بالصور معكرونه جنااااااااااااااااااان

**ست الحبايب** · 12 - 8 - 2011, 03:09 AM

الفيتوتشيني بالصور
المقادير المصوره

صدور دجاج تقطع مكعبات
بصل شرايح
جزر مبشور
بازلا << وهذي من عندي

شوحي ( احمسي ) البصل على النار بشوية زيت

وفي هذه الأثناء
جيبي قدر حطي فيه مقدار ماء
وزيت
ومكعب ماجي ( ادري الماجي مضر ) بس الشكوى لله
وشبي عليه

ارجعي للبصلات المشوحات
وحطي عليهن الجزرات والبازلات
وحركيهن

حطي الدجيجات بعد

ارجعي للقدر وحطي الفيتوتشيني ( تراي حطيت اقل من نصف الكيس )

حطي ملعقتين صلصة طماطم على الدجاج وملح وفلفل

وفي هذه الأثناء
حضري الصوص الأبيض :
ملعقتين مايونيز
ملعقتين جبن سايل
ملعقتين قشطه
مقدار ملعقتين جبن موزريلا

صفي الفيتوتشيني بعد نضوجها من مويتها
وحطي عليها الصوص الأبيض بعد ماتخلطينه مع بعض

والحين اكيد استوى الدجاج
اخلطه مع الفيتوتشيني

اخلطهم جميعاً خلطاً مبرحاً
واتركهم خمس دقايق على نار هاديه

واقدمهن مع السلطه والبطاطس المقليه

وهنا من قريب

7
7
7
7

وبالعافيه مقدماً

**ام لمياء** · 12 - 8 - 2011, 03:27 PM

حرام عليكم انا صايمه ويعت زياده

**LoOonely_Girl** · 12 - 8 - 2011, 05:26 PM

شو هالع ــــــــــذاب عووووقي المعكرونه انا

خلاص ست الحبايب انا معزومه فبيتكم اليوم مـــــــآيخصني

ميرسي ع الطرح النـــآيسي

**ست الحبايب** · 13 - 8 - 2011, 02:35 AM

**ست الحبايب** · 13 - 8 - 2011, 02:38 AM

LoOonely_Girl

افا عليج

البيت بيتج

وحياااااااااااااااااااج الله في كل وقت

وكل مره بتشوفين اكله يديده عن خاطرج

وحاضرين للناس الطيبين

**فتاة راك** · 13 - 8 - 2011, 05:38 AM

اتخبل على المعكروونة
سويتيلي تعذيييييييييييييييب

**Lamees** · 14 - 8 - 2011, 01:47 AM

يممممممم شيهتيني يا ست الحبايب

بسير اسويها مع امي ل الفطور

**ست الحبايب** · 15 - 8 - 2011, 04:05 AM

فتاة راك

**ست الحبايب** · 15 - 8 - 2011, 04:06 AM

**ست الحبايب** · 15 - 8 - 2011, 04:08 AM

Lamees

بالعاااااااااافيه عليكم

الموضوع: بالصور معكرونه جنااااااااااااااااااان