الله لايجيب الندم و الحزن

[احساس طفلة]

طلعت روحي قد ما احاول أرضيك
والقلب حاول فيك قدر استطاعه
والعين باغلى دمع راحت تناديك
وتشكيك شكوى ميتين المجاعه
والله لو ادري ان هذه مواريك
وانك نويت تخون واثمن وداعه
ما كان صدقتك ولا جبت طاريك
يا واحد فرق بشملي وباعه
اخذت مني ما يهمك ويكفيك
اخذت كلي صدق ماهو اشاعه

وصيت هلي لاذبحني غلاكم
قدام بيتك بالثرا يدفنوني
ترتاح روحي يوم اجي في ثراكم
وذا وحشتك قلهم يظهروني
هذا الوعد والله يقبل عزاكم
واذا مشيتوا فوق قبري ((اذكروني ))

غيبتي طالت ولاهمك جفاي
وكنت عايش في امل تسأل علي
من غلاك احسبك عايش في رجاي
وانت ماهمك ولو طال زعلي
انت مالك ذنب هذا من غباي
ناسي واحسبك تتغلى علي

مدري ادين الوقت والا ادينك
ودي اشتكي له مدري اشكيه بعتاب
ودي اطيح من التعب في يدينك
اصبحت اشوف الناس من حولي اغراب

وش ناوي؟؟ وليه انت علي قاسي!!
كفايه تشعل النيران بقلبي وتجرح احساسي
حسبتك اعز انسان هديتك اعذب الالحان
تحابينا مثل الاخوان
تسامرنا مثل خلان
تزاعلنا وتراضينا
الا هالمره ترى غلطان
طعنت القلب وخليته يعاني نزف والم حرمان
وذوقته العذاب الوان
حسافة فوق كل هذا تجيني
بصورة الولــهان
وبكل بساطة تقول اعذرني ترى
"ندمــــــــان"

اناعيني بدت تدمع واشوف الدمع مو عادي
اشوف الدمع لون احمر
واحس القلب يتوجع وانت بطبعك الهادي
وقلبك حييييييل متحجر
اذوق المر واتألم وأقول يهون واتبسم
لكن قلبك القاسي صدمني وبعثر اوراقي
ارمي الورد في دربك
وترمي الشوك في دربي
رجيتك لا تعذبني رجيتك لا لاتهجرني
حس بحالتي ارجوك وبادلني الغلا مرة

لاتعذر وتقول ماني بغلطان
عذرك ياروح روحي صار اعتيادي
الله وكيلك مابقى شئ مابان
ميت مشاعر لاحشى منت انسان
ارحل وهاجر وابتعد قدر الامكان
الحب لبسته ثياب الحدادي
" سبحان الذي يغير الناس سبحان"
مغرم عرفتك واتركك حييييل هــــــادي

[الصمت عنواني]

الله يبــعد عنـــاآآ الــْحزن ..تسلم أنآآآملج على الطرح الجميلْ ونترياا يديدج دوووم

دمتي بحفظ الرحمن^^

[الأميرة الحسناء]

اختيار موفق باذن الله تسلمين على
اختيار الكلمات ..الثمينه كلها اهات وحزن وفراق
ولكن الصبر فالنهايه يحدد الموقف لابد التسلح بالصبر والاخلاص ,,
دمتي بود ..

[سفير خت]

شكرا عل الكلمات الرائعة

في وداعة الله