كيكات لا تقاوم.

[RAKBOY783]

كيكات لا تقاوم.
بسم الله الرحمن الرحيم

جبتلكم كيك روعة وانتو احكموا بنفسكم.

باللهي اللي يسويها يرسلي قطعة حتى لو كان في الصين



الطريقه
الكيكه الاولي وهي mini cheese cake لمقادير
1\2ككاكاو بودره
1\2 اصبع زبده
3 علب جبن فلاديفيا
علبة نستله حجم كبير
3بيضات
2مل ص فانيلا
تخلط هذي المقادير مع بعض ونستخدم القالب كب كيك


مقادير البسكوت هي
2\11ك بسكوت مطحون
6ملاعق كبيره كاكاو بودره
6ملاعق سكر بودره
6 ملاعق زبده
تخلط المقادير البسكوت ونضع ملعقه كبيره في القالب ونرصها جيدا ثم نضع عليه خليط الجبن وندخلها الفرن وثم الحين مقادبر الكاكاو الي فوق
ناخذ 2ك كاكا مبروش ونذوبه ونخلط معه كاس كريمه ولما تبرد نحطه عليه

وش رايكم في هاذي


المقادير
كاس ونص بسكوت مطحون ويفضل داي جستف
2 ملعقه كبيره سكر
5ملاعق زبده كبيره
2علبة جبن فلاديفيا
كاس سكر
ملعقه صغيره فانيلا
3علب سور كريم
3بيضات
كاس وثلث حبات كاكاو هيرشي بطعم الدارسين او حبات الكاكاو الهيرشي وخلط معه ملعقة دارسين صغيره
الطريقه:
نخلط البسكوت مع الزبده وملعقتين السكر ونضغطه في الصينيه ونرفعه علي جوانب الصينيه وندخله الفرن 8 دقائق ونخلط الجبن مع السكر والسور كريم والبيض والفانيلا لمدة 5 دقائق ثم نضع نص الخليط علي البسكوت ونضع عليع كاس من حبات الكاكاو الهيرشي الي بطعم الدارسين واذا مالقيتيها حطي ملعقه صغيره منالدارسين مع ا لكاكاو ونحط عليه باقي الخليط وندخله الفرن لمدة تقريبا 45 دقيقه وخليه تبرد في حرارة الغرفه لما تذوبين ثلث الكاكاو الي الباقي مع ملعقة زبده وتزينين فيها الشيز كيك بطعم الدارسين وندخيها الثلاجه حتي برد وعليكم الف عافيه



هذي براونيز بتشيزكيك لاتشوفون الطريقة تفكرو انها صعبه
المقادير الكيكه
كاس وثلث ارباع حبات الكاكا الهيرشي بطعم البنت بتر
6ملاعق كبيرهزبده
كاس وربع سكر
ملعقه صغيره فانيلا
2بيض
كاس طحين +2ملعقه طحين
ثلث كاس كاكاو بودره
نص ملعقه صغيره باكنج بودر
رشة ملح
الطريقه نخلط الزبده والسكر ثم نضيف اليهاالبيض ونضيف الطحين والكاكاو والباكنج بودر ونحطها بالصينيه الي تنفتح من الجنب وندخلها الفرن لمدة 25 دقيقه ونبتدي الحين في خليط الجبن ومقاديره هي
3علب جبن فلاديفيا
3بيضات
ثلاث ارباعسكر
ملعقة فانيلا
نخلط هاذي المقاديرمع بعض وتكون الكيكه استوت الحين ونطلعهامن الفرن ونحط عليها حبات الكاكاو الي بطعم البنت بتر ونحط فوقها خليط الجبن وندخله الفرن مره ثانيه لمدة 45 دقيقه ونبرده ونزينه بالكاكاو ناخذ ملعقتين من يالكاكاو ونذوبه مع ملعقه من الزبده ونزين فيها الشيز كيك



اسمهاcrunchytoppedcocoacakeماعليكم من كثر الهذره اسمها كيكة كاكاوبجوز الهند
مقاديرها
1ملعقة كبيره خل ابيض
1ملعقه صغيره باكنج صودا
كاس ونص طحين
كاس ماء
ربع كاس كاكاو بودره
1ملعقه فانيلا
نص ملعقه صغيره ملح
كاس سكر
ربع كاس + 2ملعقه كبيره زيت

الطريقه نخلط المقادير مع بعض بالملعقه او المضرب السلك حتي تختلط ونصبها في الصينيه مربعه وندخلها الفرن حتي تستوي والحين نخلط مقادير الوجه وهي
نص اصبع زبده
نص كاس سكربني
نص كاس جوز محموس
نص كاسجوز هند محلي
3ملاعق حليب مركز الي هو البوني بيبي او كرنيشن
نخلط المقادير مع بعض ونحطها علي الكيكه وهي حاره وندخلها الفرن في الرف الاسفل من الفرن ونشغل الشوايه علي نار هاديه جدا حتي يشقر وعليكم عافيه



والمقادير
الوجههي
ثلاث ارباع سكربني
نص كاس طحين
نص كاس شوفان
ملعقه صغيره دارسين
ربع ملعق صغيره جوزة الطيب
ثلث كاس زبده
نخلط مقادير الجه كلها مع بعض ونخليها علي جنب

مقادير الكيكه
كاس ونص طحين
نص كاس سكر
2ملعقه صغيره باكنج بودر
2بيض
ثلاث ارباع كاس حليب سائل
حشوة فطيره بالكرز

الطريقه نخلط الطين والسكر مع بعض ونضع علي البكنج بودر وزبده ونخلطهم ثم نضيف لهمالبض والحليب ونخلطهم حتي يمتزجون بس مانخلطهم كثير الحين ندهن الصينيه ونحط نص الخليط ثم حشوة الفطيرهو نساويها بالملعقه ثم نحط باقي الخليط علي حشوة الفطيره ونحط فوقه خليط الوجه وندخله الفرن لمدة 25 او30 دقيقه



المقادير اصبع زبده
كاس سكر
ثلث كاس كاكاو بودره
ملعقه صغيره فانيلا
3بيض
ثلاث ارباع كاس طحين
نص ملعقه صغيره باكنج بودر

هاذي مقاديرالكيكه وطريقتها نضرب الزبده مع السكر جيدا وثم نضيف عليه البيض ونستمر بضرب ونضيف لهاالفانيلا والطحين والكاكاو والباكنج بودر وندهن الصينيه مربعه وتكون وسط ونصب الخليط فيها وندخله الفرن لمدة 15 دقيقه المهم لين تستوي والحين انسوي مقادير الكريمه وهي
6ملاعق كبيره زبده
نص كاس كاكاو بودره
2كاس سكر بودره
ملعقه صغيره فانيلا ثلث كاس سائل حليب
نخلط المقادير مع بعض بخلاط الكيك
والحين اتكون الكيكه استوت نضع عليه 2 كيس من الحجم الكبير خدود البنات وهي حاره وندخله الفرن مره ثانيه لمدة 2دقيقه حتي يلين خدود البنات ونطلعها ونصب عليه الكريمه الي سويناه وتعالو شوفو يابنات وعليكم عافيه



مقادير الشيزكيك بالكاكاو وهي الي في الصوره الثانيه
3علب جبن فلاديفيا
3\4 كاس سكر
4بيضات
1\4كاس قشطه
2 ملعقه صغيره فانيلا
نص اصبع زبده
2كاس كاكاو حبات هيرشي
تخلط الجبن مع السكر ونضيف لها البيض والفانيلاوزبده والقشطه وتخلط جيدا

مقادير البسكوت
كاس ونص بسكوت مطحون
نص كاس سكربودره
ربع كاس كاكا بود ره
نص اصبع زبده
تخلط مقادير البسكوت ونضعه في الصينيه الي تنفتح ونضغط عليه
الحين ناخذمن حبات الكاكاو 2ملعقه كبيره ونذوبها ونقسم خليط الجبن ناخذ كاس ونص ونضع عليه 2ملعقه الكاكاو المذابه ونخلطهم ونضعها علي جنب ونذوب باقي2كاس من الكاكاو ونذوبهم ونضعه علي الباقي من خليط الجبن ونخلطهم جيدا ونضعه فوق البسكوت وبرفق نضع خليط الجبن الي خليناه علي جنب فوق الخليط الاول بحيث يصير عندنا لونين من الخليط واحد غامق وهو الي تحت والفاتح الي فوقه وندخله الفرن ونخليه لما يستو ي ونتركه يبرد في حرارة الغرفه ثم نزينه بالكاكاو نذوب 2كاكاو جلاكسي مع ملعقةزبده ونعمله شخط مثل الي في الصوره



تشيز كيك السنكرس بالصوره


المقادير :

الطبقه الأولى:
بسكوت اوريو 20حبة واذا لم يتوفر علبة بسكوت اولكر بالشيكولاته
1 قالب زبده (113 جم ) سائحه

الطبقه الثانيه:
قشطه ( قيمر 170 جم )
2 كيس دريم ويب
1/2 كوب حليب بارد
علبة جبنة فيلاديفيا
ربع كوب سكر
الطبقه الثالثه:

6 شوكلاته سنيكرز
1/3 قالب زبده
1/ كوب حليب سائل
للوجه كيس دريم ويب معمول حسب التعليمات 2ملعقة شيكولاته سائلة زي نوتيلا
الطريقه:


* يطحن البسكويت ثم يخلط مع الزبده ثم يلبس به قالب الكيك.

* تخلط مقادير الطبقه الثانيه بالخلاط ثم تسكب على طبقة البسكويت وتوضع في الفريزر حتى تجمد تمام .

* تسيح شوكلاته السنيكرز في حمام مائي مع الزبده والحليب وتخلط جيدا ثم تترك حتى تبرد تمام , يسكب الخليط على الطبقه الثانيه ثم توضع بالثلاجه لحين التقديم
ثم ضعي في كيس 2 ملعقة شيكولاته سائلة وقومي بتزيين السطح ثم قومي بتعبة كيس التزيين بكريمه التزيين وقومي بعمل وردات في اطراف الكيك

[نسمات ليل]

شهيتيني حرااام عليك >>> امزح


يعطيك العافية على الاكلات شكلها جناااان

[RAKBOY783]

شكرا لك اخوي نسمات ع المرور

[7oor UAE]

والله يوعااااااااااااااااااانه بموت
حراااااااااااام قهر
يسلمووو

[ملاك المشاعر@]

وااااو روووعـــــــــــــــه كروعتك يالغلاااا
فعلاا كيك لا يقاووم
عجبني وااايد وحبيتها
ربي يحفظك ولا يحرمنا من جديدك
مودتي لك

[RAKBOY783]

شكرا لكم ع المرور