كشري مصري

[حرم علي]

اليوم غدانا كشري عجيييب
والطريقة وااايد سهلة


المقادير

جيلة ونص عيش مصري + ملعقة ملح + كوب عدس اسود + كيس معكرونه ( الامارات ) + بصل + علبة دنقوا
للصلصة : طماط مقطع + ملعقة صغيرة ملح + ملعقة صغيرة فلفل احمر ناعم
الدقة المصرية : خل + ثوم مدقوق + ماي + ذرة فلفل احمر ( انا استغنيت عنها ما احبها )

الطريقة

اغسلي العيش المصري زين ,, وخليه منقوع في الماي نص ساعة



فوري العدس في ماي حار لمدة 20 دقيقة , وقبل ما يستوي بشوي صبي عليه كيس المعكرونه
وخليه يفور 10 دقايق , وعقب حطي العيش والدنقو , وجيكي على الحبة كل شوي ,, ولا تنسين الملح



اشخلي العيش ورجعية في الجدر ,, وخليه يتسكر على نار هاااادية

قطعي البصل بالطول ( جوانح ) وشيطيه في الزيت , وذري عليه شوي طحين عسب يطلع مقرمش
وحطيه فوق العيش



طريقة الصلصة ( الدقوس )

قطعي الطماط قطع صغيرة وحطيها في الخلاط , ملعقة صغير ة ملح , ثوم مدقوق , وشوي ماي وفلفل احمر
خليه يخلط لين يختفي الطماط ,, وعقب حطيه على النار 10 دقايق



وهذا صحن الكشري



يالله جربوا الطريقة وبالعافيه عليكم

[الحالم]

محمد عبده قال : أنا مجموعة إنسان
أما إنتي ياحرم علي .,.,تقدمين لنا من كل دولة طبق .,.,ومن كل بستان زهرة
وتسلمين على هالأكلات الحلوة واللذيذة

[احساس طفلة]

يم يم يم مممممممممم
احب الاكلات المصريه ومن بلاد الشام
عامة تسلمين الغاليه مممممم

[آلجريح .،]

يمممْ يمممْ ،’ أكثر شيْ أحبه فيهآ آلصلصَه (=

آلله يحفظج ,’ تسلميين ..

[متفــآآئـل]

ماشاء الله رهيييب

[أم الأطفال]

مشاءالله حلووووووووووووو

تسلم ايدج حبوووووبه

[شذى العطور]

ما شاء الله
يعطيج العافية الغالية

[دموع أنثى]

[align=center]مشكوووووورة حرم علي على تنزيلج هالأكله العجييبه
لأني أحبها وااااااايد
طريقتج واااايد سهله ونتيجتها رهييييبه
الله يعطيج اااالـف عافيه وتسلم إيدج
لا تحرمينا من أكلاتج غااليتي[/align]