الحل النهائي للحبوب و البقع

[موزان]

السلام عليكم

من سنين وانا اعاني من بشرة بااااهته وفيها بقع حبوب وبقع كلف تحت الشفايف ومنطقة فوق الشفايف ... وخدي فيه اثار حبوب وما لقيت اي بودرة تخفي هالبقع واي نوع استعمله تبين الحبوب رمادية تحت البودرة...

وجهي كان شاااحب مليت من كل وسائل العلاج ولا نفعني شي كل ما اروح مكان يقولولي بشرتج شاحبة..

الى ان حصلت الحل وكان جريب مني في السوبرماركت وانا ما اعرف ... نصحتني فيه وحده اعرفها وقلت بجرب والحين من اسبوع استعمله ولقيت الفرق الكبييييييييييييييييييير البقع كلها تقشرت وطاحت ووجهي استوى افتح وكل ما اروح مكان يسألوني شو السر... بدون مبالغه يا بنات صدق فرق كبير...

السر هو متوفر في الصيدليات والجمعيات والسوبرماركت

قريت عنهم في المنتديات تجارب البنات معاه ممتازة

هم منتجين مع بعض الاول غسول وجه عادي بدالا لصابون تستعملينه مرتين في اليوم الصبح والمساء

والمنتج الثاني مرة في اليوم قبل النوم

المنتج الاول هو غسول نيتروجينا ديب كلين ها شكله يستعمل على اساس غسول للوجه وفي نفس الوقت تتركينة على ويهج لو تبين على اساس ماسك لمده 5 دقايق وتغسلينه

انتبهي لازم تاخذين هالنوع لأن في عده انواع خذي هالنوع اللي مكتوب عليه منشط 2 في 1

المنتج الثاني هو مقشر Extraderm Plus Exfoliant 4

في منه عدة درجات 1 و2 و3 و4

انتي اختاري 4 احسن نوع لان الباقين تقشيرهم وااايد خفييييييييييف وما يعطي نتيجة

طريقة الأستخدام:

- قبل النوم في الليل تغسلين وجهك بصابونة نيتروجينا بماء دافئ ومن بعدها تنشفين وجهك من الماء

- بعدها تاخذين قطنة وتبلليها بالمحلول ( Extraderm Plus Exfoliant 4 ) ثم تمسحي بها على وجهك راح تحسين بحرارة أو لسعة ... ملاحظة لا تستخدمينة على الشفايف او تحت العين خطر بعد ممنوع استعماله للحوامل

- تتركي المحلول على وجهك لين الصبح وأول ما تصحين من النوم اغسلي وجهك بنيتروجينا وماء دافئ وتنشفين وجهك

-بعدها راح تلاحظي وجهك بدء يتقشر يعني بداية حلوه .... استمري على العلاج لين تختفي البقع ... اقصى حد للاستعمال 3 شهور من بعدها وقفي العلاج كم شهر

- و النتيجة تلاحظينها في خلال 3 أيام بالضبط وجهج بيبدأ يتقشر كامل انا وجهي تقشر كامل

ملاحظة:

لا يمكن أستخدام المحلول في وقت النهار لان تظهر النتيجة عكسية يعني يستخدم في الليل

[شباصة منقصة]

تســــــلـمين اختي ع الطــرح

بس لازم تحطين ســن كريم "واقي الشمس"

ربي يعطـيج الصحه و العآفيه

^^*

[عاشقة القمم]

شكـرآ ع الإفـآدهـ ..~

أبـد مـآ ينفـع بشرتـي
لإنهـآ وآيـد حسـآسـة ومن أي شـي تضرر

[روح راك7]

مشكوره اختي ع الموضوع الحلو والمفيد
واتمني الكل يستفيد

[السامعيه]

امممممممم

لي صديقه استخدمت نفس المنتج Extraderm Plus Exfoliant 4 وبعد اسبوع وييها احترق وظهرت لها مثل البقع الداكنه وخرب بشرتها .يمكن لان وبشرتها حساسه ومانتبهت .والبعض يمدحها ..بس اي حد او وحده يبغي يجربها يتأكد من حساسيه بشرته ... وتسلمين ياختي

[روح راك7]

الصراحه دورت سائل نيتروجينا بكل الصيداليات والاسواق ما حصلت شي
وين ممكن احصله حد عنده فكره ؟
لو سمحتو ممكن تساعدوني ..................؟

[إمـرأه لا تُنسـى]

روح راك انا شايفته في صيدلية المنار


والصابون والسائل الي اعرفه انه ينباع في شويترام

[بنت آلشآرجه]

صدقتي يآختي
لآزم من عقب هآ تستخدمين وآقي شمس ..
يبآله وقت ..

[روح راك7]

مشكورة الغالية (إمرأة لا تنسي)
سرت وخذته وان شاء الله ييب نتيجة وياي

[الأميره الناعسه]

اممم عني انا ما استخدم هالأشياء حتى الصابونه احسها اتنشف الويه ..!


بصرااحه امسح ويهي بقطنه ماي ورد الصبح وقبل لا ارقد بعد امسحها بماي ورد وفازلين جونسون ..!

والحمدلله الأمور طيبه ..

أحسن من استخداام هالكريمات الترويجيه وغيرها الي يمكن اتسبب أعراض ثانيه بمجرد تركها ..!


وتسلمين أختيه ع المعلومه إلي يمكن يستفيد منها البعض ^^!