مساء الشوق واللهفة مساء يغار منه الورد

[ملاك المشاعر@]

قصيدة راقت لي كثيرا وأهديها لإنسان عزيز

واتمني ان تروق لكم




مساء الشوق واللهفه مساء يغـار منـه الـورد

مساء يعطـر ايامـك بريـح العـود والكـادي



مسائـك خيـر ياحـب ٍ يتيـم بخافقـي اوحـد


رياض القلب منزالك تغيـض قلـوب حسـادي


عظيمه هالعيون اللـي بنظرتهـا اشـوف الـود


واذا ارخت هدب عينه .! ألا يا جنـة الـوادي


وخدود بانـت عروقـه صغـار شفتهـا تمتـد


فـي وجـه ماكسـاه الا جمـالٍ يوسفـي زادي


انا الغرقان في بحرك وموجـك عالـي مشتـد


ترا ماهمني موجك غريـق وحضنـك مـرادي


جنون الحب سميتـك عرفتـك حظـي الأسعـد


مادام اني ملكت اسمى عيـون العشـق بعنـادي


ابمشي لك دروب اخلاص طويله مالها اي حـد


اجيك ازحف اجيك امشي كلا الامرين شي عادي


ابي اضرب جدار البعد واهده بضربة ٍ مـن يـد


يطيح ويحكي غباره"هل تقوى علـى بعـادي ؟"


اذا تقوى انـا ماقـوى احبـك وآخرتهـا صـد


افضـل دنيتـي فبعدك"كفـن وقبـور ومهـادي"


مساء الشوق مع بوسه ابتركهـا علـى هالخـد


قسم بالله فـي دنيـاي "حبـك أعظـم امجـادي"

[رذاذ عبدالله]

إختيار موفق للأبيات،
قصيدة رائعة وعذبة بجماليات بنائها الشعري،
في انتظار جديد مشاركاتك،
دمت بسعادة،

[ملاك المشاعر@]

إختيار موفق للأبيات،
قصيدة رائعة وعذبة بجماليات بنائها الشعري،
في انتظار جديد مشاركاتك،
دمت بسعادة،

رذاذ عبدالله
اسعدني حضورك الرااقي
بين متصفحي المتواضع
لاهنتي غاليتي ع المرور
في وداعة الله

[سفير خت]

صح الله لسانج
كلمات رائعة بل اروع واجمل
ملاك المشاعر ننتظر منج الجديد وتقبل مروري

[ملاك المشاعر@]

صح الله لسانج
كلمات رائعة بل اروع واجمل
ملاك المشاعر ننتظر منج الجديد وتقبل مروري

سفير خت
اسعدني حضورك

ويعافيك ربي ويسعدك
لاهنتي ع التواصل
في وداعة الله