أحلى واسهل شوارما من ايديني ^^ولا شوارما الفرووج بزماااانه..حياااكم

[ام محمد من راك]

مررحبااا السااااع^^



اليوم حبيت اسوي شوارما عربية الي كل اهل بيتنا يحبوونها ^__^ فقلت دامني بسويها خلني أعلم بنااات المنتدى وياي بالمرة


صدقوووني بتشكروووني من حلااااااتها ^^بس عن تاااكلون أصااابعكم <<<جني باااالغت؟؟؟!!!!!><



ما علينا


هاي المقاادير: ديايه-بصلة متوسطة-راس ثوم( 6فصوص كبار) –روب –طحينة (هرده) –نص ليمونه- بهارات مطحوونة (لومي صحاري مطحون-ملح – فلفل اسود- سماق –كركم نسيت اصووره) بهارات صحيحة ( لوميه –عود جرفة –ورق غار-هيل-مسمار ماكان متوفر عندي بس موشرط)- خيار مخلل(حسب الرغبة)


بس ملااااحظة صغييرونة خواتي,,خلطة البهارات المطحوونة خلطة خاصة فيني ودومها تضبط معاي بس احينه شي خلطة جاهزة تنباااع فالسوووق ,,يعني ما يحتاي تاخذين بخلطتي بس انتي عهواااج يوم بتزيدين فيها من ناحية الملح لأن دومها اتي ناااقصة ملووحة^^ عاد انتي والي يريحج








اول شي اترياا الماي يفووور عقب احط عليه اشوي ملح وفوقه الجرفة واللومية (بس اكسرها اشوي عسب الماي يدخل فيها) والهيل والمسمار وورق الغاااار ,,واتريا لييين ينطبخ الدياي







فهالوقت بقصقص البصل لي قطع صغااار لأن اخواني مايحبون يحسوون بطعمه(احياناً اهرسه بالخلاط)





والخيار المخلل اقطعه شرااايح طواال بس (انتبهوا مب بنفس السجيين >_<) بس جي من باب النظاافة والطعم






احينه بجهز صلصة الروووب الخااصة بالشوارما ^^


اول شي احط الروووب فملة عوودة عسب ارووم اخلط فيها (عفكرة انا حطيت 3قواطي رووب لأن اهلي يحبون الصلصة اكثر عن الدياي ,,بس انتي يكفيج قوطيين لأن الديايه مال1200جرام )





احينه الثوم عقب ما هرسته (آسفة ما صورت ) والطحينة( 3خواشيق كباار)




واخلطهم,,عقب اذوووقه اذا محتااي ملح او لأ ,,لأن بعض انوااع الرووب ما اتكوون واايد مااالحة,,اهنا اترومين اتظيفين الملح






حبيت اظيف اشوي سمااااق ^^ لأن اهلي يحبوون طعم الحمووضة




بعد ما خلصت تفوير الدياي ,,يبت الديااايه ونشعت يلدها (يع اكره مرررحلة >_< ) عقب قصقصت الدياي صغااار صغااار

(ملااااحظة بسيطة,,اللوح الي بتقطعين فيه الدياي ما يكون نفس اللوح الي اتقطعين فيه الخضرة وغيره)




واهنا عقب ما خلصت الديايه كلها ^^ أحللللى احسااااس ,,اتحسين بشعوور النشوة والانجاااز





اشيط البصل






احط الدياااي



اظيف الكركم والملح والفلفل الاسود والسماااق (الكركم عسب يعطي لوون بسيط ويشل ريحة الزفرة لو تمت فالدياي)






عقب ما جهز خلااااص , فآخر دقيقتين أقوم اعصر الليمووونه^^




اوكي لين احينه خلصنا تقريباً بس حبيت اعطيكم افكااار في تقديم الشوارما


اول شي اييب الخبزة وافتحها من النص واحط فيها الدياي




احينه البطاط المقلي (لو حبيتوا) والصلصة





وآخر شي الخياااار المخلل وألفها واصكرها واغزها بشووجة الاكل (عود الخشب شرات مال الاسنان )<<<<هالسندويجة كااانت حق امي ^^ لأن محد يحب الخيار المخلل غيري انا وهي فالبيت >_<



او مثل ما يحبوونها أخواااني ^^




احط الدياي فوووق الصلصة





واخلطهم مع بعض




وهذا صحني ^^ ويا الدقوووس يمي يمي <<<<<<<يكون مكسيكي مثلا!!!!!
هالحركة مأخوووذة عن كافتيريا النجف>_< يوم اطلب عنه الشوارما واقووله ابا مكسيكي يقوم يحطلي دقووس فوق الشوارما اللبنانية ويزيد عليهم نص درهم !!!!!!


شوو رااايكم ؟؟؟

اسويها فالبيت أخيرلي وبأحلى طعم بعد ^_____^والاهم من كل هذا ما في تسمم والحمدلله لأن ضامنين نظافة شغلنا


وبالعااافية عليكم,,




































































طلبتكم... تدعووولي بالتووفيق فبروجكت التخرج يووم الخميس بإذن الله ولو كااانت دعوة بظهر الغيب تكفيني^^ووووووووووبس


جربوووها وعطوووني راايكم بأمااانه يا عسووولات^_____^

[ام محمد 9119]

يعطيج العافيه

[السامعيه]

يم يم ... شكله لذيذ ... جاري التجربه بعد كم من سنه ههههه ...يسلمو

[ťσΣγ]

السلام عليكم ورحمه الله وبركاته


احسه واايد لذيذ خاصة الصلصة * فيس يصيح *

بجرب طريقتج باذن الله . . يمكن بعد الانتخابات ههه

بالتوفييييييييج فمشروع تخرجج ولاتحرمينا من يديد مواضيعج

خاصه فهالقسم ^^

[راشد]

السلام عليكم ورحمة الله وبركاته

تسلم ايدج اختي

هالمواضيع الي يدورون عليها الشباب الي فالغربه --> نفسي يعني ههههه

انا قريت الموضوع يوم كنت فالجامعه .. طلعت رحت السوبر ماركت و خذت المطلوب و سويت الاكله

هذي الصوره



انا ما حصلت كل المكونات بس بصراحه طلع لذيذ

الله يوفقج في مشروع التخرج

مشكورة

[كلامي عسل]

يمييييييييييييييييييه

بلعافيه عليكم

[ام لمياء]

ان شاء الله بجربها اليوم وتسلمين خيتي والله يوفقج في مشروعج ويوفق ولدي قولي امييييييييين

[ام محمد من راك]

فديتكم ^^ مشكورين وااايد عالمرور والطلة الحلوة

عاد اهم شي اتجربوووونها وتعطوني رااايكم


وان شاء الله ما بنغييب وايد عن قسم الطبخ^^ بس اشوي اموور الجامعة شاغلتنا وربي يسهل عالجميع

بخصوص الاخ راااشد

يعطيك العافية وتسلم ايدك عهالاكلة الطيبة من صووبك,,اغلبية شبابنا يطلعون من بيوتهم فاشلين بس الغربة اطلع مواهب كااامنة فيهم>_< فيردوون لنا بدل الشهاااادة شهاااادتين ^^الشهادة العلمية وشهادة الطبخ


الله يسهل عليك وعجميع الطلبة والطالبات ^^

[الريم الشمالي]

يم يم شكله لذيذ وأكيد طعمه أحلي

تسلمييييييييين ع الطرح النأأأأيسي^_^

[بياض الروح]

بصراحه اشكرج واااااايد على مجهود التصوير ,, وتعبج في تفاصيل الطريقه ,,, وعلى هالأكله الأكثر من لذيذه ,, الله يوفقج بدراستج يا رب .. وباين انج شاطره ما شاء الله عليج .. وبإنتظار اكلاتج اللذيذه بس بعد ما نبغي نتعبج ونشغلج عن دراستج .. والله يوفقج يا رب ..