فزعتكم شبابين بناتات

[سر جاااذبيتي]

هلا خواني شباب وبناتات.....
حبيت أسألكم وأطلب منكم مساعده أبا أطلع لي سباره يديده وبنوتيه بس تكون مواصفاتها زينه يعني بما أن شوارعنا مشالله لا يعلى عليها متتتتتتتكسررررررره من الزين ف أنا أدورلي سياره مو صالون ولا ستيشن من الكبااااار وايد,,, يعني أباها متوسطه ومرتفعه شوي وتكون فيمتها مناسبه يعني بصراحه مابي أكثر عن 100 ألف مابي أكثر فالسلفيه....
يعني أنا بصراحه عاجبتني سياره الهوندا CR-V أكيد الشباب يعرفوها واللي يعرفها أو عنده مثلها يقولولي شو مواصفاتها وكم سعرها وشو مميزاتها يعني تنصحوني بها او لا؟
وفي وحده ثانيه بصراحه مو شايفه شكلها بس هي من وكاله هيونداي وأعتقد أسمها توسكان أو توستان والله مادري حد قالي عنها هي موديل 2009 بس ماعرف بكم قيمتها ولا أعرف مواصفاتها وااايد إذا حد من الخوان يعرف عنها شي أو حطولي صورتها,,, وبشو تنصحوني وين الاحسن لي من بين هالسيارتين؟؟؟ و مشكورين ماتقصرون

[ملــ الورود ــكه]

مرحب
أنا ما تعيبني هالنوعيه من السيايير الا الانفنتي أو مورانو بس سعرها شوي غالي أحسن خذي لج باجيرو كوبي والله أنا أدور مستعمله أحسها حلوه

واتمنى الشباب يفيدونج أكثر

[سر جاااذبيتي]

مشكووووره ملكه الورود على الرد بس والله ماعرف للحين شو آخذ محتاره؟!!!!!!!!!!!!
الله يعين بس أتمنى الأخوان مايبخلون علينا بنصايحهم

[ولد الديرة]

سر جاذبيتي.. انا بقولك تعرفين بيت يرانكم عندهم سيارة صغيرونه يريدون بيعونها بس قالوا لي إذا انت تريدها بنعطيك إياها ببلاش شو رايج انا باخذها عنهم ببلاش وبعطيج إياها..خخخخخخخ أنكت صح السالفة صدق انا ما انكت والسموحه يا سر جاذبيتي

[دموع الفراق#_*]

أنابقولج شي بصراحه ما تعيبني السياره الصالون ولا الرخيصه بعد أنا عندي لكزس لكن الحين راح ابيعها لاخوي وأنشاء الله ممم فكره اظهر رنج اسبورة اليديد أدعولي بالتوفيج ...

[ولد الديرة]

الله يوفقج يا دموووووع وانتي تستاهلين بس هاااااااا لا تنسينا يوم بظهرين الرنج العزيمة وانا بختار أي مطعم

[دموع الفراق#_*]

[bor=00ffff]من عيوني والله راح اعزمكم أفا عليك الا عزيمه هيه هذا اشويه طوله عمرك مايغلى عليكم وبخليك انت بعد تختار ..المطعم[/bor]

[سر جاااذبيتي]

مشكور أخوي ولد الديره نكتتك حلوووووه بس مافي شي بلاش قاصين عليك جيرانكم أكيد خربانه ويبون يفتكون منها خخخخخخخ
ومشكووووره أختي دموع الفراق وإذا عندج بيزات زياده أشتريلي رنج مثلج ما بقول لأ خخخخخخ

ومشكوووورين ع المرور
شباب اللي يعرف السيارتين اللي قلتلكم عنهم يخبروني بلييييييز محتايه مساعدتكم وين فزعتكم ياأهل رااااااااك؟؟؟؟؟؟

[ولد الديرة]

سر جاذبيتي.. انا قلت لج بردي اللي فوق جيرانكم مووو جيرانا وصدقيني عندهم سيارة سبورت بس قولي كيف اعطيج اياها ووين بحصلج وانتي منخشه في بيتكم اللي قريب من البحر طشونه فرة حصاه والحين شو عندج سيارة ايجار تستخدمين الله يعينج ع دفع ايجار السيارة هذا اذا كنت تشتغلين الله يوفقك

[دموع الفراق#_*]

هلا أختيه سرجاذبيتي..شو أخبارج وهذا ولد الديره قاعد أنكت عليج بس أقولج ماعليج منه هو طيب وااايد وحبوب بس محد عارف قدره وعلى نياته والله وأنا راح أتفاهم معاج بس نتلاقى ..
و راح أساعدج بس تعالي أتمشي معاي سوي رياضه ولاماتحبين رياضة المشي وبعدين عن سالفة السياره الرنج أبصراحه فخاطري أشتريها ولو بعدها سيارتي يديده بس أحب أغير وتسلمين خيتو ع السوالف اللطيفه معاج أنا تراني أجتماعيه أحب أفرفش واااايددمتي بسلام عزيزتي ...