حلاوة الدخون

[حرم علي]

المقادير

2 كيس شعيرية باكستانية , واذا ما عندج استبدليها بالبلاليط , بس الشعيرية افضل
1 علبة كبيرة حليب نستلة مركز
بسكوت اوريو مطحون , لون اسود ( شلي الزبده اللي فيه ) واطحني البسكوت
2 ملعقة زبده الفول السوداني , واذا ما عندج حطي نوتيلا

الطريقة

كسري الشعيرية اعواد صغيرة جدا , وحمسيها في الزبده شوي
شليها عن النار واتركيها تبرد
حطي عليها الحليب المركز والفول السوداني او النوتيلا حسب الرغبة
وكوريها كور صغيرة , واحشيها بحبات الفول السوداني ( سبال )
هاتي بسكوت اوريو المطحون وغطي الكور في البسكوت تمام
واحفظي الحلاوة في غراش الدخون

وبالعافية عليكم

[*مسك الإمارات*]

الحين عرفت حلاوة الدخون وحدة عطتني وخفت اكلها قلت يمكن تقص على بس الحين بروح اكل الحلاوة ومشكورة حبيبتى على الوصفة الله يعطيج العافية

[™яsнτ.36я]

هههههههههه
ربيعتي آخر مرة تقولي حلآوة دخون
حسبتهآ تقصد آلدخون نفسه
بروح آقول للوآلدة تبدع فيهآ
هههه !
يعطططيج آلعآفية ~

[احساس طفلة]

[align=center]


يآ عيني
شو هالكيكه

ما شاء الله عليك
ابدعت خيوو

[/align]

[ابو نهيان]

يلا بنجربهاااااا مشكووووور اختي

[وفوي المطاف]

جاري الاكل خخخخ
ثانكس ع الوصفة

[شذى العطور]

يعطيج العافبة

[دموع أنثى]

[align=center]هاااااا ...!!!!!
بس شفت الغرشه قلت أكيييد مقلب حرم علي ههههههه
بصراااحه إبداااااااع وشكله صج بخور
تسلم الأيادي غااليتي ع الحلاوة الخطيييييره
لا عدمناج انتي وأكلاتج المميّزة
دمت بصحه وسلامه[/align]

[شيخة بأخلاقي]

[align=center]
شكلها لذيذة تسلمين عالسويت
[/align]

[آلجريح .،]

بسويهآآآ ،’ ببدّع فآلمطبخ خخ

وبعطي أمّيْ ع أسَآس إنهآ دخون >> وعقب بخبرهآ بآلسَآلفه -.-

تسلمين مآمآه خخخخ