احلى ويك اند فدبي :)

[alshamsi.me]

السلام عليكم

اليوم بشاركم فالصور اللي صورتها فدبي الويك اند اللي طاف ، باختصار اليومين كانو لتغيير الجو ولتعريف البنوته على اكويروم دبي مول

طلعنا من راك يوم الخميس المغرب ووصلنا من وقت .. وقلت ليش ما نسير نتعشا فدبي مارينا مول وعقب نسير الفندق .. واول ما دخلنا استقبلنا راعي الجيتار*



تفرجنا عليه شوي وعقبها سرنا على طول مطعم جوروميه برجر*



















وبعد ما تعشينا .. طلعنا شوي على الممشى اللي فالمول وشفنا عرض بس للاسف كان على نهايته وما لحقت اصور غير صوره وحده*



بعدها سرنا الفندق همممم هو عباره عن شقق فندقيه على شارع الشيخ زايد بس كانت اسعاره مغريه ومكانه جريب من المولات اللي كنا مخططين نسيرلها









واليوم الثاني طبعا المدام ( تسلم ايدها ) سوتلنها هالريوق الخفيف











وبعدها شلينا اغراضنا وسرنا دبي مول
قبل ما نوصل الاكوريوم قلت خلني بصور الجماعه اللي من استوا المول وهم ناقزين ولين الحين ما وصلو الارض هع هع





وهذي صور الاكوريوم .. واجهت صعوبه فالتصوير هناك لان معضم الاماكن مظلمه ومن غير ان الحيوانات ما يسطلبون ويوقفون عدل للتصوير









خخخخ مسكين عشيته بالفلاش هع هع



هالصوره ذكرتني بالغواصات فالرسوم .. يشوفون الوضع قبل ما يطلعون من البحر





سبحان الله هالسمجه جنها لعبه المتاهه ( يوم يملون السمج اللي وياها يتمون يلعبون يسدحونهت ويلعبون فيها هع هع )













بطريق .. النسخه الاصليه



وهذا النسخه الصينيه هع هع هع





وخلصت الجوله فدبي مول والحمدالله استانست الصغيرونه وايد هممم بعدها سرنا اميرتس مول وعلى طول على المطعم الصيني بي اف تشانج ( لا تفوتون اكله داينامايت عندهم )









همممم ما صورت الاكل لان حطونا على طاوله في نص المطعم وكنت ابا اوفر شوي اللي تام فالبطاريه حق عرض ديزني اللي كاااااااان زححححححححححمه

هممم استغليت الفرصه وتميت اصور الزحمه والاجواء اللي هناك



باركنات الزوار وصغار الشخصيات هع هع











ومن شفت هالزحمه فقدت الامل اني اصور .. بس يت فكره فبالي وطبقتها بس للاسف ما صادفت لا ميكي ولا ميني وقتها وما حبيت اتاخر وانا اترياهم لاني كنت مخلي اهلي بعيد عن الزحمه

اللي سويته .. واعتقد وايد سوو نفسي من الي فاقدين الامل انهم يحصلون مكان يشوفون منه العرض .. كنت اكرب الدري .. وانزل من الدري الثاني .. وارد اركب ... وانزل خخخخخخ وفي فالصعده والنزله كنت اصور اللي اقدر اشوفه من الستيج







ومن الزحمه هلكت وعطشت وقلت ماشي بيبرد علي مثل ايسكريم هجندااز يم يم .. يم





وفضت البطاريه

[هامور صـ غ ـير]

ما شاء الله عليك أخويه

الصراحه شكل الويكند كان وايد حلو

وتغطيتك كانت روعه .. عيشيتني الجو

تسلم يمينك عالتصوير الغاوي

ربي يسعدكم دايما ان شاء الله

وداعة الله

[alshamsi.me]

مشكور اخوي على الرد

للاسف ما حصلت هامور فالكوريوم ولا جان صورته واهديتك الصوره >_<

[MiNoOo 87]

عليكم السلام و الرحمــــــــــــه ..

ما شاء الله .. تصويرك في غاية الروعه و الدقـــــــــــــــــه ..

يا حليلك تعذيب عيـل تصعد دري و تنزل من الثانــي

ربي يحفظكــــــــم و يديـــــــم لكم الونـــــاسه ان شـــــــــــــــاء الله ..

,^.^’,

تسلم إيـــدك ع التصـــوير الغــاوي ..

أترقـــــب يديـــدك المميـــز دوم ..

ربي يحفظك : )

[همسة وفا]

شكرا على هالتغطيه الحلوة ..

الله يسعدك ويوفقك يااخوي ..

[PAPAYA]

وناسة أنا اليوم رايح دبي مول

[rak 123]

صراحة الصور وايد حلوة

[alshamsi.me]

مشكورين اخواني وخواتي والله يديم عليكم الوناسه

بابايا درب السلامه
راك١٢٣ كلك زوووء ^_^

[ع الدرمكي]

تسلم أخوي ع التغطية الحلوه ..
ربي يعطيك العافية ..

[عشِـِـِقـِـِـۓ الرمـِـِس]

.. مــآآشـآآءالله الصوووووووووور روووووووعـــه ..

.. كل صوورهـ احلــــى عن الثــآآنيــه ..

.. فـ خــآآطري اعلــــق ع صوورهـ صوورهـ ~> بنطــرد من الموضوع شكلــي لو سويتهــآ ..


.. حبيــت صوورهـ الـاكـــل ، شكله يمي يمي ~> مـآتفكر الـآ فـ بطنهـآ ..

قبل ما نوصل الاكوريوم قلت خلني بصور الجماعه اللي من استوا المول وهم ناقزين ولين الحين ما وصلو الارض هع هع

.. حبيـــت هالتعليـــق هههههههه ..



.. و اشكـآل الـاسمـآج و البطـآريق وآآيــد حلــــوهـ ..

سبحان الله هالسمجه جنها لعبه المتاهه ( يوم يملون السمج اللي وياها يتمون يلعبون يسدحونهت ويلعبون فيها هع هع )

.. هههه هيـــه لـآآهـ ..




.. ههههههه حلـوهـ النسخـــه الصينيــــه ..

اللي سويته .. واعتقد وايد سوو نفسي من الي فاقدين الامل انهم يحصلون مكان يشوفون منه العرض .. كنت اكرب الدري .. وانزل من الدري الثاني .. وارد اركب ... وانزل خخخخخخ وفي فالصعده والنزله كنت اصور اللي اقدر اشوفه من الستيج

.. هيهيهيهي حليلــــك ..



.. المووهيـــم شكلـــي وآآيــد طوولـــت عليــك ، مـآ ارتآآح الـآ اذآآ علقـــت ..

.. تسلم ع هالصوور الغــآآويـــه ..

.. عسـآك ع القـــوهـ ..