانسان خطاء ويمكن يغفل او ينسى وما فيها شيء لو خذت براي الناس فيني لكن مو بكل شيء ولا اطلع نفسي رخيصة أو ضعيفة..

والسموحة اذا طولت بكلامي..........

[THE JOKER]

اهلين اخواتي
ملاك راك
وفرح مرح
اسعدني تواجدكم
ومروركم الجميل
يعطيكم العافيه