فلافل حرم علي

[حرم علي]

اليوم سويت فلافل , و أول مره أجرب هالطريقة


المقادير

باجلة مجروشة ,, دنقو ( حمص ) منقوعين في ماي لمدة 12 ساعة
حزمة شبث , بقدونس , بصل اخضر , 2 فص ثوم , ملح , باكينغ باودر
فلف اخضر حار , كزبرة مفرومة , 2 ملعقة طحين

الطريقة

افرمي كل الخضرة وحطي كل المقادير في الخلاط ,, ما عدا الباكينغ باودر والملح
وعقب حطيها في فرامة اللحم ,, واذا ما عندج , دقيها في منحاز حديد ,, لين تعيزين
عقب حطي ملعقة صغيرة ملح و باكينغ باودر





















شكل العجينة بعد ما فرمتها










سخني زيت غزير ,, وشلي الفلافل بالملعقة الخاصة بالفلافل , وسقطيها في الزيت عالخفيف
عسب ما تحترقين شراتي






























صورت الفلافل بعد ما خلصت القلي




حطيت الفلافل في الخبز ,, وحطيت طحينة ودقوس وخس , ولفيتها بورق نشاف







طريقة الطحينة : 2 ملعقة طحينة , ليمون , فص ثوم مدقوق





شكلها النهائي

[عذبه الشحوح]

يسلموووا على الطريقه وربي يعطيج الصحه والعاااافيه .............
مبدعه صرااااحه في الطبخ ........

[أم عبادي]

تسلمييييييييييييين فديتج ع الطريقه الجميييييييييييييييله

[نبض انسان]

ماشاء الله عليج عنى عليج بارده ..
انا شدتى النقش حلو وايد ..
وتسلمين على الفلافل وياحلاته بالداقوس والبطاط ممممممممممممممممم

[مسكينة يا انا]

شكله شهي
وطريقته بسيطه و حلوه
تسلم اييدينج ^^

[غلا بوحمدان]

حرم علي....عمرة مقبوله وسعيا" مشكورا"
أن شاء الله
تقبل الله منج صالح الاعمال
ويرزقج حج بيته ان شاء الله
الغاليه يعطيج العافيه ع هيك فلافل
وتسلم ايدنج وان شاء الله عقب الامتحانات
غلا بوحمدان بتتحفكم باكلاتها مودتي لج

[الكابتن]

الله يهنيكم ... اقصد اللي ما يحاتي وزنه

[حرم علي]

تسلمون خواتي ام عبادي مسكينه يا انا عذبة الشحوج عالردود الطيبة

اختي غلا بو حمدان .. الله يسلمج ,, والله يسمع منج اني احج السنة ,, والله يوفقج في امتحاناتج , و مشكورة

اختي نبض انسان ,, ضحكتيني

اخوي الكابتن ,, كم مرة اقولك كاس زنجبيل عقب كل وجبة
اتحسسني انك شرات نبيل شعيل

[رذاذ عبدالله]

ما شاء الله،
الله يعطيج العافية على الطريقة،
أنا أشتريها جاهز من فلافل نعيم بالرمس،،!!
شكـرا للصور الجميلة،
في حفظ الله،

[ابو نهيان]

بغيت 50 سندويج فلافل
من ايدج الطيبه
ماااا في تأخير مااا ماا جلدي
خخخخخخخخخ