قصيدة الوله والشوق

[سفير خت]

قصيدة الوله والشوق

. في حروفك شعر يجذبني اليك
وفي عيوني موج رادف حيرتي
وفي سكونك مد يبحر بي وجيك
من عنا الاسفار اسكن غربتي
الوله والشوق ينشدني عليك
والعناء والهم ساكن ديرتي
للقاء ياالخل والله اشتريك
واشتري لك دنيتي لك سلوتي
في وجودي حس ينبض لك يبيك
وفي شعوري انت... دايم خلوتي
ياهنا ليلي معك مالي شريك
انت وحدك لي تكمل دنيتي
من ظلام الليل عيني تهديك
كالقمر اللي سفر في ظلمتي
يوم تقبل طلتك كنك مليك
يامليك الكون لبي طلبتي
يوم جيت القلب في حبك هليك
وصحوته لقياك والله منيتي
التراب اعشب في دوست وطيك
والزهر شبت غصانه دمعتي
ليت يوما دون حسادك اجيك
واهتني وياك بطيبت نسمتي

[نبض انسان]

تسلم على الكلام الطيب
بارك الله فيك
وفى انتظار الزود منك ..

[سفير خت]

نبض انسان

شكرا على المرور الطيب

دمتي بخير

[ملاك المشاعر@]

سفير خت
اشكرك من الاعماق ع الكلمات الجميله
والاختيار العذب
دمت بسعاده
في وداعة الله