My Latest Shoots

[ShamShOm]

Etmnah enah YnaaaL e3Jyabkm

[BOSS KK]

تصوير جميل واضائه ممتازه لكن اسمحيلي اختي بطلع لج كم انتقاد على الصور عشان تصوري صور احلى

انتقاد تايم >> ×_× مشفر خخخخ

بسم الله

الصوره الأولى: صورة النخله ... حلوه الصوره والوانها جميله واضائتها ممتازه ... لكن موضوع التوسيط هو انتقادي الوحيد ...

طبعا الصوره طوليه ... لو خليتيها عرضيه ... وخليتي النخله على اليمين واليسار يكون فاضي ... ونزلتي بالكام شوي ...

اما لو كان عدال النخله خرابات ولا شي يخرب على الصوره فخليها مثل ما هي ..^^


الثانيه:
الفوكس والعزل ممتازين ... لكن التشتيت واضح بالصوره ...
يعني الغصن اللي على الرمانه ... جان شليتيه عسب ما يغطي عليها ..على فكره انا بالقوه عرفت انها رمانه ×_×
او لو غيرتي زاوية التصوير ...
مع ذلك تظل الصوره من عزل ووضوح ممتازه 10/10

الثالثه:
حلو جذع النخله تقول مثل راس ناقه ههههه
ما عليها انتقاد ... جميله ...بس لو كانت مثل الأولى ... يعني تخليها يمين ...

الرابعه:
بهاي الصوره لازم تبدعي فيها ...المكان روعه والحشيش طالع حلو ....
النقد الوحيد الزاويه ... جربي صوريه مره ثانيه لكن بزاويه غير
نزلي الكام على الأرض ووجهيها لفوق .. .صوري هاي الأغصان اللي فيها ها الشي الأصفر... مدري شسمه خخخخخخخ
يعني يكون هو طالع بالصوره ويا السما .... بيطلع روووعه
ودخلي الكام داخل ويا هاي الأغصان وصوري... صدقيني بيطلع التصوير روعه ..^^

والسموحه على الإطاله ...

[وادي الخليج]

يسلمو ع الصور الجميلة

عجبتني اول صورة

[ع الدرمكي]

تسلمين ع الصور الغاوية ..
ربي يعطيج الصحة و العافية ..

[ملاك المشاعر@]

سلمتي غناتي
ع التصوير
نترقب تصوير احلى واحلى

[متسلق الجبال]

منوعات حلوة أختي ShamShOm

ومع قليل من التطوير والاهتمام بتصيرين مبدعة أكثر

عليك باتباع نصائح الخبراء والأخ بوس ماقصر ماشاء الله عليه لديه دراية جميلة بأساسيات وفنون التصوير

شكرا لك ياختي على المشاركة الحلوة

ربي يعطيك العافية

[MiNoOo 87]

صباح النور و السرور ،،



حبيت ها الصوره وايد ،،

تسلم يمناج ..

أترقب يديدج المميز دوم ..

ربي يحفظج ..

[ShamShOm]

[align=center]
بسم الله الرحمن الرحيم
[/align]

[align=center]
الصورة الاولى..`~ فكان حذالها خرابه بتخرب الصوره فسويت لها Crop
[/align]
[align=center]
الصورة الرابعه ..`~ كنت أبا اسوي الي قلته لكن المكان مب مشجع لأن عند الاشاره

و شكرا اخوي ع النصائح القيمه.. وان شاءالله استفيد منهم

وربي يعطيك العافيه
[/align]

[ShamShOm]

يسلمو ع الصور الجميلة

عجبتني اول صورة

الله يسلمك اخوي
وشكر ا على المرور

[ShamShOm]

تسلمين ع الصور الغاوية ..
ربي يعطيج الصحة و العافية ..

شكرا اخوي على المرور

وربي يعطيك العافية