رحلتي الى سووق الجمعة^___^

[ام محمد من راك]

السلام عليكم ..


في يوم من الاياااام كنت سايرة سووق الجمعه الصبح وماخذه تيلفووني وياي وانا من عادتي فكل رحلة نطلعها ايلس اجك جك منا ومناااك ^^ واسيف الصوور عندي في ملفات مختلفة مع التااريخ الي طلعنا فيه ,,يعني مثل ما اتقولوون احفظ ذكريات العمر ,,


ما علينا..

طبعاً مثل ماكلكم اتعرفوون انه سووق الجمعة يقع في امارة الفجيرة الغناااء

الوقت كان تقريباً الساعه10ونص

فعلاً الجووو خطييير وانا مستحيييييييييييييييييييييييييييل افوووت رووحه حق سووق الجمعه ههههه


خواتي معليش بس بطرانات اشوي ومايحبوون يركبوون البيكب ولأن نحن سايرين نشتري زرااعه حق بيت اخوي كنا مضطرين نركب البيكب ولا اي سيارة بتحمل زوالي وزراااعه؟؟؟ >_< الا جان يبوون الخسر وانأجر دااينه ها شي ثاااني



المهم بدينا رحلتنا ,,بسم الله (عاد اكره شي يوم تركبين البيكب فاااضي,,اهتزازات من خااااطر طوول الدرب ,,عاد الي تبا تستعيل على ولادتها تركب )






الله يااازين الخضاااار,,هذا اول مكاااان نزلنا فيه ,,اول مشتل على ايدكم اليمين



الله يباااارك ^^



قولوا ما شاء الله ,,





بالله عليكم؟؟ مب ابدااااع؟؟سبحان الله احسن الخالقين



ياويلي عالمتسلق^^ احب هالورد بالذات هاللون منه





شوفوا الصباااار^___^ ,, ولاحظوا الورد الي عأقصى اليمين من تحت لونه بنفسجي الي تحت الصبااار,,اظن اسمه تيوليب ,,واااو






الورد للورد





وبعد ورد ^___^.. هاي الصوور حق اموونه اختي ,,لأنها اتحب الورد وااايد واتموت عليه,,عسب جذا امكثره صوور الورد








ماقول غير يا بختك كل يوم امجاااابل هالخضااار ,,الله يبارك لك فيه




الله والله ذكريااااات



ابا العيدية الحييين الحين ,,احيد هالحصالات ما اتم ويانا اسبووع الا وكسرناها خلااص يمعنا وااايد >_<




حلوة هاااي الي فوووق ,,المناظر الي اتنزل المااي,,تعطي جو رومانسي فالبيت ^___^..




سلااامي عليك وعهالريحة الغااوية ^___^..اتخلي الواحد غصب يشتري بس انا ماحب الذرة جذا,,احب آكلها من القووطي>_< ذكرتني هالصوورة بموقف صاارلي يوم كنت فأول ابتدااائي ,,كنا سايرين نفس المكااان اهنا فسووق الجمعة,,وطلبنا ذرة,,عاااد انا كااان خااطري بالقو فيها,,بس ماكانت جذا مطبووخة لأ ,,كانت مشوااايه ,,وتوني يايه ابا آكلها جي ما ينكسر ظرسي الي جدام سويت لهم مناااحة وهاااك الدم ينزل وحالتي حااااااالةحرام انتي تميت اسنيييين ما آكل الذرة لين وصلت سنة ثانية جامعة وجربت الذرة الي بالاكواااب ومن يوومها رجعت المياه لمجااريها ^__^..وتووته تووته خلصت الحدوووته




اااااااااااااااااااااه امووت فالمنجااا الاحمر ,,و اموووت عهالالوااان بس للأسف ماصورت واايد منها,,لأن ابووي كان مستعيل وبس يالس يسحبنا صووب الزرااعه>_< كان فخااطري يوووبل هع ادري مب مووسمه بس اشتهيييته



امي وابووي بعدهم يحاوطووون,,ها كم آخر وآخر كم؟؟



هالمشتل الي خذينا منه بالردة








ابداااع الورد ^__^.. من نفس المشتل




امي بعدها اتحاااوط




مممم مكتب البنغااالي ,,اوووه شوفوا الشيرة؟؟ امعلقه فيها اجيااااس يا ترى شو داخل الاجيااس؟؟




اهااا,,محصوول الزراااعه فالمشتل ,,لا وامعفن بعد يا خساارة




وا غميضتي عالرماااان,,واثناء ما انا مشغوولة فالتشويف ,,أمي وابووي اختاااروا الزراااعه






يلا حمل يا رفيق



محل الزوالي كان جدامنا خلوونا نتشووف





لقطة أخرى





اهااا هاي الرمااادية عيبتني ,,زينة حق حجرتي



زوالي تركية للي يحبون الشغل التركي>>>>>بالذمة؟؟ ما اصلح اكوون مرشدة سياحية



كناابل ^___^..



اهنا امي تبا تشتري حق خواتي الصغاار ,,وال2لازم نفس الشي



تعيبني هالسووالف ,,وكل شي يخص الموورووث عاد احترت بينا هذا





وهذا لأنه اصغر





بس ما خذت ولا واااحد لأن السيااارة انترست ,,كنت بصيييييح لأني موول ما شريت لي شي


وهاااي رحلتي لسووق اليمعة ان شاء الله عيبتكم ^^

[عاشق الطقس]

وااااااااو صور بروحها تتكلم ما شاء الله عليج اختي على هالموضوع

صدق انج مرشجده سياحيه

وتقريرج جميل جدا

بارك الله فيج وبنتظار الرحلات اليايه

بس سويلنا دسكاون

قول الصدق اي مشتل مالكم بس الدعايه قويه تصلحين خخخخخخ

تراني اسوووولف
اش اش اش

[حلو الاطباعي]

يعطيكم العافية عالرحلة والصور

بحفظ الرحمن

[رفيج الشيخ]

^_^ ماشاء الله عليج لا بصراحه على هالتصوير تنفعين تكونين مرشده سياحيه

[9amt el8alb]

حبيبتي سلمت يمناج عالصور فديتج

بس جان كمليتها و صورتي الدرب و انتي طالعه من البيت لين السوق !!!

و لا بالتفاصييل .....

تنفعين مرشده



يعطيج ربي الف عافيه

دمتي بخير و وود ^^

[نبض انسان]

تسلم أيدج أختي والصور والتقرير معاليه اغبار
كفيتي ووفيتي
تسلم أيدج على الصور

[ra3it الفيراري]

مشاء الله عليج يا ام محمد
لج بارض اتصورين
بس الله يعطيج العافية على التصوير

[اماراتي وافتخر 40]

تسلم ايدج
بس خساره ما خذتي لج شي

[alrams]

زين من تغطيتج حصلت اشياء كنت أدورها .. بمر عليهم بسألهم عن الاسعار ولو عيبتنا بناخذ

ثانكيووو

[غلا بوحمدان]

بسم الله ماشاء الله تبارك الرحمن
تقرير ولا اروع والفون ما شاء الله ت
صويرة رائه تشنه كاميرة كانون ما شاء الله
تسلم ايدج .