رد مع اقتباسما شاء الله أفكار حلوة يارب نستفيد منها
يعطيج العافية مريم
للمبتدئات فالعيوووش^^حياااكم طريقة واايد سهلة ولذيذة لعيش نثري خطيييير بنص ساعه بس
|
مررحبا الغوالي ^^
اليوم حبيت انزل طريقتي فأحد الاطباااق الرئيسية والي ما يخلى منها اي بيت اماراتي يومياً والي هو طبق العيش ^^
عاد انتوا والي فخاطركم تخترعوونه,,مجبووس برياااني مطبق تحته فوقه والي هوه^___^
بس اليوم بحط طريقة واااايد سهله للبنات الي اول مرة يجربوون يسوون عيش فبيتهم,,ومن باب المساااعدة الي بتكوون بطريقة جداً سهله وبإمكان الوحدة اتسويها بدون ما اتخاف انه العيش يعتين عندها او غيره^^ تدرون شو الاحلى من كل هذا؟؟انها ما بتااخذ عنج اكثر عن نص سااااعه^^ياااسلااااام عاد ياحب البنات للهيااازة ههههههه
اليوم بسوي وجبة تصلح للغدى بحيث ابتدي ويااااكم من الصفر ^^ وعقب ان شاء الله بندخل فالبرياني والمجبوس والصالونه وووووألخ^___^
كذلك بتطرق لأمور اللحم والدياي والسمج وبعلمكم فالمرات اليايه كيف انسوي هاي الامور الي يعتبرونها البنات دسمة وصعبة>_< لذلك بتكون تجربتي معاااكم بالمقااالي هالمرة ^^
اليوم بنسوي وجبة ايرانية سهله ولذييذة وأيضاً بطريقة مبتكرة من اختراااعي^^ (هالاكلة انا اعتبرها مفضلة عندي بالاعراااس (عيش بو الرمان) يمي يمي ,,والي تبا تستغنى عن الرمااان بعد ماشي مشكلة ^^
يالله خلوونا نبدى و انقوول بسم الله ^_____^
هاي المواد الي احتاااجها
عيش(مقدار جيلة الا ربع) –كرتون مقالي (الي تبينه كباب ولا تكة ولج حرية الاختيار جان تبينه لحم ولادياي) –ملح –جرفة-هيل- مكعب ماجي- بهارات (انا استخدم بهارات الطااهي ومالي غنى عنها^^ سبحان الله من اشل القوطي اروح فيه ريحة المااضي هههه –زعفران –زبدة-رمان مجفف------(لو حابة اتزيدين من عندج فلفل اسود او اي مواد حارة براايج ^^
وهاي صورة البهار الي بستخدمه
هاي صورة الرمان بس مقربة( آخذه من العطار او ممكن من كارفور)
اودن العيش والرماان اشوي
شوفي العيش انا حطيته فجدر صغير ((وخليت الماي زايد عن العيش بمقدار سم وااحد)) هالطريقة اتخلي العيش بسرعه يستوي+انج ما تحتايين تشخلينه ولا بيرد يعتين عندج^^
من يبتدي يحر اشوي الماي زيدي الجرفة والهيل والملح بس لا تكثرين من الملح ترانا بنزيد الماجي عقب
واحينه الماجي
واخلط عسب يذووب الماجي وما يتكود مكان وااحد((صح نسيت اقوولكم اني ظفت خاشوقة أكل زيت>_< نسيت اصوره فالبداية))
اشل شوية ماااي حار من الجدر الي ياسه اشتغل فيه واحطه فمله صغيره ومعاهم الزعفران
احينه اظيف البهارات (خاشوقتين كبار مال الاكل^^)
واخلط
اطلع الكباب واخلي الثلج يذووب عنه قبل ما اقليه عسب ما تستوي ازمة حرااايج لا سمح الله>_<
بعد مرور خمس دقااايق بشوف العيش جذا مستوي ,,فهالوقت اشل منه الهيل والجرفة,,اطاعي شقى الهيل انتفخ ولااان^^يعني طلّع الريحة والنكهة الي فيه ومسكت فالعيش
ومن خف اشوي الماي ,,ظفت عليهم الرماان
وجلّبت اشوي (عفكرة الرمان ما يباله وقت بسرعه يستوي^^)
اشخل الزعفران وآخذ الماي ماله
اظيفه فوق العيش بعد ما حسيت انه جريب يستوي وبدى يصير نثري^^ طبعاً مثل ما ذكرت فوق انه مب اساسي بس من باب اللون والنكهة الخفيفة للي يحبون الزعفران
قليت الكباب^^
ظفت الزبدة عشان ازيد من النكهة واللمعة فووق العيش^^ريحتها خطييييرة الزبدة فوق العيش
واهنا يوم غرفت ^^ عاد انا موول مب مال التنسيق >_<
اويييلي عسر الحياة ههههههه^^ هذا صحني ^^
وهذا المرة الي طاافت يوم سويته ويالتكة ^^بس بدوون ما ألون العيش بالزعفران^___^
^_________^وووووووووووووبس اي استفسار انا حاضرة
ما شاء الله أفكار حلوة يارب نستفيد منها
يعطيج العافية مريم
ثاااااااااااااااااااانكس
آللّہـم سرَ خَاطرِيّ بِخَبر جَميل إنگ عَلى كٌلِ شَّيۓ قَديّر . ... ♥
لتخليص المعاملات و الوثائق وأوراق العمال يرجى الاتصال ع الرقم 0559977930
مشكوره اختي عالوصفه الحلوه
بالعافية عليكم ^_______^
تقريبا نفس اللي يسوونه في الاعراس ويحطون عليه شبت والكباب يكون مقطع بالطول تسلم الايادي
يعطيج العافية ويشهي بصراحة تسلمين
الطريقه لذيييييذه اختي جم مره سوتها هع
يسسسسسسسسسلمو
طريقه حلوه وسهله بتستفيد منها المبتدئات
تسلم ايدج
ضوابط المشاركة
