وبعدين يعني ويا ها لزيادة ؟؟؟

**حرم علي** · 7 - 12 - 2011, 07:36 AM

ما تسوى علينا زياده هالرواتب , من الحين رافعين الاسعار , والناس بعدها ما استلمت شي من هالزياده ,
إلا الأسعار صااكة فوق دبل !! يعني اللي يشتغلون في المحلية مالهم زياده , ونحن ربات البيوت اللهم ناخذ مصروفنا من راتب الزوج , يعني ما نشتغل , وبعد رافعين علينا الاسعار , نحن شو ذنبنا اذا ما حصلنا شي من الزياده ؟
كنت اشتري الحبوب من الصيدليه ب 17 وامس قالي ب 27 !!!!
وافصل عباتي ب 250 والحين وصلت العباه الساده ب 400 !!!
قوطي السريلاك بعد ماكان 22 وصل 30 !!!
الحمد لله انا حالتي ميسورة ومقتدرة , وما عندي الا طفلتين , لكن اللي عندهم درزن عيال , وديون في البنك , وراتبه قليل , وما حصل شي من الزياده , كيف يدبر عمره في هالغلا ؟؟؟
شو يسوي ؟؟ وين يشتكي ؟؟ وزارة الاقتصاد ما اتسوي شي , والتاجر يقول هذي بضاعتي وكيفي !! تبغون اشتروا , ما تبغون خلوا البضاعة مكانها !
يعني الزياده من الحين في مخابي التجار .. مادري ليش فرحانين فيها ؟!!
والحل يعني ؟؟؟
خلاص ما نبغي زيادة رواتب , محد يتضرر الا اصحاب الدخل المحدود , اللي ما حصلوا الزياده
لا حول ولا قوة الا بالله , كم بتركض هالبيزه , من يوصل نص الشهر الا الراتب ميييح .

**أفراح المحبة** · 7 - 12 - 2011, 08:26 AM

لا حول و لا قوة إلا بالله
الله ييسر

**مناااايا** · 7 - 12 - 2011, 08:58 AM

ترا هااذي فرصتهم ما يصدقوون يشمون خبر إن في زيااده على طوول رفعوا الأسعار

ولا في رقيب ولا حسيب .. طرشوا لناا آرقاام قالوا في حالة انكم شفتوا حد من التجار يزيد بالاسعار اتصلوا ..

والمفروض يكون في راادع لهم ويحددون الاسعار وتكون بالمعقول والله المستعاان ...

تسلمين حبوبه ^^