حسبي يالله ونعم الوكيل ...
لا حول ولا قوة لا بالله ..
|
5 ملايين درهم مقابل جنسية الإمارات
الخليج
أصدرت محكمة استئناف أبوظبي، أحكاماً بالسجن لمدد تراوحت بين سنة وسنتين، لخمسة أشخاص عرب، في قضية اتهامهم بارتكاب جرائم التزوير والرشوة والاستيلاء على مبالغ نقدية، بعدما أوهموا اثنين من رجال الأعمال الآسيويين بإمكانية مساعدتهم في الحصول على جنسية دولة الإمارات مقابل خمسة ملايين درهم، حصلوا منها على دفعة مقدماً بقيمة مليوني درهم، على أن يتم دفع المبلغ المتبقي بعد الحصول على الجنسية .
وتفصيلاً قضت المحكمة بحبس المتهم الأول لمدة سنتين، وحبس المتهم الثاني لمدة سنة عن تهمة الاستيلاء على المال العام، وتبرئته من تهمة طلب وقبول رشوة، وحبس بقية المتهمين لمدة سنة مع الإبعاد عن الدولة بعد تنفيذ العقوبة .
حسبي يالله ونعم الوكيل ...
لا حول ولا قوة لا بالله ..
مع احترامي :
هذا اللي دائما انحصله من الجاليات العربيه في بلادنا كله سرقه ونصب وتزوير ومحاولة استغلال كل شخص فالامارات حتى الهنود ما سلموا منهم وصراحه انا اشوف انه السبب فينا لانه نحن اعتمدنا عليهم اعتماد كلي في كل المجالات وخليناهم يشتغلون في اهم الاماكن وطبعا الزلمات عمرهم ما فكروا في شي خير للامارات طبعا انا لا اعمم ولكن يمكن نسبة 0.05 من الوافدين العرب اللي يخافون على ا لامارات وهمهم الاول كم يقدر يسرق من الامارات يسرق ورجع بلاده وطبعا اكيد تحصلهم يوم كانو يكلمون الهنود كانو لبسين الزي الوطني للامارات وسو عليهم افلام الزلمات اللي انشوفها في بلادهم يوم انسافر عنهم مايدرون انه نحن خلاص تعلمنا منهم ما شاءالله وصار عدنا مواطنين يستخدمون اسلوبهم فالنصب بعد ويوم ما حصلوا فايده من المواطنين انتقلوا على الهنود علشان ينصبوووون عليهم ترى الهندي هذا عايش فالامارات وباجر يوم بيسافر ما بيتكلم عن الزلمه اللي سرقه بيتكلم عن الامارات وبيتهمها اتهامات باطله ونحن غافلين عن الشي هذا الصراحه انا صرت ما اصدق اي زلمه ولا اي عربي بالاخص لانه كل شي صار عنهم مزور من عقب الثورات اللي ادت الى دمار المجتمعات العربيه اتمنى من بلدنا ان تكون دقيقه في جلب العماله العربيه لانه صار عنهم التزوير 200 % مثل العراق وغيرها وحتى الزلمات اللي فنشوهم من الامارات كل واحد منهم سافر كندا وامريكا وكذا دوله وغيروا جوازاتهم ورجعوا للامارات مادري متى بيفكونا ونرتاح الصراحه كلهم حاقدين والله يا اخوان الباركنات اللي عليها رسوم مستخسرين يدفعونها للدوله وتحصله هو راتبه 50 الف و زوجته راتبها 40 الف وفوق هذا مستخسرين الدرهم او الدرهمين وبعد ينتقد ليش مسوين رسوم ولا اتحصله ينتقد الشوارع ولا الخدمات اللي اتقدمها الدوله ولو تروح بلاده والله ما تشوف ربع الخدمات اللي نحن مسوينها وانا مستعد ادخل في اي حوار ما اي وافد عربي يقارن بلاده بالامارات بلد الخير والعطاء انا لا اتكلم عن الامارات بحكم انها بلدي ولكن العرب يبغيلهم 50 سنه لين يوصلون الى ما وصلت له الامارات والصراحه محد خرب الهويه الوطنيه غير الوافدين العرب غيرو كل شي صرت اتشوف الشباب يتصرفون تصرفاتهم ويقلدونهم لانه هم ما جلبو للامارات غير الخراب ولا العبايه اللي صدق مظلومه بسببهم اقسم بالله اموت من الحسره يوم اشوف زلمه تتكلم عن العباه وهي ما تعرف شي عنها وتقول هذي الموضه والتطور ولا المغربيه اللي دخلت الزي المغربي فالعباه كل هذا حقد على المواطنين ويبغون يساون عمارهم بالمواطنين وتشوفه دائما يقلل من قيمة المواطن في كل مكان خاصه يوم تدخل مكان ويكونون كلهم زلمات والله يا اخوان اتشوف الحقد في ويوهم وتحسه يتفلسف كانه في بلاده وبعد فوق هذا تشوفه يوم يدخل مكان خاص للمواطنين تلاقيه ينتقد ويكون ليش شو الفرق بينا وبين المواطن مادري انه هو اللي سوى الفرق هذا مايدري انه في بلاده يوم يروح المواطن هناك ما يحصل غير الاهانات والغلط عليه والمعامله السيئه والاسلوب السيئ والسبب يرجع كله للاخوان اللي موجودين هني فالامارات وينقلون الصوره السيئه عن الاماراتين مع العلم هم عايشين من خير بلادنا ويدرسون عيالهم في احسن مدارس في بلادنا والله الزلمه لو يموت في بلاده ما يركب ارخص سياره موجوده فالامارات والدليل عليه قنواتهم اللي ما شاءالله موضحه كل شي اتمنى انه يكون في حد للموضوع هذا ويطيرونهم في اقرب فرصه واتمنى ما يكون في اي وافد موجود في ا ي وظيفه تخص الدوله لانه الصراحه الاغلبيه منهم خونه ونصابين
مع احترامي يالناقد..
نسبة 0.05 من الوافدين العرب اللي يخافون على الامارات ((من وين اخذت هالنسبة)) هل هي دراسة رسمية على ارض الواقع ؟؟..من اين لك هذا !!
انا اقولك من هالمكان..اللي عاش على هالارض الطيبة عمره ومضت سنين حياته بالامارات اجباري تكون عنده روح وحب الامارات وتهمه مصلحة لبلاد..
مسكين الخير يوم يخص ومفضوح البلا يوم يعم..
الله المستعان..ولا حول ولا قوة الا بالله..
عفوا يا اخوي الناقد انا معاك في اشياء واخالفك في اشياء
قلت يا اخوي الكريم
[frame="2 98"]
هذا اللي دائما انحصله من الجاليات العربيه في بلادنا
[/frame]
سؤال النصب والاحيتال مهنه امتهنا كثير من الناس ومن بينهم ناس محسوبين علينا
اما الاجانب هم الي نهبو مليارات ما طريتهم في شي يت على العرب
مع احترامي الشديد لك العرب النصابين انا وياك ياين طامعين في البلاد بس متى كثرو
لو لاحضت انهم بعد سقوط العراق واستوفادهم للامارات وجذب الامارات
الانظار لها كثرت العمليات هذي وايد من نصب واحتيال وسرقات وغيره
ما انكر انه اول كانت موجوده لا موجوده
بس ما اتي في نسبت اليوم 1 بالميه
هذا طبيعي يا اخويه دام الدوله اطورت مليون بالميه انهم يحطون عينهم عليها
اما العرب المقيمين في الدوله لا انا اعرف وايد منهم ولائهم الاول للامارات والثاني لدولهم ...
والسبب حبهم لدولتنا وشعبها لانهم ما شافو منها الى كل خير والي ينصبون وغيره من
ناس جاين من يلدانهم عشان هذا الغرض
_____________________
انا اسغرب سرقة سياره 3 سنين وابعاد
نصب وتزوير ومبلغ مش قليل مليون وينتضرون 4 ملاين يعني الاجمالي 5 ملاين سجن 3 سنوات سبحان الله
الاحكام في الامارات مادري كيف صارت
الله المستعان
عادي باجر يجتل ريال يقولوله سنه وغرامه 200 درهم
الله المستعان بس
مع احترامي :المشاركة الأصلية كتبت بواسطة حلو الاطباعي
شوف ياطويل العمر النسبه هذي سواها واحد من الشباب يدرس فالجامعه وكانت عن طريق الاسئله المباشره في جميع اماكن تواجد الوافدين مثل (( محلات التلفونات و محلات بيع السيارات و محلات تاجير السيارات ومحلات القطع والملابس النسائيه ومحلات العطور وقليل من الشركات الخاصه ))) واتضح انه من خلال الحوار المطول فالنقاش انه فقط اللي مولود فالامارات هو اللي مثل ماتفضلت يهتم لانه نشا في وسط المجتمع الاماراتي ولا سافر بلاده الا كم شهر خلال السنين اللي هو فيها وحتى لو تقوله ارجع بلادك يقولك هذي بلادي علشان جذي انا قتلك النسبه هذي وبعدين الوافدين في منهم صارلهم سنين وعمرهم ما اهتموا انته جرب وداخل معاهم بشرط انك تكون عادي وتسكت لما يتكلمون وبروحك بتشوف وبتسمع
مع احترامي :
كلامك عين العقل ياخوي وكلام 100 % وانامثل ماقلت نسبتهم بس 0.05 حسب الدراسه اللي سواها واحد من الشباب وهذيلا هم اللي مولودين فالامارات وزارو بلدانهم الا فالاجازات فقط
للاسف الكل طمعان في بلدنا الامارات
لذلك نرى النهب والسرقة والاحتيال والتزوير
منتشر في ارجاء البلاد
بالرغم من ان الامارات فاتحه ذراعيها لكل الجاليات سواء العربيه او الاجنبيه
ولكن للأسف لم يقدروا النعمة التى عاشوا عليهاولم يحترمون البلاد
انما يأتون لنهب ثروات البلاد وخيراتها التى تنعموا بها
<U>
اخوي احمد نجيب
انت ليش زعلان هاااا هي نعم اغلبية الكلام الي قاعد يتكلم عنه الاخ الناقد حاصل واحن شايفينه بعيونه ولمسناه بانفسنا وفيناا قهر من الشي الي قاعد نشوفه من نكران للجميل وعدم احترام للقوانين يا اخي هذي ابلادنا واحن احرار نتكلم عنها بالشي الي يعجبنا انته ما ينطبق عليك هذا الشي اوك محد كلمك قاعدين نتكلم عن غيرك انت واحد من بين مليون فيهم الزين وفيهم الشين فيهم الي فادنا وفيهم الي ضرنا
ولانك انته لما يحصل عندك هذا الشي ما يكون عندك الشعور بنفس الشعور الي يكون في قلوبنا
لو سمحت محد قرب صوبك فخلك بعيد وخلي اخونا الناقد الغيور على بلاده يتكلم كما يشاء
ملاحطه حب البلاد والوطن ما يكون اجباري على قولتك لااااااااا حب الوطن فطره بالقلب
[flash=http://www.dmuae.com/up//uploads/files/Dmuae.com-da3f493666.swf]WIDTH=600 HEIGHT=304[/flash]
شكراا لـ إمـرأه لا تُنسـى على التوقيع
النااااااااااقد
رحم الله والديك خف علين اشوي بردودك لانك قاعد تطرق لامور ترفع لانا ضغطنا وتسقينا المر اكثر ما احن قاعدين نذوقه
[flash=http://www.dmuae.com/up//uploads/files/Dmuae.com-da3f493666.swf]WIDTH=600 HEIGHT=304[/flash]
شكراا لـ إمـرأه لا تُنسـى على التوقيع
ضوابط المشاركة
