-{ على هواك يا مواطن .. هذا ستايلك اليديد =) ~

[3mt el-bdr]

[align=center]
خير مايبدأ به المرء السلام .. فـ السلام عليكم ورحمة الله وبركاته ..

بدخل بالموضوع ع طول << مول ماتحب الرسميات


في أحد المراكز التجاريه في إمارتكم المحبوبه دبــــــــــــي

كل ماخطف حذال هالـ محل .. يرتفع ضغطي !
من غير لاذكر اسم المحل بس كل مافيـــه من
Stuff إلى Staff
كله على بعضــه عباره عن أشيا تنباع في اي محل ثاني بس الـ مميز فيه هالشعار:




وماعتقد انه يغفل عليكم هذا الشعار شو وشو حكمه

المهم .. هذا شي .. ووايد تكلمتوا عنه وبعدهم البنات والشباب مستمتعين فيه ...
وانا اقول كلن وجنته وناره -.-"

بس اللي يخلي الواحــد ينجلـــط !!
انه يشوف تشجيـــع وطنــــــــي ماشاء الله تبارك الرحمن لـ هالشي

شو أطري بـ تشجيع وطني ؟!

لا الظاهر الهويه الوطنيه جرت مجراها الصحيـــح وصار راع الدم الازرق والشعر الاشقر والعيون الزرق مواطن من الدرجه الأولـــى ! woOWw

بعد مافهمتوا ... أدري

باختصـــار .. في نفس هالمحل .. في نفس هالمـــول ... وفي نفس هالامــــاره ...
بكل وضــــوح
وجــــــــــــرأه

هذا الريال معلقين صورته وبرواز واوتوقراف ودنيا ..





وعلامة النصر والوناسه شاقة الصورة ياسلام ...



على اساس انــه مواطـــــــــــــن وانه هالشي اللي ينباع بـ هالشعار عاااااااااااادي ولك انت يالمواطن ..


يرضيــــكم هالتوطيـــن الـ PhotoGraphy =)

لـ هالعادات الـ ....... :@


أترك التعليق لكم !

كم يسوى جوتي الرياضه اللي لابسنه =) كاااااااااااااشخ يا مواطن ~


*أكرر دائما وأبدا: الساكت عن الحـــق شيطـــان أخرس*


والسموحـــــه*~
[/align]

[7oor UAE]

يسلموو خيتواا

وينكم يالشباااب ردوااا

[ησησ]

الدنيـــآ خربــــــــت يا اختيييه

[omaralali]

[align=center]
الشيفه شيفه والمعاني ضعيفه
[/align]

[دمـ ع ـة طـ ف ـل]

والله مآ أدري بشو أعلق أو شو أقول ..

بس كل اللي نقدر عليه .. على الدنيآ السلآمـ..

مشكورة أختي على الموضوع

أدري تعبآنة عليه و تتريين منآ رد أفضل من جي .. بس جد مب عآرفة شو أعلق أو شو أقول><

[نجم الخليج]

مافهمت شى من الموضوع

[مروج]

يت على الصورة .... والكندورة والغترة ما تم حد ما لبسها
ولا العباية احسن منهم ما تمت الشلقة والبلقة ما لبستها لا وتقول مواطنة ....
الله يعين ضاعت الهوية الوطنية يوم سمحنا حق هالاشكال يلبسونها

[patchena]

ما بقى شي ما اتغير الله المستعان

عيل ما شفتي ستايل الايمو اللي الكل قام يقلد قصات شعر وستايل الجماجم هيييييييييه يالدنيا استوت خماشه

تسلمين اختي على الطرح

[بنــ البحر ــت]

الله يستر ولاحول ولا قوة إلا بالله....
في اشياء كثيرة ماينسكت عنها... بس الله يرحمنا برحمته...

[مرايم]

[align=center]
الشيفه شيفه والمعاني ضعيفه
[/align]

ماكذبت اخوي


الله يهدي الجميع اتمنى حد يحس وينتبه للموضوووع بس

لااااااااا حياة لمن تنادي