طالب مدرسة في "دوار" (صورة)

[Bo 3@bdallah]

طالب مدرسة في "دوار"





يبدو ان اعداد اطفال المدارس الذين حصدت حوادث السيارات ارواحهم منذ مطلع العام الدراسي الحالي لا تزال غير كافية بالنسبة لسائقي الحافلات المدرسية الذين تخلى الكثير منهم عن اصول مهنته بعد ان بدأ يتعامل بعضهم مع الطلبة وكأنهم حمولة زائدة ينبغي التخلص منها بأقصى سرعة.


ذلك ما حدث عندما رصدت عدسة “الخليج” طالبا لا يتجاوز عمره 7 سنوات يهم بعبور الشارع من الدوار الذي وصله بعد عبور شارعين، حيث قام احد السائقين بايقاف حركة المرور ليتسنى للطالب العبور بأمان في حين قام سائق آخر بطلب دورية مرور.


وقال الطالب الذي كان يحمل حقيبة كبيرة على ظهره، ان سائق الحافلة اعتاد على انزاله وبعض زملائه في شارع مقابل للدوار ثم غادر الطالب لتصل الدورية المرورية على وجه السرعة وتبدأ البحث عن سائق الحافلة.


الخليج

[عاشقة القمم]

والله إنهمـ ما يتوبون
ياخي أعتبروا من اللي قاعد يصير

لا حياهـ لمن تنادي


أنا استغرب يوم أشوف راع الباص ينزل 10 طلاب مكان وااحد >> ليش ما يوصلهم لبيوتهمـ
أحيد قبل راع الباص يوقف حذال بيتنا وينزل شباب فريجنا والفريج اللي ورانا واللي جدامنا >> عنبووهـ لهاي الدرجه مصعبين الأمور ..


بس صراحه هذا أمرهـ غريب عند الدوار عاد
يعني مووول هذا راع الباااص طمه وإلا غبي وإلا شنو أقول
يعني ما يفكر هالياااهل اللي عمرهـ 7 سنوات كيف رح يوصل بيته

الحمد لله إن واحد وقفله وخلاهـ يعبر
وإلا عادي يكون بخبر كاااانا


لازمـ ما ينسكت ع هاي الأمور
أرواح اليهال مو لعبه بيدهمـ
لازمـ كل طالب ينزله عند باب بيته

[ابن الإمارات]

لا حياة لمن تنادى

[bo7mo0od]

بسم الله الرحمن الرحيم

السلام عليكم ورحمة الله وبركاته

لا حول ولا قوة الا بالله

[patchena]

صحيح والله حتى هني عدنا بالرمس مجموعه من الطلاب ينزلون مكان واحد شو هالفوضى يعني لأنهم اولاد تخلونهم يمشون هالمسافه ؟!!! والله حاله

الله المستعان

[omkhalid]

لا حياة لمن تنادى
الله المستعان

[حور و نور]

راعي الباص لازم يعاقب على تصرفه هذول يهال
مالهم ذنب وارواحهم مب رخيصه
التشديد لازم يكون من الوزاره اللي موظفتنهم او المدرسه الخاصه اللي
عينتهم
مره في باص تجاوز السيارات في بوظبي من اليمين الى اليسار زين الله حفظهم وما دعم فيهم
ترى هو ما مهتم منو في الباص من ارواح
لا حول ولا قوة الا بالله


مشكور اخوي قايد الغزلان على نقل الخبر

[™ B S H O R]

لا حــول ولا قــوة ><"

محــد يبالــي .!


الله المستعــان .. والله يحفظ الأطفال =)

[7oor UAE]

[align=center]
لا حول ولا قوة الا بالله
[/align]

[أنا قيادية]

هذي مسؤولية و لازم يتحمل راع الباص الامانة اللي وكلت له

واذا هو مب قد المسؤولية... بصراحة ... يدور له مكان ثاني يشتغل فيه