توب توب يابحر

[THE JOKER]

توب توب يابحر .. توب توب يابحر .. أربعه

والخامس ظهــر

تـوب تـوب يابحـر .. تـوب تـوب يابحـر .. هـات عيالنـا من البحــر

تـوب تـوب يابحــر .. تــوب تــوب يابحـر

ماتخـاف من الله يابحــر .. ماتخـاف من الله يابحـــر

يانواخذهـم لاتـصلب عليهـم .. يانواخذهــم لاتصلب عليهـم

ترى حبال الغوص قطعـت إيديهــم

تـوب تـوب يابحــر .. تــوب تــوب يابحــر

ياليتني فوق الدقـل حمـامــه .. ياليتني فوق الدقـل حمـامــه

أبشـر ياغــواص بالسـلامــه .. أبشـر ياغــواص بالسـلامـــه

ياليتني إدهينـه وأدهـن إيديهـم .. ياليتني إدهينـه وأدهـن إيديهـم

وياليتني خيمـه وأظـلـل عليهـم .. وياليتني خيمـه وأظـلـل عـليهــم

هـذي الأغنيـه يغنونهـا حريم لأول قبل موعـد القفـال بحوالي ثلاثة أو أربعة أسابيع

يعني ( شهـــر ) .. يعتبر يوم القفـال يوم مهـم جداََ خاصة عند الأهـالي اللي لهم عيال

ورياييل

داشين الغـوص ينتظرون ردتهم الديرة على أحر من الجمـــر ..

يبدون الحريم والبنات يغنون هالأغنيه مثل ماذكرت قبل موعد القفال بشرط يكون عقب

المغــرب ..

بحيث يتجمعون صوب السـِيف .. وتشرف على الغناء إمراءه قويـه ونشيطه تتحمل

المسؤوليه

عن جميع النساء .. أما الحريم الباقي يبدون بجمع الحطب وسعف النخل ويستخدمونهـا

لأشعـال

النـار .. وبعدهـا يوقفون على هيئة دائريه متحركـه وينشدون بعض الأناشيد والأهـازيج

اللي أهمهـا



توب توب يابحــر ..،،


( القصد من هـالأغنيــــه )

تخويف البحـر وتأديبـه وتهـديده !! لأنه السبب في فـراق أهلهم الذي طـال عنهـم

أيام وليالي .. وفي إعتقادهـم إن بجيتهم للبحر وتخويفه بيرجع أهلهم لهـم !!

سالمين غانمين بالولو والخيـــر محمليــن ..

( سبب حملهم سعف النخيـل المشتعــل )

سبب طريـف ويدعو للغرابه والإستغراب !! هالسبب يخليهم يطلعون

اللي في صدورهم وقلوبهم من مشاعر جياشه وعاطفه وفراق وغيره .. حيث إعتادوا

على

ضرب البحر وحرقه وكيه بالنـار ( يجوونـه ) .. علشان يحس باللوعه والفراق اللي يحسون

فيه !!

[بن سعيد]

تسلم اخوي الغالي عالموضوع المفيد

الصراحه موضوعك جدا رائع ومفيد

يعطيك العافيه عالمجهود الطيب

نتريا يديدك

[THE JOKER]

الله يسلمك اخوي
وتسلم على مرورك وحضورك الراقي
تقبل احترمي لك

[فراشة الرمس]

السلام عليكم

والله اغنية قديمة بس حافظة بدايتها

اول مرة اقرأها كاملة

بارك الله فيك اخوي

وتسلم عالشرح ومنسبتها

موفق لكل خير

[بنوتة الرمس]

مشكور اخوي على الموضوع وانا اول مره اعرف تفسيرها

ونتريا يديدك

[THE JOKER]

فراشة الرمس
وبنوتة الرمس
تسلموو ع المرور العطر

[صقار المدينة]

وايد روعة

يسلمو

[THE JOKER]

الله يسلمج اختي
وشكرا لج ع المرور الراقي

[فراولة_الرمس]

الله ........ يااليت زمااان الاول والماااااااااااضي بلحظه يعووود...

احـــــــلى شيء يووم كنت اغني وارقص ع هالاغنيه....... صراااحه كشششششششششششششخه


تسلم الغالي ع الموضووووع

[THE JOKER]

الله يسلمك اختي
تسلمي ع المرور الجميل