بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
البشكار كلمه تداولها اهلنا قديما وتعنى الخادم او الصبي واصل الكلمة قيل فارسي قديم
يماع ولد عمره عشر سنين عاش في معيريض قديما قبل 1955 من وين هو شو اصله محد يدري كل ما هنالك انه حصله واحد لايث على السيف شله وعمره سنه ورباه لين صار عمره عشر عاش يماع بين اهل معيرض بالزينه يخدمهم ويقوم بواجبهم علشان جي سموه البشكار اللي عنده حوي يخمه يماع واللي عنده زباله يشلها يماع واللي يبا ينظف التنور يزقر يماع ويماع عايش على الخدمه من هالبيت خبزه ومن هناك صحن عيش والحمدلله وعاش يماع على هالحال فقير معدم عايش على الصدقات عاش في معيريض قرابة 15 سنة وفي يوم وهو راجع يتمشى سمع صوت يناديه ومن هيئته وملابسه ينعرف هو هو الاخو التفت يماع انا هيه انته انت مب حمالي هنه بلى تبى شي هيه شل هاليونيه وياي لين البيت وين بيتكم انا من اهل شمل بيه شمل بعيده قال الرجل شلها وبعطيك اجرك شل يماع اليونية (( خيشة العيش)) وتبع الريال وتم يمشي وراه يمكن اربع ساعات لين وصل وياه لين البيت دخله الريال واكرم يماع وغداه وعطاه خمس ربيات فرح فيهن يماع ورجع يسحب ريوله لين معيريض وكل حين يحط ايده على مخباه يتاكد من الفلوس ويوم وصل جريب البيوت لاقاه واحد خبيث الاعمال من اسوا الناس خلقا واخلاقا قال ها اشوفك تمشي مريح اليوم وينك من الضهر ما شفناك لاشافتك العين رد يماع حرام عليك عميه تقول جي انا ما سويت لك شي ولا قلت لك شي رد الرجل بس جب ولا كلمه ول وشوف شغلك عندي الخرخرا منسده سر وشوفها انشاء الله بس استريح شوي واسير توني ياي من شمل رد الثاني شمل وشو تسوي هناك يا مسود الويه قال يماع سرت اوصل واحد وعطاني خمس ربيات رد الثاني خمس ربيات
هيه خمس ربيات رد الرجل خلاص فارجني احين
هالنذل ما همه الا كيف ياخذ الفلوس من يماع سار وين متيمعين الناس قرب السجد وسوا عمره يدور فلوس وقاموا مساكين يدورون وياه ولما اقبل عليهم يماع صاح الريال محد غيرك خذا فلوسي يا يماع رد عليه شيبه وقال حرام عليك هالولد من سنين عندنا وما سمعنا انه شل ريشه لا تتهمه باطل قال فتشوا نبشوا جيبوه ويوم فتشوه لقوا الخمس في مخباه فقير وطبعا ما عطوه فرصه ليدافع عن نفسه حلف مسكين يماع ما صدقوه لانه فقير النذل خذ ا البيزات وروح ويماع ماهانت عليه نفسه عقب هالسنين والخدمه جذه يعاملون علشان جي قرر قرار وصمم على تنفيذه
00000يتبع