صباح الورد يا خلي يلامس وجنة المشتاق !!

[راشد]

صباح الورد يا خلي يلامس وجنة المشتاق

بك صباح الشوق لاهل الشوق كل الشوق يهنا

صباحك يا خويّ العطر تتعطر معاه أعناق

تهل بطبعك الرايق ومن ريقك حلا اصباحكـ

صباح يصحي اللهفة وقبل الفجر هل اشراق

ضيا وجهك يصحيني واعرف ان الفجر زاركـ

بهمسات الغلا تهمس تحاكي خاطرن تواق

اسراركـ تلامس خافقي بكلمة أحبك تفضح

تناديني بعذب الصوت يا نورة حبيبك فاق

علامك يا ربيع العمر مختبية بأحلامك

وانا ما بين همساتك اخبي داخلي لشواق

عليك اتغنج بطبعي احب اجنن احساسك

وكيف انساق ولكنك تعرف الي يذوبني

تجي وتقول يا عمري حبيبك حيـــل محتاجكـ

أفز ولهفتي لاجلك ولحضانك اجي منساق

اذوب بشوق يغمرني تلحفني بأنفاسكـ

حبيبي يا حلو اصباحك بقربك كل شي راق

أبيك بفجرك وليلك يَزين الوقت لا جابكـ


( كلمات : نورة الدوسري )







[هالصوره فرش اليوم الصبح مصورنها بتيلفوني .. و عدلت عليها شويه الفوتوشوب]

[دموع الفراق#_*]

هلا وغلا مراحب راشد صباح النور أخويه ومشكور على هالأبيات الحلوه لاهنت ؟أوبعد يايب أكله مصورنها شهيتني الصراحه هم هم
تسلم يمينك أخويه ....

[Cute Cat]

صباح النور والبنور ونتريا مواضيعك بكل سرور < استويت شاعره
ثااااااااااانكيو خيو راشد ع الريوق & ماشالله راشد تصويرك رااائع

[راشد]

هلا وغلا مراحب راشد صباح النور أخويه ومشكور على هالأبيات الحلوه لاهنت ؟أوبعد يايب أكله مصورنها شهيتني الصراحه هم هم
تسلم يمينك أخويه ....

اهلين اختي

سيري ستار بكس ترا يمدحونه هههه

مشكوره على ردج

[راشد]

صباح النور والبنور ونتريا مواضيعك بكل سرور < استويت شاعره
ثااااااااااانكيو خيو راشد ع الريوق & ماشالله راشد تصويرك رااائع

ههههههه هلا بالشاعره كيوت كات

ولكم اختي ^^

تسلمين على ردج

لاتحرمينا من تواصلج

[حور و نور]

اخوي راشد الكلمات رهييييبه
لكن الصور ما عجبتني أكل احس
اني من شفتها شبعت وستار بوكس
بعد واين المقاطعه



الصراحه كنت اتوقع صور ورده او ورود حلوه



على العموم الشيخ يعطيك الف صحه وعافيه على التفنتك اخوي

[3mt el-bdr]

[align=center]
الله الحين في خاطري Turkey من ستاربكس $_$

الصورة تيـّوع ع الصبـح الحمدلله ماشفتها وانا ف الدوام .. ولا كنت بوهقكـ وغصب اتييبلي
[/align]

[:: ماجد ::]

◘• السلام عليكم جميعا •◘

. . . . . . . . . . . . . . . . . . . . . . . ○• شخباركم ؟ !

إن شاء اللهـ بخير •○ . . . . . . . . . . . . . . . . . . . . . . .

ماحب ستاربكس


مقااطع

شكرا ع الصورة والكلمات





◘• في امان اللهـ •◘

[دمـ ع ـة طـ ف ـل]

أبدعت أخوي في إختيآآر الأبيآت

و الصورة وآآيد حلوة ^^

و صج وآضحـ‘ـة .. و منسقة ..

صج أبدعت أخويــه ^^

بس عندي ملآحظة صغيرونة ..

: ضآيقني إنه من ستآر بوكس .. لأنآ نحآول نقآطعهمـ بقدر الإمكــآن .. و تقبل مني هالملآحظة الصغيرة ..


ننتظر كل إبدآع يديد من أنآملــك الذهبية ..

[راشد]

اخوي راشد الكلمات رهييييبه
لكن الصور ما عجبتني أكل احس
اني من شفتها شبعت وستار بوكس
بعد واين المقاطعه



الصراحه كنت اتوقع صور ورده او ورود حلوه



على العموم الشيخ يعطيك الف صحه وعافيه على التفنتك اخوي

كلج ذوق أختي حور و نور
الود ودي اقاطع بس الكليه الله يهديها مافيها مطعم نفس الناس عشان نتريق فيه غير استار بكس ولا بعد مسوين لنا 3 أفرع لستار بكس فالكليه

واصلا أنا أول مره أداوم فالكليه الصبح بس عشان كنت اذاكر يعني ما بيي صوبه مره ثانيه ^_^

أصلا أنا كنت بحط صورة ورده و كنت مجهزنها
بس قلت بحط لكم صوره فرش ان شاء الله باجر بحط صورة الوردة

تسلمين على ردج اختي