هل نقدم شكوى ؟

[النعيمي22]

السلام عليكم
نحمد الله اولا على شفاء الوالد ولكن هذا ماحدث واحب اسمع آراء القراء
دخل الوالد مستشفى حكومي تابع لاحدى الامارات منذ مايقارب من 25 يوما حيث بعد دخوله ب اسبوع قال الطبيب المعالج بأن الوالد مصاب والعياذ بالله بسرطان وعليه ان الوالد كبير بالسن والافضل له ان يبقى بالبيت وان السرطان قد انتشر في جسمه وقام بكتابة تقرير بعد أخذ عينات دم فقط ... 3 أسابيع وجميع الاهل والابناء في خوف والدعاء لله بالشفاء العاجل للوالد..
قررنا عند سماع التقرير ان ناخذ الوالد الى العين وتم اخذ موعد ويتوكل على الله لنتفاجأ بأن التجمع ليس الا كرات دم متجمعة فقام الاطباء بتفتيتها بعد عمل منظار له وانه ولله الحمد ليس هناك وجود ل اي مرض خبيث ...
أي طبيب هذا الذي قام بتشخيص الحالة والتأكيد بان السرطان والعياذ بالله من هذا المرض قد انتشر والافضل البقاء بالبيت
نملك التقرير من المستشفيين ..
قد عرضت هذا الخبر ايضا في منتدى الامارات الوطني لأخذ آراء ومعرفة مايحصل في بعض المستشفيات الحكومية

[خيماوية عز]

المفروض الواحد يوم يسير المستشفى يسوي تحاليل او تقارير يسوي بكذا مستشفى عسب يتأكد من الموضوع ولاكن المستشفى يوجد فيها اهمال ليش يقولون حق الوالد جي اصلن يخوفونه ليش ؟ تقدموا بالشكوى لهذه المستشفى والله يشافي الوالد وشكرااا للموضوع المهم تسلم

[9amt el8alb]

اولا الحمدلله ع سلامة الوالد و تستاهلون سلامته .... وربي يدحر عنه و عن الجميع كل سوء


ثانيا الله يسلمك اخوي الاهمال موجود بكل مكان و التدقيق معدوم ...




يعني ...

جان حسيت بعووق ... سير كذا مستشفى عسب تتطمن ولا تحط في بالك كلام اي مستشفى لانه والله لو الواحد فيه شي بسيط من اللي يسمعهم من هالدخاتر يمرض زوود ...
اخوي الكريم ...
كانت عندنا حاله مرضية مشابهه ... يعني الله يرحمه حس بوعكة صحية وديناه لوحده من مستشفيات راس الخيمه قيل انه فيه قولون ... للاسف ما تم تاكيد التشخيص و المرض هل صدق فيه مرض بالقولون ولا ... باشر بالعلاج .. و لكن الحاله بدت تسوء اكثر ... و رد لنفس الدكتور ,, و قال انه العلاج ما فااد ... و طالب باعاده الفحص و بالزين مو اي كلام و يكون دقيق و شامل ...

و اتضح انه معاه السرطان ... للاسف ما صدق و راح لاحدى المستشفيات اللي بالعين و انا متأكدة انه الغالبيه عارف المستشفى المقصوده من دش هالمستشفى و حالته بدت اتسوء اكثر فأكثر ...
فقالوا علاجه برى ... راح و تعالج ... و صحته صارت احسن ... رد البلاد و هو الحمدلله كان زين نوعا ما ... بسبب مرض ثاني عنده دخلوه المستشفى هني ... بدال ما يعالجون المرض اللي داش المستشفى عالشانها و طبعا عارفين انه مصاب بالخبيث ... ولكن تعرفون الدخاتر كيف ... ؟؟؟
كل واحد يشخص بكيفه و يوصف بكيفه و اذا المريض وصف الاعراض بدون التشخيص قال انت فيك المرض الفلاني ...

احس الحين الاهمال زايد و الكل صار يمتهن المهنه فقط من اجل الماده و نسواا القسم اللي اقسموه ...

يعني .. اتلاقون تقديم الشكوى بتنفع ؟؟ و لا اذا صار عندك اي عله لازم اتروح برع عسب التشخيص يكون دقيق و اتقوم بالعلاج و انت برع البلاد ..!!!!


هب حاله ... الواحد فينا صار يخاف انه يروح المستشفى و يشوف شو بلاه ... بسبت التشخيص الغلط ....

[نبض انسان]

لاحول ولاقوه الا بالله
تستاهل سلامه الوالد أول شى ..
والله يكون فالعون ..

[بنتـ DxB]

لا حول ولا قوه إلا بالله
تستاهلون سلآمته الوالد يآرب و الله يبعد عنه كل سوء
أنزين أخوي ليش ما تقدمون شكوى ضد المستشفى لأنه قدم لكم تقرير خطأ و تشخيصه للمرض خطأ بخطأ
عآدي يطلع الدكتور مآيفهم شئ ؟؟!!! أصلن الحين قاموا يستكشفون دكاتره ما عندهم شهادات .....إلخ ..
الله يكون بالعون يآرب

[النعيمي22]

شكرا على اهتمام الاخوه بها الموضوع
واحب اقول ان اطباء الامارات الحمد لله فيهم الخير لاني اتصلت ب طبيب في مستشفى زايد العسكري وسألني أسئلة
قال لي الوالد سووا له منظار قلت له لا قال خذوا منه عينة قلت لا
قال ليش يحكمون بها الكلام ماعليك منهم وبشوف الوالد واترك ها التقرير المكتوب و ان شاء الله مافيه الا العافية والحمد لله طلع كلامه صح وهذا ريح بالنا قبل لانودية توام .
الحمد لله ماصار شئ للوالده والاهل لانا ايام عشناها ب خوف ومعرفة مصير اللي هو بدين رب العالمين مب بدين بنى آآدم ولو فيهم خير والا شطار ماتركوا بلادهم . هذول متدربين علينا بس
الله لايراويكم اي مكروه يارب وجميع المسلمين

[9amt el8alb]

اخوي لا تستعيلون و تودونه التوام
اي مستشفى ثانيه ولا توااام

[حياتي و محلاها]

قدم شكوى
يتبلون عالخلق

[مرجانه]

من جي اكره المستشفيات


كل حد يقول رمسه من عنده ويتفلسفون وبالاخير ما يطلع فينا شي


والله يشافي كل مبتلى يااااربّ والحمدلله ع سلامت الوالد