رد مع اقتباسمشكورهـــ ع الطرح
عندي تساوت غيبتك مع حضورك..
|
فيه شخص ثقيل دم كل ماقابل خويه يدور شيء ينتقده
وكل سوالفه كأنها سوالف نسوان ..مره يقول (نعالك مو ماركه)ومره (قماش ثوبك صيني)وآخر مره قاله
(قلمك رخيص مو زي قلمي الـ dior)
فكتب له بقلمه [الرخيص] هذي الأبيات:
في جيبي العلوي قلم بأربعه ريال
وأخطّ به مالا يخطّه (ديورك)
هذي علومك،،، كلها عوج وهزال
اسمعني، اللــه لايجبّر كسورك
فرحان.. تشري بـ(ألف وشويه) نعال!
تمشي بك دروب المذله بـ شورك
ومفصّل بـ (حول الثلاثميه) عقال!
وتحته عقل فارغ سوى مـن غرورك
يا تافه .. ارخ السمع للي بينقال
وتراه ماهو مـن دواعي سرورك
اللبس ماعمره ستر عيب رجّال
هذا انت ماتستر خَواك بـ قشورك
ومادامك تقيس الأوادم بالأشكال
عندي تساوت غيبتك مع حضورك
رح خاو خاوي مثلك أشبه بـ تمثال
يرضي برستيجك ويسعد شعورك
ما اتشرف بمعرفتك ولا انت فـ البال
ولا عاد أشوفك عندي ولا بأزورك
مغنيني اللـه عنك برجالٍ ثقال
مافيهم اللي حب تمثيل دورك
أقلّهم لو شاف تقصير وإهمال
يسد نقصك ما يدوّر قصورك..
مشكورهـــ ع الطرح
صح لسانك يا الشاعر ..
صح لسانج
أنا كنت أعرف نوعية من هالنوعيات المنحطة والعياذ الله
عافان الله اللهم لا شماته
تخلصت منهم والسبب رمستهم كلها ماركات عوذ بالله جيه قاعد ويا بنات
والله بناتنا أقعد وياهن في البيت مايرمسن عن الماركات وهذا رخيص وهذا غالي
حشا أهم شي عندنا الجودة زينة والنوعية زينة ومب لازم نلبس ماركة عسب نكون شخصيات مهمة أو نكون عيال عز
اللي يبانا جاذ حياه الله واللي مايبانا عيت نفس لاتباه
أكو الدرب خل يركضون ورا ماركاتهم
عاد اللي يقول الحين باريس غاليري ولا محلات جوتشي وغيرها من ماركات في الإمارات كلها أصلية
أصلا كل محلات الماركات في الدولة صارت عندنا تقليد بتقليد
اللي يبا الأصلي والماركات يروح إيطاليا وفرنسا وبريطانيا وأمريكا ولو فيهم خير خل يسافرون هناك ويتشرون ويقولون لفلان وعلان هالرمسة
بس كلام ميمع تعال وإتسمع
مول ماأدانيهم هالخقة عوذ بالله منهم
زين تسوين فيهم ست الحبايب عندج إياهم
مشكوره ع الطرح
ضوابط المشاركة
