وين الوعد ياخلّ وش صار نسيت يوم اتقول باييك
نسيت وعدٍ بيننا دار ش اللّي حصل يا صاح وش فيك
خلّيتني عايش على نار قمت انتظر دربك ورابيك
واعدّ هالسّاعات محتار والقلب في همّ يناديك
اتّصل بسّ أو قول لعذار لو كلمةٍ الله ايخلّيك
ساعات مرّت والوقت طار تمّيت آفكّر وحاتيك
وراقب إلدربك استمرار يا ليت بيدي جان باييك
وانته ولا جنّك ابها الدار كيف الصبر و البعد يهنيك
أخاف جد درات لك افكار ولجيت عنّالي يسليك
فكّرت حتّى عقلي احتار وجاوبت نفسي جيف بسليك
و سألت قلبي عنك تكرار هو الذي يعلم ابخافيك
قال القلب ما عندي اخبار يمكن حبيبك صدّ و انسيك
يا قلب خلّك هوب غدار فيه الوفا والطيب لي فيك
حشيم ولد الناس لخيار بالزين والمعروف شاريك
ونحنا شرينا الود بسعار غالي ثمنها ليت ترضيك
حبّك عدد حبّات لمطار والقلب يالمضنون يهويك
لجلك أنا بدور لخطار وبالروح يالمضنون بفديك






مع خالص تحيااتي القلبيه ..


الأميرة الحسناء..