خااااااص للشباب

**RAK 990** · 31 - 5 - 2011, 07:07 PM

بدون زعل

شباب الامارات .. كيف تعرف من أي امارة هو ؟

[SIZE="5"]
ابوظبي
تحصله مسوي تقشير للوجه والنعال لازم انتونيو والكندوره طربال ويسوي المستحيل علشان يشتري سياره حلوه وضارب مخفي شامل ويحوط في الحاره وطبعا عمره 40 ولا يشتغل (الله يخلي الوالده طبعا) اما اذا كان عنده ستيشن ومافيها مدعميه وضروسه بنيات وفيه كشه تراه من المنطقه الغربيه

شباب العين
طبعا كلمة (لو سمحت) ممحايه من قاموسهم اذا كنت في السينما تسمع صوته من آخر الصاله ترى الدفاشة تمشي في دمهم، وتحصله يحوط في شارع الضيافه بدبي وطبعا معلق الكندوره ورا والسياره مغبرة وكاتب رقمه على الجامه الورانية واللي يشوفه يقول هذا حاجزله جناح في برج العرب، مب جنه بينسدح على واحد من هذيلا السيوح..

شباب دبي
طبعا كلهم مهذبين ونظاف وذوّيقه وحلوين لان 80% منهم عيال عيم ..

شباب الشارجه
لا مفر من كلمة(لاه)، لابس كندوره شفافه بدون فانيله ولابد من العقال الضعيييف والساعه الرولكس مال بانكوك ويوم ترمسه يعطيك كلمتين عربي والباقي اردو..

شباب عجمان
طبعا لازم يكون عنده ( gt ) وكاتب احدي العبارات ورا على سيارته (المتيم،عيمان بوي،باد بوي،المهاجر) ومايفرق شتا ولا صيف على طول منزل الجامه ، طبعا لانه المكيف خربان ومعاش الجيش كله رايح علي السياره..

شباب ام القيوين
السياره المفضله هي الكابرس واقصر واحد فيهم طوله مترين واحلي واحد فيهم يشبه خالد الملا..

شباب راس الخيمه
مربي كشه وطاوي الغتره وراصنها علي راسه يلين يتناطرن ذنيه وعنده موتر حاطله ستين اريل وعليه (حكومة راس الخيمه) وطبعا ماايوزون عن كلمة (شحالش) ..

شباب الفجيره و المناطق المجاوره : كلباء،خورفكان،الذيد،دبا
هم حبوبين وطيبين، لكن مستحيل تحصل واحد منهم يزيد وزنه عن 40 كيلو وهديته المفضله كرتون همبا خضر، وطبعا اذا حصلتهم يوم الخميس بيكونون عقب الدوام على الخط ،ولابد من الكريسيدا وعدد الركاب فيها من 6 الي 8 في السياره هذا اذا كان بعد محد في الدبه.

السموحه بدون زعل